ਦੁੱਖਭੰਜਨ ਰੰਧਾਵਾ
0351920036369
ਸੱਤਾਂ ਪੱਤਣਾਂ ਦਾ ਤਾਰੂ ,
ਉਹਨੂੰ ਜੱਗ ਆਖਦਾ |
ਓ ਜਦ ਪਾਰ ਲਗਾਵੇਗਾ,
ਤਦ ਵੇਖੀ ਜਾਵੇਗੀ |
ਖੁਦ ਨੂੰ ਸਮਝੇ ਪਤਾ ,
ਨਈ ਕੀ ਤੇ ਮੈਂ ਵੀ ਕੀ ਜਾਣਾਂ |
ਓ ਜਦ ਆਪ ਬੁਲਾਵੇਗਾ,
ਤਦ ਵੇਖੀ ਜਾਵੇਗੀ |
ਉਹਦੇ ਵਿੱਚ ਗੁਣ ਐਸਾ ਏ,
ਉਹ ਪਾਗਲ ਕਰ ਦੇਵੇ |
ਨੈਣਾਂ ਦੇ ਖਾਲੀ ਮੱਟ ਨੂੰ ਓ,
ਹੰਝੂਆਂ ਨਾਲ ਭਰ ਦੇਵੇ |
ਉਸਦੇ ਵਿੱਚ ਗੁਣ ਨੇਂ ਬੜੇ,
ਕੁਝ ਸਿੱਖਣਾਂ ਚਾਹੁੰਨੀ ਆਂ,
ਜਦ ਆਪ ਸਿਖਾਵੇਗਾ,
ਤਦ ਵੇਖੀ ਜਾਵੇਗੀ |
ਓ ਮੇਰੇ ਦਿਲ ਵਿੱਚ ਪੀੜਾਂ ਦਾ,
ਸੈਲਾਬ ਬਣ ਗਿਆ ਏ |
ਰੀਝਾਂ ਦਿਆਂ ਅੱਖਰਾਂ ਦੀ,
ਭੈੜਾ ਕਿਤਾਬ ਬਣ ਗਿਆ ਏ |
ਉਹਦੇ ਦਿਲ ਦੀ ਕਿਤਾਬ ਨੂੰ ਮੈਂ,
ਪੜਨਾਂ ਚਾਹੁੰਨੀ ਆਂ,
ਨੀ ਜਦ ਆਪ ਪੜਾਵੇਗਾ,
ਤਦ ਵੇਖੀ ਜਾਵੇਗੀ |
ਨੀ ਮੈਂ ਪਾਗਲ ਹੋ ਜਾਵਾਂ,
ਜੇ ਪਾਗਲ ਕਰ ਦੇਵੇ |
ਓ ਸਾਹ ਸਬਰ ਸਕੂਨ ਦਾ,
ਮੇਰੇ ਸਾਹੀਂ ਭਰ ਦੇਵੇ |
ਉਹਦੇ ਮੋਹ ਦੀ ਗਾਗਰ ਤਾਂ,
ਬਸ ਭਰੀ ਪਈ ਏ ਨੀ,
ਜਦ ਆਪ ਘਟਾਵੇਗਾ,
ਤਦ ਵੇਖੀ ਜਾਵੇਗੀ |
ਉਹ ਮਾਲਕ ਦੁੱਖਭੰਜਨਾਂ ਕੁੱਲ ਲੁਕਾਈ ਦਾ,
ਊਹ ਆਲਮ ਆਪ ਚਲਾਉਂਦਾ ਏ |
ਉਹ ਰੱਬ ਜਿਸਤੇ ਰਹਿਮਤ ਕਰ ਦੇਵੇ,
ਉਸ ਥੀਂ ਹੀ ਪਾਰ ਲਗਾਉਂਦਾ ਏ |
ਨੀ ਮੈਂ ਵੀ ਤਾਂ ਪਾਰ ਜਾਣਾ ਏ,
ਉਹ ਹਰ ਥਾਂ ਹਾਜਰ ਨਾਜਰ ਹੈ,
ਮੇਰੀ ਜਦ ਬਾਂਹ ਫੜ ਜਾਵੇਗਾ |
ਤਦ ਵੇਖੀ ਜਾਵੇਗੀ |
