ਅਮਰਜੀਤ  ਚੀਮਾ

ਜੈ ਹਿੰਦ ਵਾਲਾ ਨਾਹਰਾ ਲੋਕੋ
ਸਿੰਘਾਂ ਤੇ ਨਾ ਢੁਕਦਾ ਏ .
ਫਤਿਹ ਬੁਲਾ ਕੇ ਵਿਚ ਮੈਦਾਨੇ
ਸਿੰਘ  ਗੁਰੂ ਦਾ ਬੁੱਕਦਾ ਏ .
ਵਾਰ ਚੰਡੀ  ਦੀ ਪੜ  ਨਾਲ ਜੋਸ਼  ਦੇ
ਹਥਿਆਰ  ਖਾਲਸਾ ਚੁੱਕਦਾ ਏ .
ਜੈ ਹਿੰਦ ਵਾਲਾ ਨਾਹਰਾ ਲੋਕੋ.
ਸਿੰਘਾਂ  ਤੇ ਨਾ ਢੁਕਦਾ  ਏ .

ਡੋਲੇ ਫਰਕਣ  ਮੁੱਛਾਂ  ਕੁੰਢੀਆਂ
ਦੇਖ ਵੈਰੀ ਫਿਰ ਲੁਕਦਾ ਏ .
ਸਵਾ  ਲੱਖ ਦੇ ਕਰੇ ਉਹ ਡੱਕਰੇ
ਰੋਕਿਆਂ ਨਾ ਹੁਣ ਰੁਕਦਾ ਏ .
ਲੱਖਾਂ  ਮਾਰੋ  ਸਿੰਘ  ਜ਼ਾਲਮੋਂ
ਸਿੰਘ ਕਦੇ ਨਾ  ਮੁਕਦਾ  ਏ
ਜੈ ਹਿੰਦ  ਵਾਲਾ  ਨਾਹਰਾ ਲੋਕੋ
ਸਿੰਘਾਂ ਤੇ ਨਾ ਢੁਕਦਾ ਏ .

ਨੇਜ਼ੇ ਬਰਛੇ ਤਲਵਾਰਾਂ ਚਮਕਣ
ਧਰਤ ਖੂਨ ਨਾਲ ਰੰਗਦਾ  ਏ .
ਕਰਜ਼  ਕੋਈ  ਉਹ ਸਿਰ  ਨਾ  ਰੱਖੇ
ਚੁਣ  ਚੁਣ  ਵੈਰੀ  ਡੰਗਦਾ  ਏ .
ਸਿਰ  ਵੈਰੀ ਦੇ ਵੱਢ  ਖ਼ਾਲਸਾ
ਨੇਜ਼ਿਆਂ  ਉਤੇ  ਟੰਗਦਾ  ਏ .
ਜੈ  ਹਿੰਦ  ਵਾਲਾ  ਨਾਹਰਾ  ਲੋਕੋ
ਭੀਖ  ਜਾਨ  ਦੀ  ਮੰਗਦਾ  ਏ .

ਮਰਨੋ   ਮੂਲ  ਨਾ  ਡਰੇ  ਖਾਲਸਾ
ਸਿਦਕੋਂ  ਨਾ  ਇਹ  ਡੋਲਦਾ ਏ .
ਬੰਦ  ਬੰਦ  ਕਟਵਾ ਕੇ  ਚੀਮਾ
ਫਤਿਹ ਗੁਰੂ  ਦੀ ਬੋਲਦਾ ਏ .
ਦੂਰੋਂ ਬਾਣੇ  ਤਕ ਸਿੰਘਾਂ ਦੇ
ਸਾਹ ਜ਼ਾਲਮ ਦਾ ਸੁਕਦਾ ਏ .
ਜੈ ਹਿੰਦ ਵਾਲਾ ਨਾਹਰਾ ਲੋਕੋ
ਸਿੰਘਾਂ  ਤੇ ਨਾ ਢੁਕਦਾ  ਏ .