ਰਜਨੀ ਵਾਲੀਆ
ਟੋਟੇ ਕਰਨੇ ਔਖੇ ਹੁੰਦੇ,
ਦੁਖੜੇ ਜਰਨੇ ਔਖੇ ਹੁੰਦੇ |
ਟੋਟੇ ਕਰਨੇ ਔਖੇ ਹੁੰਦੇ,
ਹਰ ਕੋਈ ਕਿਸੇ ਨੂੰ ਭੇਤ ਨਾ ਦੇਵੇ,
ਆਪਣਾ ਜੱਟ ਕਿਸੇ ਨੂੰ ਖੇਤ ਨਾ ਦੇਵੇ,
ਤਨ ਸਿਆਲੀਂ ਠਰਨੇ ਔਖੇ ਹੁੰਦੇ |
ਟੋਟੇ ਕਰਨੇ ਔਖੇ ਹੁੰਦੇ,
ਦੁਖੜੇ ਜਰਨੇ ਔਖੇ ਹੁੰਦੇ |
ਕਦੇ ਰੱਬ ਤੋਂ ਕੱਖ ਲੁਕਾ ਨਈਂ ਹੁੰਦਾ,
ਕੁਝ ਜਖਮਾਂ ਦਾ ਕਦੇ ਦਵਾ ਨਈਂ ਹੁੰਦਾ,
ਤਦ ਬੁੱਤੇ ਸਰਨੇ ਔਖੇ ਹੁੰਦੇ |
ਟੋਟੇ ਕਰਨੇ ਔਖੇ ਹੁੰਦੇ,
ਦੁਖੜੇ ਜਰਨੇ ਔਖੇ ਹੁੰਦੇ |
ਜਦ ਬੰਦੇ ਨੇ ਸਾਰੀ ਹੱਦ ਮੁਕਾਈ,
ਉਸਨੂੰ ਫਿਰ ਨਾ ਮਿਲੀ ਖੁਦਾਈ,
ਪੱਬ ਸੂਲਾਂ ਤੇ ਧਰਨੇ ਔਖੇ ਹੁੰਦੇ |
ਟੋਟੇ ਕਰਨੇ ਔਖੇ ਹੁੰਦੇ,
ਦੁਖੜੇ ਜਰਨੇ ਔਖੇ ਹੁੰਦੇ |
ਸਦਾ ਦਗਦੇ ਨੇ ਜੋ ਸੂਰਜ ਵਾਂਗੂ,
ਸਦਾ ਮਘਦੇ ਨੇ ਜੋ ਸੂਰਜ ਵਾਂਗੂ,
ਉਹਨਾ ਦੇ ਹਰਨੇ ਔਖੇ ਹੁੰਦੇ |
ਟੋਟੇ ਕਰਨੇ ਔਖੇ ਹੁੰਦੇ,
ਦੁਖੜੇ ਜਰਨੇ ਔਖੇ ਹੁੰਦੇ |
ਜਦ ਵੀ ਹਾਕ ਕਾਦਰ ਮਾਰੇ,
ਤਦ ਪੈ ਜਾਂਦੇ ਠੰਡੇ ਅੰਗਿਆਰੇ,
ਤਦ ਤਾਂ ਮਰਨੇ ਔਖੇ ਹੁੰਦੇ |
ਟੋਟੇ ਕਰਨੇ ਔਖੇ ਹੁੰਦੇ,
ਦੁਖੜੇ ਜਰਨੇ ਔਖੇ ਹੁੰਦੇ |
ਦੋਸ਼ ਕਿਸੇ ਨੂੰ ਕਦੇ ਨਾ ਦਈਏ,
ਪੀੜ ਸੱਜਣ ਦੀ ਸੀਨੇ ਸਹੀਏ,
ਹੰਝੂਆਂ ਵਿੱਚ ਤਰਨੇ ਔਖੇ ਹੁੰਦੇ |
ਟੋਟੇ ਕਰਨੇ ਔਖੇ ਹੁੰਦੇ,
ਦੁਖੜੇ ਜਰਨੇ ਔਖੇ ਹੁੰਦੇ |
ਰਜਨੀ ਚੜਦੇ ਨੂੰ ਹੋਣ ਸਲਾਮਾਂ,
ਤਦ ਵੱਜੇ ਢੋਲ ਦੇ ਨਾਲ ਦਮਾਮਾਂ,
ਬੁਰਿਆਂ ਚ ਵਿਚਰਨੇ ਔਖੇ ਹੁੰਦੇ |
ਟੋਟੇ ਕਰਨੇ ਔਖੇ ਹੁੰਦੇ,
ਦੁਖੜੇ ਜਰਨੇ ਔਖੇ ਹੁੰਦੇ |
