ਮਜ਼ਹਬ ਸੀ ਆਪਣੇ ਆਪਣੇ ਫੇਰ ਵੀ ਸੀ ਭਰਾ ਭਰਾ,
ਅੱਗ ਲਾਵਾਂ ਏਸ ਸਿਆਸਤ ਨੂੰ ਜਿਹਨੇ ਕੀਤੇ ਜੁਦਾ ਜੁਦਾ ‘
ਮਿਲਣ ਦੇ ਦੇਵਤਾ, ਮਿਲਣ ਦੀ ਰੁੱਤ ਚੜ੍ਹਾ।
ਦੁਸ਼ਮਣੀ ਦੀ ਅੱਗ ਨੇ ਸਾੜੇ ਹੋਏ ਆਂ,
ਨਫ਼ਰਤ ਦੇ ਪਾਲ਼ੇ ਨੇ ਮਾਰੇ ਹੋਏ ਆਂ,
ਪਿਆਰ ਦੇ ਦੇਵਤਾ, ਬਹਾਰ ਦੀ ਰੁੱਤ ਚੜ੍ਹਾ।
ਬਟਵਾਰੇ ਦੇ ਸੱਪ ਨੇ ਡੰਗੇ ਹੋਏ ਆਂ,
ਇੱਕ ਦੂਜੇ ਦੇ ਖੂਨ ਨਾਲ ਰੰਗੇ ਹੋਏ ਆਂ,
ਪਿਆਰ ਦੇ ਦੇਵਤਾ, ਪਿਆਰ ਦੀ ਰੁੱਤ ਚੜ੍ਹਾ।
ਅਸੀਂ ਸੁੁਲਾਹ ਦੀ ਗੱਲ ਵੀ ਕਰੀ ਜਾਨੇ ਆਂ,
ਇੱਕ ਦੂਜੇ ਨੂੰ ਕਤਲ ਵੀ ਕਰੀ ਜਾਨੇ ਆਂ,
ਅਮਨ ਦੇ ਦੇਵਤਾ, ਅਮਨ ਦੀ ਰੁੱਤ ਚੜ੍ਹਾ।
ਸਲੀਮ ਰਜ਼ਾ ਰਾਏਕੋਟੀ
⭐⭐⭐⭐⭐⭐⭐
ਦੀਨ ਧਰਮ ਦਾ ਧੰਦਾ ,
ਘਾਟਾ ਨਾ ਕਦੇ ਮੰਦਾ.
ਇਸ ਤੋਂ ਬਿਨਾਂ ਹਰ ਧੰਦਾ ,
ਕਦੀ ਮੰਦਾ ਕਦੀ ਚੰਗਾ।
ਸਲੀਮ
