ਰਜਨੀ ਵਾਲੀਆ, ਕਪੂਰਥਲਾ
ਜੀਵਨ ਸਾਥੀ ਤੋਂ ਬਿਨਾਂ ਜਿੰਦਗੀ ਅਧੂਰੀ ਏ,
ਜੀਵਨ ਸਾਥੀ ਦੇ ਨਾਲ ਹੀ ਤਾਂ ਜਿੰਦਗੀ ਏ ਪੂਰੀ ਏ|
ਛੱਡੀਂ ਨਾ ਇਕਂਲਿਆਂ ਤੂੰ ਤੁਰਿਆ ਰਈਂ ਨਾਲ ਵੇ,
ਵੇ ਜੀਵਨ ਸਾਥੀਆ ਸਾਥ ਤੇਰਾ ਬਹੁਤ ਜਰੂਰੀ ਏ|
ਤੇਰੇ ਹੀ ਉਤਸ਼ਾਹ ਨੇਂ ਲਿਖਣਾਂ ਜਾਰੀ ਕਰਵਾਇਆ ਵੇ,
ਤੇਰੇ ਕਰਕੇ ਹੀ ਸਾਥੀਆ ਸਾਡੀ ਮਸ਼ਹੂਰੀ
ਏ|
ਬੋਲੇਂ ਸ਼ਹਿਦੋਂ ਮਿੱਠੜੇ ਬੋਲ ਤੇ ਮਨ ਨੂੰ ਭਾਵੇਂ
ਤੂੰ,
ਤਾਂ ਹੀ ਤਾਂ ਮੈਂ ਤੇਰੀ ਕਰਦੀ ਜੀ ਹਜੂਰੀ ਵੇ|
ਤੂੰ ਸਾਥੀ ਸਰਗਮ ਵਰਗਾ ਤੇ ਹੈਂ ਸੋਹਣੀਂ ਤਾਲ ਜਿਹਾ,
ਕਿੰਨੀ ਕਰਮਾਂ ਵਾਲੀ ਏ ਮੇਰੇ ਮਨ ਦੀ ਕਸਤੂਰੀ ਵੇ|
ਤੂ ਚੰਨ ਵਰਗਾ ਵੇ ਦਿਲ ਦੇ ਅੰਬਰੀਂ ਚੜ ਜਾਂਦਾ,
ਪੈਂਦੀ ਤੇਰੀ ਲੋਅ ਤੇ ਮੈਂ ਹੋ ਜਾਂਦੀ ਨੂਰੀ ਵੇ|
ਸੂਟ ਸਵਾ ਪਟਿਆਲਾ ਸਿਰ ਫੁਲਕਾਰੀ ਲੈ ਲਈ ਮੈਂ,
ਹੱਥੀਂ ਵੰਗਾਂ ਗਜਰੇ ਤੇ ਪੈਰੀ ਜੁੱਤੀ ਕਸੂਰੀ ਵੇ|
ਬਸ ਲੋਕੀ ਕਰਦੇ ਗੱਲਾਂ ਕਿ ਅੱਜ ਕੱਲ
ਬੋਲੇ ਨਾ,
ਰਜਨੀ ਨੂੰ ਤੇਰੇ ਤੇ ਮਾਣ ਏ ਓ ਨਈਂ ਗਰੂਰੀ|
