ਮੈਂ ਛੋਟਾ ਹਾਂ ਹਾਲੇ
ਬੇਸ਼ੱਕ ਕੱਦ ਪੱਖੋਂ ਨਹੀਂ,
ਪਰ ਵੱਡਾ ਜਰੂਰ
ਹੋਵਾਂਗਾ ਸੋਚ ਪੱਖੋਂ
ਤੇ ਰੁਤਬੇ ਪੱਖੋਂ।
ਮੈਨੂੰ ਤੁਰਨਾ ਨਹੀਂ ਆਇਆ
ਬੇਸ਼ੱਕ ਪੁਲਾਂਘਾਂ ਪੁੱਟ ਲੈਂਦਾ ਹਾਂ
ਪਰ ਕਦਮ ਟਿਕਾਉਣੇ ਸਿੱਖ
ਜਾਵਾਂਗਾ ਦੁਨੀਆਂ ਦੀ
ਤਿਲਕਣਬਾਜੀ ਵਿੱਚ।
ਮੈਂ ਅਸਮਾਨ ਨੂੰ ਛੂਹਣਾ ਹੈ
ਬੇਸ਼ੱਕ ਹਾਲੇ ਉਡਾਣ ਭਰ ਰਿਹਾ ਹਾਂ
ਪਰ ਆਪਣੀ ਮਿਹਨਤ ਦੇ
ਖੰਬਾਂ ਉੱਤੇ ਭਰੋਸਾ ਹੈ ਜੋ
ਡਿੱਗਣ ਨਹੀਂ ਦੇਣਗੇ।
ਮੈਂ ਭੀੜਾਂ ਚੋਂ ਨਿਕਲਣਾ ਹੈ
ਬੇਸ਼ੱਕ ਔਖਾ ਜਰੂਰ ਹੈ
ਪਰ ਆਪ ਅੱਗੇ ਨਿਕਲਣ ਲਈ
ਕਿਸੇ ਨੂੰ ਦੱਬਾਂ ਕੁਚਲਾਂਗਾ
ਨਹੀਂ।
ਕੁਲਵਿੰਦਰ ਸੰਧੂ
ਪਿੰਡ ਸ਼ੇਰਾਂ ਵਾਲਾ
ਤਹਿਸੀਲ ਮਲੋਟ
ਜਿਲ੍ਹਾ ਸ੍ਰੀ ਮੁਕਤਸਰ ਸਾਹਿਬ
9417229203
