ਦੁੱਖਭੰਜਨ ਰੰਧਾਵਾ
0351920036369
ਤੇਰੀਆਂ ਜੇ ਗੱਲਾਂ ਕਰਾਂ,
ਤੇਰੇ ਤੋਂ ਬਗੈਰ ਨੀ |
ਤਾਂ ਮੈਂ ਉੱਜੜਿਆ ਵੇਖ ਲਵਾਂ,
ਆਪਣਾਂ ਹੀ ਸ਼ਹਿਰ ਨੀ |
ਤੇਰੀਆਂ ਜੇ ਗੱਲਾਂ ਕਰਾਂ,
ਤੇਰੇ ਤੋਂ ਬਗੈਰ ਨੀ |
ਗਮ ਮੈਨੂੰ ਲਗ ਗਏ ਤੇ,
ਗਮ ਮੈਨੂੰ ਖਾ ਗਏ |
ਹੌਕੇ ਹੱਡ ਬਣ ਗਏ,
ਸਾਹੀਂ ਹੌਕੇ ਹੀ ਸਮਾ ਗਏ |
ਤਿੱਖੜਾ ਏ ਤਾਪ ਡਾਢਾ,
ਢਲੀ ਨਈਂ ਦੁਪਹਿਰ ਨੀ |
ਤੇਰੀਆਂ ਜੇ ਗੱਲਾਂ ਕਰਾਂ,
ਤੇਰੇ ਤੋਂ ਬਗੈਰ ਨੀ |
ਮੈਂ ਆਪੇ ਤੈਨੂੰ ਦੱਸਦਾਂ,
ਤੇ ਆਪੇ ਤੈਨੂੰ ਲੋਚਦਾਂ |
ਨੀ ਤੂੰ ਮੇਰੇ ਹੱਡੀਂ ਰਚੀ,
ਤੈਨੂੰ ਨਿੱਤ ਸੋਚਦਾਂ |
ਮੈਂਡਾ ਹੋਵੇ ਮਾੜਾ ਲੱਖ,
ਤੇਰੀ ਤਾਂ ਹੋਵੇ ਖੈਰ ਨੀ |
ਤੇਰੀਆਂ ਜੇ ਗੱਲਾਂ ਕਰਾਂ,
ਤੇਰੇ ਤੋਂ ਬਗੈਰ ਨੀ |
ਗਮ ਤੋਂ ਮੈਂ ਆਇਆ ਵਾਂ,
ਤੇ ਗਮ ਤੇ ਹੀ ਜਾਣਾ ਏ |
ਮੰਨਣਾ ਤਾਂ ਪੈਣਾ ਜੋ ਵੀ,
ਡਾਢੜੇ ਦਾ ਭਾਣਾ ਏ |
ਗਮ ਦੀ ਜੁਬਾਨ ਤੇ ਮਿਠਾਸੜਾ,
ਤੇ ਹੱਡਾਂ ਵਿੱਚ ਜ਼ਹਿਰ ਨੀ |
ਤੇਰੀਆਂ ਜੇ ਗੱਲਾਂ ਕਰਾਂ,
ਤੇਰੇ ਤੋਂ ਬਗੈਰ ਨੀ |
ਨੀ ਮੈਂ ਕੋਸਦਾ ਵਾਂ ਆਪਣਾ,
ਹੀ ਆਪ ਤੈਨੂੰ ਬੋਲਕੇ |
ਮੈਂ ਕੰਬ ਜਾਨਾਂ ਜਿੰਦੜੀਏ,
ਤੇਰੇ ਹੱਥੋਂ ਡੋਲਕੇ |
ਤੂੰ ਤੇ ਰਹਿ ਆਪਣੀ ਤੂੰ,
ਤੇ ਨਾ ਬਣ ਗੈਰ ਨੀ |
ਤੇਰੀਆਂ ਜੇ ਗੱਲਾਂ ਕਰਾਂ,
ਤੇਰੇ ਤੋਂ ਬਗੈਰ ਨੀ |
ਨੀ ਤੇਰਾ ਮੇਰਾ ਰਿਸ਼ਤਾ ਜੇ,
ਹੈਗਾ ਤਾਂ ਹੀ ਜੀਨਾਂ ਵਾਂ |
ਮੈਂ ਸਾਹਾਂ ਚ ਜੋ ਜਿੰਦਗੀ ਏ,
ਤਾਂ ਹੀ ਉਹਨੂੰ ਪੀਨਾਂ ਵਾਂ |
ਮੈਂ ਪਲ ਲਈ ਜੇ ਆਖਾਂ ਜਾਵੇਂ,
ਜਿੰਦਗੀ ਲਈ ਠਹਿਰ ਨੀ |
ਤੇਰੀਆਂ ਜੇ ਗੱਲਾਂ ਕਰਾਂ,
ਤੇਰੇ ਤੋਂ ਬਗੈਰ ਨੀ |
ਨੀ ਦੇਣੀ ਜਿਹੜੀ ਸਜਾ ਤੂੰ,
ਖਲੋ ਕੇ ਅੱਜ ਦੇ ਲੈ ਨੀ |
ਨੀ ਦੇਣੀ ਜਿਹੜੀ ਸਜਾ ਤੂੰ,
ਰੋ ਕੇ ਅੱਜ ਦੇ ਲੈ ਨੀ |
ਦੁੱਖਭੰਜਨ ਸੜਨ ਨੂੰ ਤਿਆਰ ਏ,
ਜੇ ਪੈ ਜਾਏ ਗਲ ਟਾਇਰ ਨੀ |
ਤੇਰੀਆਂ ਜੇ ਗੱਲਾਂ ਕਰਾਂ,
ਤੇਰੇ ਤੋਂ ਬਗੈਰ ਨੀ |
