ਗਲਾਸਗੋ/ਲੰਡਨ (ਮਨਦੀਪ ਖੁਰਮੀ)
ਬਰਤਾਨੀਆ ਦੇ ਪ੍ਰਧਾਨ ਮੰਤਰੀ ਬੋਰਿਸ ਜੌਹਨਸਨ ਨੇ ਅਗਲੇ ਹਫਤੇ ਤੱਕ ਇਕ ‘ਵਿਆਪਕ ਯੋਜਨਾ’ ਪੇਸ਼ ਕਰਨ ਦਾ ਵਾਅਦਾ ਕੀਤਾ ਹੈ ਕਿ ਯੂਕੇ ਵਿੱਚ ਲਾਕਡਾਊਨ ਨੂੰ ਕਿਵੇਂ ਘੱਟ ਕੀਤਾ ਜਾ ਸਕਦਾ ਹੈ ।ਪ੍ਰਧਾਨ ਮੰਤਰੀ ਨੇ ਅਰਥ ਵਿਵਸਥਾ ਨੂੰ ਅੱਗੇ ਵਧਾਉਣ ਅਤੇ ਬੱਚਿਆਂ ਨੂੰ ਸਕੂਲ ਵਾਪਸ ਲਿਆਉਣ ਲਈ ਉਪਰਾਲੇ ਕਰਨ ਦਾ ਵਾਅਦਾ ਕੀਤਾ ਹੈ। ਕੋਵਿਡ -19 ਤੋਂ ਠੀਕ ਹੋਣ ਤੋਂ ਬਾਅਦ ਆਪਣੀ ਡਾਉਨਿੰਗ ਸਟ੍ਰੀਟ ਬ੍ਰੀਫਿੰਗ ਦੀ ਅਗਵਾਈ ਕਰਦਿਆਂ ਸ੍ਰੀ ਜੌਹਨਸਨ ਨੇ ਕਿਹਾ ਕਿ ਉਹ ‘ਬਹੁਤ ਖੁਸ਼ਕਿਸਮਤ’ ਸੀ ਅਤੇ ਉਸ ਨੇ ਐਨਐਚਐਸ ਦੀ ਦੇਖਭਾਲ ਕਰਨ ਦਾ ਤਜਰਬਾ ਵੀ ਕੀਤਾ ਪਰ ਕਿਹਾ ਕਿ ‘ਬਹੁਤ ਲੋਕ ਮੇਰੇ ਨਾਲੋਂ ਘੱਟ ਕਿਸਮਤ ਵਾਲੇ ਹਨ’ ਜੋ ਕਿ ਇਸ ਬਿਮਾਰੀ ਤੋਂ ਠੀਕ ਹੁੰਦੇ ਹਨ। ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਦੇਸ਼ ਹੁਣ ‘ਇਸ ਬਿਮਾਰੀ ਦੇ ਸਿਖਰ’ ਤੇ ਆ ਗਿਆ ਹੈ ਅਤੇ ਇਸ ਵਿੱਚ ਤਾਲਾਬੰਦੀ ਨੂੰ ਕਿਵੇਂ ਘੱਟ ਕੀਤਾ ਜਾ ਸਕਦਾ ਹੈ, ਇਸ ਬਾਰੇ ਉਹ ਇਕ ਰਣਨੀਤੀ ਤਿਆਰ ਕਰਨਗੇ।ਜਿਸ ਵਿੱਚ ਅਸੀਂ ਕਿਵੇਂ ਆਪਣੀ ਆਰਥਿਕਤਾ ਨੂੰ ਅੱਗੇ ਵਧਾਈਏ, ਬੱਚਿਆਂ ਨੂੰ ਸਕੂਲ ਵਾਪਸੀ ਅਤੇ ਬੱਚਿਆਂ ਦੀ ਦੇਖਭਾਲ , ਅਤੇ ਤੀਜੀ ਗੱਲ ਯਾਤਰਾ ਸੰਬੰਧੀ ਵਿਊਂਤਬੰਦੀ ਕਰ ਸਕਦੇ ਹਾਂ।
