ਦਸਤੂਰ

ਸੱਪ ਵੀ ਕੈਦੀ ਇੱਥੇ ਸ਼ੇਰ ਵੀ ਕੈਦੀ
ਕਈ ਮਰਦਾਂ ਦੇ ਇੱਥੇ ਹੱਥੀਂ ਮਹਿੰਦੀ
ਗੁਲਾਮੀ ਦਾ ਲੋਕਾਂ ਨੂੰ ਗਰੂਰ ਹੋਇਆ ਏ ਜਨਾਬ
ਇਹ ਕੈਸਾ ਅੱਜ ਕੱਲ ਦਸਤੂਰ ਹੋਇਆ ਏ ਜਨਾਬ

ਬਦਨਾਮੀ ਸੀ ਜੋ ਓਹ ਮਸ਼ਹੂਰੀ ਬਣਗੀ
ਬਦਖੋਹੀ ਕਈਆਂ ਦੀ ਮਜਬੂਰੀ ਬਣਗੀ
ਇਨਸਾਨ ਬੇਸ਼ਰਮ ਤਾਂ ਜਰੂਰ ਹੋਇਆ ਏ ਜਨਾਬ
ਇਹ ਕੈਸਾ ਅੱਜ ਕੱਲ ਦਸਤੂਰ ਹੋਇਆ ਏ ਜਨਾਬ

ਹਾਰ ਚੁੱਕੇ ਲੋਕ ਧਰਮਾਂ ਕਰਮਾਂ ਦੀ ਜੰਗ
ਬਦਲ ਗਏ ਨੇਂ ਇਹਨਾਂ ਦੀ ਸੋਚ ਦੇ ਢੰਗ
ਸਾਧ ਸੰਤ ਵੀ ਸ਼ਹੁਰਤ ਚ ਚੂਰ ਹੋਇਆ ਏ ਜਨਾਬ
ਇਹ ਕੈਸਾ ਅੱਜ ਕੱਲ ਦਸਤੂਰ ਹੋਇਆ ਏ ਜਨਾਬ

ਜਿੱਥੇ ਬਚਦੀ ਜਾਨ ਲੋਕਾਂ ਬਚਾਕੇ ਦੇਖੀ
ਭਟਕ ਰਹੀਆਂ ਨੇਂ ਰੂਹਾਂ ਦੇਸੀਂ ਪ੍ਰਦੇਸੀਂ
ਕੁਲਦੀਪ ਵੀ ਤਾਂਹੀ ਪਿੰਡੋ ਦੂਰ ਹੋਇਆ ਏ ਜਨਾਬ
ਇਹ ਕੈਸਾ ਅੱਜ ਕੱਲ ਦਸਤੂਰ ਹੋਇਆ ਏ ਜਨਾਬ

ਕੁਲਦੀਪ ਸਿੰਘ ਬਾਜਵਾ
ਹਿੰਮਤਪੁਰਾ