ਗੀਤਕਾਰ ਦੁੱਖਭੰਜਨ ਰੰਧਾਵਾ
0351920036369
ਮੈਨੂੰ ਤੇਰੇ ਨਾਲ ਯਾਰਾ ਏਨਾਂ,
ਕੂ ਪਿਆਰ ਏ।
ਦਿਲ ਹੌਲਾ ਹੋਜੇ ਅੱਜ ਰੋਣ,
ਦਾ ਵਿਚਾਰ ਏ।
ਮੈਂ ਜਾਨ ਦੇਣੀਂ ਰੱਬ ਨੂੰ,
ਤੇ ਜਿੰਦ ਤੈਥੋਂ ਵਾਰੀ ਏ।
ਮੈਂ ਤਾਂ ਤੈਨੂੰ ਪਾਉਣ ਦੇ ਲਈ,
ਖੂਹ ਚ ਛਾਲ ਮਾਰੀ ਏ।
ਮੈਂ ਜਿੱਤਿਆ ਹਾਂ ਭਾਵੇਂ ਮੇਰੀ,
ਏਦੇ ਵਿੱਚ ਹਾਰ ਏ।
ਮੈਨੂੰ ਤੇਰੇ ਨਾਲ ਯਾਰਾ ਏਨਾ
ਅੱਜ ਰੋਈ ਜਾਵਾਂ ਬਹਿਕੇ,
ਕਿਤੇ ਮੈਂ ਇਕੱਲਾ ਨੀਂ।
ਰੱਬ ਕਰੇ ਹੋ ਜਾਵਾਂ ਮੈਂ,
ਚਾਹੁੰਦਾ ਚਾਹੁੰਦਾ ਝੱਲਾ ਨੀਂ।
ਰੂਹ ਏ ਕੁਰਲਾਈ ਅੱਜ,
ਬੜੀ ਆਵਾਜ਼ਾਰ ਏ।
ਮੈਨੂੰ ਤੇਰੇ ਨਾਲ ਯਾਰਾ ਏਨਾ
ਏਥੇ ਪੁੱਛਿਆ ਮੈਂ ਤੇਰਾ ਹਾਲ,
ਮੈਨੂੰ ਕੋਈ ਦੱਸੇ ਨਾ।
ਮੇਰੇ ਦਿਲ ਚ ਸਕੂਨ ਵਾਲੀ,
ਗੱਲ ਕੋਈ ਵੱਸੇ ਨਾ।
ਮੇਰਾ ਹੁਣ ਇੱਕੋ ਇੱਕ ਰਾਖਾ,
ਕਰਤਾਰ ਏ।
ਮੈਨੂੰ ਤੇਰੇ ਨਾਲ ਯਾਰਾ ਏਨਾ
ਅੱਖਰ ਬੀਮਾਰ ਮੇਰੇ ਕੰਨੇਂ,
ਟਿੱਪੀਆਂ ਬੀਮਾਰ ਨੀ।
ਮੇਰੇ ਦਿਲ ਦੇ ਸਮੁੰਦਰ ਚ,
ਸਿੱਪੀਆਂ ਬੀਮਾਰ ਨੀ।
ਰੁਮਕਦੀ ਸੀ ਪੌਣ ਜੋ,
ਓ ਵੀ ਤਾਂ ਬੀਮਾਰ ਏ।
ਮੈਨੂੰ ਤੇਰੇ ਨਾਲ ਯਾਰਾ ਏਨਾ
ਇਸ਼ਕੇ ਦੀ ਭੱਠ ਨੂੰ ਲੂਹਣ,
ਦਾ ਸਰਾਪ ਏ।
ਮੌਲਾ ਏਦੇ ਥੱਲੇ ਅੱਗਾਂ ਡਾਹੁਣ,
ਵਾਲਾ ਆਪ ਏ।
ਗਮ ਇਸ਼ਕੇ ਦੀ ਵੇਲ ਨੂੰ,
ਕਰਦਾ ਤਿਆਰ ਏ।
ਮੈਨੂੰ ਤੇਰੇ ਨਾਲ ਯਾਰਾ ਏਨਾ
ਦੁੱਖਭੰਜਨ ਨੇ ਜਿੰਦਗੀ ਨੂੰ,
ਕਰਤਾ ਸਲਾਮ ਏ।
ਇਸ਼ਕੇ ਦੇ ਕੰਮ ਮਾੜੇ ਓ ਤਾਂ,
ਐਂਵੇਂ ਈ ਬਦਨਾਮ ਏ।
ਤੇਰੇ ਓ ਚਮ ਦਾ ਨਈਂ ਰੂਹ,
ਦਾ ਹੱਕਦਾਰ ਏ।
ਮੈਨੂੰ ਤੇਰੇ ਨਾਲ ਯਾਰਾ ਏਨਾ ਏਨਾ,
ਕੂ ਪਿਆਰ ਏ।
