ਗੁਰਿੰਦਰਜੀਤ ਨੀਟਾ ਮਾਛੀਕੇ / ਕੁਲਵੰਤ ਧਾਲੀਆਂ
ਫਰਿਜ਼ਨੋ (ਕੈਲੀਫੋਰਨੀਆਂ),28 ਅਕਤੂਬਰ 2020
ਇਸ ਸਾਲ ਅਮਰੀਕਾ ਵਿੱਚ ਚੋਣਾਂ ਦਾ ਮਾਹੌਲ ਪੂਰੀ ਤਰ੍ਹਾਂ ਗਰਮ ਹੈ। ਅਮਰੀਕੀ ਵੋਟਰਾਂ ਵਿੱਚ ਭਾਰੀ ਉਤਸ਼ਾਹ ਵੇਖਿਆ ਗਿਆ ਹੈ। ਚੋਣ ਦਿਵਸ ਤੋਂ ਪਹਿਲਾਂ ਪਈਆਂ ਵੋਟਾਂ ਕਰਕੇ ਇਸ ਸਾਲ ਦੀ ਗਿਣਤੀ ਨੇ 2016 ਵਿਚ ਗਿਣੀਆਂ ਗਈਆਂ ਕੁਲ ਵੋਟਾਂ ਦੇ ਅੱਧੇ ਤੋਂ ਵੱਧ ਅੰਕੜੇ ਨੂੰ ਪਾਰ ਕਰ ਲਿਆ ਹੈ।ਲੱਖਾਂ ਅਮਰੀਕਾ ਵਾਸੀ ਕੋਰੋਨਾਂ ਵਾਇਰਸ ਮਹਾਂਮਾਰੀ ਵਿਰੁੱਧ ਸਾਵਧਾਨੀ ਵਰਤਦੇ ਹੋਏ ਵੋਟ ਦਾ ਭੁਗਤਾਨ ਕਰ ਚੁੱਕੇ ਹਨ। ਯੂ ਐੱਸ ਦੇ ਚੋਣ ਪ੍ਰਾਜੈਕਟ ਦੇ ਅਨੁਸਾਰ ਚੋਣਾਂ ਦੇ ਦਿਨ ਵਿੱਚ 6 ਦਿਨ ਬਾਕੀ ਰਹਿ ਗਏ ਹਨ ਜਦਕਿ ਬੁੱਧਵਾਰ ਤੜਕੇ ਤੱਕ 71 ਮਿਲੀਅਨ ਤੋਂ ਵੱਧ ਜਲਦੀ ਵੋਟਾਂ ਪਈਆਂ ਹਨ, ਜੋ ਕਿ 2016 ਦੀਆਂ ਆਮ ਚੋਣਾਂ ਦੇ ਕੁਲ ਮਤਦਾਨ ਦਾ 51.6% ਹਨ। ਇਸ ਵਿੱਚ ਮੇਲ-ਇਨ ਬੈਲਟ ਦੁਆਰਾ ਪਾਈਆਂ ਗਈਆਂ 47.8 ਮਿਲੀਅਨ ਵੋਟਾਂ ਹਨ ਅਤੇ 23.3 ਮਿਲੀਅਨ ਵਿਅਕਤੀਗਤ ਵੋਟ ਸ਼ਾਮਲ ਹੈ। ਸਾਲ 2016 ਦੀਆਂ ਚੋਣਾਂ ਵਿੱਚ ਕੁੱਲ 47.2 ਮਿਲੀਅਨ ਵੋਟਾਂ ਪਈਆਂ ਸਨ। ਚੋਣ ਪ੍ਰੋਜੈਕਟ ਦੇ ਅਨੁਸਾਰ ਰਾਜਾਂ ਵਿੱਚ ਹੁਣ ਤੱਕ ਪਈਆਂ ਕੁੱਲ ਵੋਟਾਂ ਦੀ ਸਭ ਤੋਂ ਵੱਧ ਪ੍ਰਤੀਸ਼ਤਤਾ ਟੈਕਸਾਸ ਵਿੱਚ 86.9%, ਵਾਸ਼ਿੰਗਟਨ ਵਿੱਚ 76.1%, ਮੋਂਟਾਨਾ 75.4% ਅਤੇ ਉੱਤਰੀ ਕੈਰੋਲੀਨਾ ਵਿੱਚ71 .5% ਆਦਿ ਖੇਤਰਾਂ ਵਿੱਚ ਹੈ। ਚੋਣ ਅਧਿਕਾਰੀਆਂ ਅਨੁਸਾਰ ਮਹਾਂਮਾਰੀ ਦੇ ਦੌਰਾਨ ਚੋਣ ਕਰਵਾਉਣਾ ਚੋਣ ਅਧਿਕਾਰੀਆਂ ਦੀ ਯੋਗਤਾ ਬਾਰੇ ਬਹੁਤ ਸਾਰੀਆਂ ਚਿੰਤਾਵਾਂ ਪੈਦਾ ਕਰਦਾ ਹੈ। ਇਸ ਵਾਰ ਲੋਕ ਨਾ ਸਿਰਫ ਵੋਟਿੰਗ ਕਰ ਰਹੇ ਹਨ, ਬਲਕਿ ਉਹ ਲੰਬੇ ਸਮੇਂ ਤੋਂ ਵੋਟ ਪਾ ਰਹੇ ਹਨ, ਜਿਸ ਨਾਲ ਚੋਣ ਅਧਿਕਾਰੀਆਂ ਦਾ ਕੰਮ ਵਧਦਾ ਜਾ ਰਿਹਾ ਹੈ। ਚੋਣ ਅੰਕੜਿਆਂ ਅਨੁਸਾਰ 34 ਮਿਲੀਅਨ ਤੋਂ ਵੱਧ ਵੋਟਾਂ ਵਿਚੋਂ ਡੈਮੋਕ੍ਰੇਟਸ 48%, ਰਿਪਬਲੀਕਨ 29%, ਘੱਟ ਪਾਰਟੀਆਂ 1% ਤੋਂ ਘੱਟ ਵੋਟਾਂ ਦੀ ਉਮੀਦ ਕਰਦੇ ਹਨ।
