ਰਜਨੀ ਵਾਲੀਆ ਕਪੂਰਥਲਾ
ਆਪਣਿਆਂ ਵਿੱਚ ਜਾ ਕੇ ਸੌਵੀਂ।
ਹੁਣ ਰੋਟੀ ਮਨਾ ਤੂੰ ਖਾ ਕੇ ਸੌਵੀਂ।
ਮਿਹਨਤ ਕਰਕੇ ਖਾਣੀਂ ਸਿੱਖ ਜਾ,
ਤੂੰ ਖੇਤ ਵੀ ਆਪਣੇਂ ਵਾਹ ਕੇ ਸੌਵੀਂ।
ਪਸੀਨਾਂ ਬਣਕੇ ਮਿਹਨਤ ਚੋਏ,
ਮਿਹਨਤ ਦੇ ਮਨ ਭਾਅ ਕੇ ਸੌਵੀਂ।
ਤੂੰ ਮਿਹਨਤ ਕਰ ਮੁਕਾਮ ਤੇ ਜਾ,
ਸਭ ਦੀ ਨੀਂਦ ਉਡਾ ਕੇ ਸੌਵੀਂ।
ਜੇਕਰ ਪਈ ਤੇਰੀ ਲੋੜ ਕਿਸੇ ਨੂੰ,
ਤੂੰ ਆਪਣਾਂ ਹੱਥ ਵਧਾ ਕੇ ਸੌਵੀਂ।
ਲੋਕਾਂ ਦੀ ਪ੍ਰਵਾਹ ਨਹੀਂ ਕਰਨੀ,
ਆਪਣਿਆਂ ਨੂੰ ਗਲ ਲਾ ਕੇ ਸੌਵੀਂ।
ਜਿੰਨਾ ਤੈਨੂੰ ਸਭ ਕੁਝ ਦਿਖਾਇਆ,
ਉਹਨਾਂ ਨੂੰ ਵੀ ਕੁਝ ਦਿਖਾ ਕੇ ਸੌਵੀਂ।
ਰਜਨੀ ਹੱਕ ਨਾ ਮਾਰੇ ਨਾ ਹੱਕ ਛੱਡੇ,
ਜਿੰਦੇ ਮੰਜ਼ਿਲ ਨੂੰ ਮੱਥੇ ਲਾ ਕੇ ਸੌਵੀਂ।
