ਦੁੱਖਭੰਜਨ ਸਿੰਘ ਰੰਧਾਵਾ
0351920036369
ਜਿੱਦਾਂ ਤੇਰੇ ਸੋਹਣੀਏ ,
ਨੀ ਤੁੱਲ ਕੋਈ ਨਾ |
ਓਦਾਂ ਸਾਨੂੰ ਲੱਗੇ ਸਾਡਾ,
ਮੁੱਲ ਕੋਈ ਨਾ |
ਜਿੱਦਾਂ ਤੇਰੇ ਸੋਹਣੀਏ,
ਨੀ ਤੁੱਲ ਕੋਈ ਨਾ |
ਮੈਂ ਕੰਢਿਆਂ ਦੀ ਵਾੜ ਤੇ ,
ਤੂੰ ਫੁੱਲਾਂ ਦੀ ਕਿਆਰੀ |
ਮਹਿਕਾਂ ਮੌਲਦੀਆਂ ਤੇਰੀਆਂ,
ਤੂੰ ਲਗਦੀ ਪਿਆਰੀ |
ਤੂੰ ਆਵੇਂ-ਜਾਵੇਂ ਜਿੱਥੇ ਮਰਜੀ,
ਸਾਨੂੰ ਖੁੱਲ ਕੋਈ ਨਾ |
ਜਿੱਦਾਂ ਤੇਰੇ ਸੋਹਣੀਏ,
ਨੀ ਤੁੱਲ ਕੋਈ ਨਾ |
ਜਿੱਦਾਂ ਕਰਦੀ ਏਂ ਤੂੰ,
ਓਦਾਂ ਕਰਾਂਗਾ ਜੇ ਮੈਂ |
ਤੈਨੂੰ ਲੱਗਣਾਂ ਨਹੀਂ ਚੰਗਾ,
ਹੌਕੇ ਭਰਾਂਗਾ ਜੇ ਮੈਂ |
ਖਾਰ ਨੇਂ ਚੁਫੇਰੇ ਹਾਏ,
ਨੀ ਫੁੱਲ ਕੋਈ ਨਾ |
ਜਿੱਦਾਂ ਤੇਰੇ ਸੋਹਣੀਏ,
ਨੀ ਤੁੱਲ ਕੋਈ ਨਾ |
ਕਿੱਦਾਂ ਹੁੰਦਾ ਏ ਗੁਜਾਰਾ,
ਮੇਰੀ ਰੂਹ ਨੂੰ ਪੁੱਛ ਆ ਕੇ |
ਏਨੇ ਸੜ ਭੁੱਜ ਜਾਣੈਂ ਨੀ,
ਚੰਦ ਕੂ ਲੱਕੜਾਂ ਤੇ ਜਾ ਕੇ |
ਨੀ ਮੇਰੀ ਜਾਚੇ ਮੈਥੋਂ,
ਹੋਈ ਅਜੇ ਭੁੱਲ ਕੋਈ ਨਾ |
ਜਿੱਦਾਂ ਤੇਰੇ ਸੋਹਣੀਏ,
ਨੀ ਤੁੱਲ ਕੋਈ ਨਾ |
ਮੇਰਾ ਸਰਦਾ ਨਹੀਂ ਭੋਰਾ,
ਮੈਨੂੰ ਰਹਿਣ ਦੇ ਤੂੰ ਪਾਸੇ |
ਮੇਰੇ ਚਾਅ ਭੁਬੀਂ ਰੋਣ,
ਮੇਰੇ ਸਾਹ ਵੀ ਉਦਾਸੇ |
ਨੀ ਮੈਂ ਪੈ ਜਾਵਾਂ ਵਿੱਚ ਝੱਟ,
ਏਥੇ ਚੁੱਲ ਕੋਈ ਨਾ |
ਜਿੱਦਾਂ ਤੇਰੇ ਸੋਹਣੀਏ,
ਨੀ ਤੁੱਲ ਕੋਈ ਨਾ |
ਮੇਰੇ ਸਾਹਾਂ ਦਾ ਬੇੜਾ,
ਤੇਰੀ ਜੁਦਾਈ ਚ ਡੁੱਬੇ |
ਰੂਹ ਭਰੇ ਹਟਕੋਰੇ,
ਕੰਡੇ ਹੌਕੇ ਨੂੰ ਚੁੱਭੇ |
ਜਿੱਦਾਂ ਰੁਲ ਗਏ ਨੀ ਆਪਾਂ,
ਜਾਂਦਾ ਰੁਲ ਕੋਈ ਨਾ |
ਜਿੱਦਾਂ ਤੇਰੇ ਸੋਹਣੀਏ,
ਨੀ ਤੁੱਲ ਕੋਈ ਨਾ |
ਦੁੱਖਭੰਜਨ ਦੇ ਕੰਨਾਂ ਵਿੱਚ,
ਪੀੜ ਦਾ ਤੇਜ਼ਾਬ ਏ |
ਉਹਦੀਆਂ ਰਗਾਂ ਦੇ ਵਿੱਚ,
ਸੋਜ਼ ਟੁੱਟਾ ਸਾਜ਼ ਏ |
ਤੇਰੇ ਨਾਲੋਂ ਸਾਨੂੰ ਚੀਜ਼,
ਅਮੁੱਲ ਕੋਈ ਨਾ |
ਜਿੱਦਾਂ ਤੇਰੇ ਸੋਹਣੀਏ,
ਨੀ ਤੁੱਲ ਕੋਈ ਨਾ |
