ਦੁੱਖਭੰਜਨ ਰੰਧਾਵਾ
0351920036369
ਮੈਂ ਪੀੜਾਂ ਪੀਣੀਆਂ ਸਿੱਖ ਬੈਠਾ,
ਤੇਰੇ ਪਿਆਰ ਨੇਂ ਪੀਣ ਸਿਖਾ ਦਿੱਤੀ |
ਮੈਂ ਮਰ-ਮਰ ਜੀਣ ਦਾ ਰੋਗੀ ਸੀ,
ਤੇਰੇ ਮੋਹ ਨੇਂ ਜੀਣ ਦਵਾ ਦਿੱਤੀ |
ਮੈਂ ਪੀੜਾਂ ਪੀਣੀਆਂ ਸਿੱਖ ਬੈਠਾ,
ਤੇਰੇ ਪਿਆਰ ਨੇਂ ਪੀਣ ਸਿਖਾ ਦਿੱਤੀ |
ਗੇੜਕੇ ਪੀੜਾਂ ਦੇ ਖੂਹ ਨੂੰ ਮੈਂ,
ਦਰਦਾਂ ਦਾ ਹੱਲ ਜੋਇਆ ਏ |
ਕਦੇ ਵੈਰੀ ਨਾਲ ਵੀ ਹੋਵੇ ਨਾ,
ਜੋ-ਜੋ ਮੇਰੇ ਨਾਲ ਹੋਇਆ ਏ |
ਜਿੰਦਗੀ ਵਿੱਚ ਕੱਖ ਪਾਇਆ ਨਾ,
ਜੋ ਵੀ ਸੈ਼ਅ ਲੱਭੀ ਗਵਾ ਦਿੱਤੀ |
ਮੈਂ ਪੀੜਾਂ ਪੀਣੀਆਂ ਸਿੱਖ ਬੈਠਾ,
ਤੇਰੇ ਪਿਆਰ ਨੇਂ ਪੀਣ ਸਿਖਾ ਦਿੱਤੀ |
ਮੈਂ ਪਾਉਣ ਲੱਗੇ ਨੇਂ ਪਾ ਲੈਣੈ ਭਾਵੇਂ,
ਅੱਗ ਦਾ ਦਰਿਆ ਤਰਨਾ ਪਏ |
ਤੈਨੂੰ ਜਿੱਤਣ ਲੱਗੇ ਨੇ ਜਿੱਤ ਲੈਣੈ,
ਭਾਵੇਂ ਸਾਹ-ਸਾਹ ਮੈਨੂੰ ਹਰਨਾ ਪਏ |
ਤੇਰੇ ਚੋ ਸਭ ਕੁਝ ਪਾਊਣਾ ਏ,
ਤੇਰੇ ਵਿੱਚ ਨਿਗਾਹ ਟਿਕਾ ਦਿੱਤੀ |
ਮੈਂ ਪੀੜਾਂ ਪੀਣੀਆਂ ਸਿੱਖ ਬੈਠਾ,
ਤੇਰੇ ਪਿਆਰ ਨੇਂ ਪੀਣ ਸਿਖਾ ਦਿੱਤੀ |
ਮੈਂ ਮੱਚਦਾ-ਮੱਚਦਾ ਮੱਚ ਜਾਂਦਾ,
ਜੇ ਤੇਰੇ ਨਾਲ ਮੇਰੀ ਗੱਲ ਹੋਵੇ ਨਾ |
ਦੁੱਖ ਮਿਲੇ ਜੇ ਤੈਨੂੰ ਹਾਣਦੀਏ,
ਸਾਹ ਆਵੇ ਨਾ ਜੇ ਅੱਖ ਰੋਵੇ ਨਾ |
ਜਿਹੜੀ ਜਾ ਕੇ ਸਿਵੇ ਚ ਬੁਝਣੀ ਏ,
ਅੰਦਰ ਐਸੀ ਅੱਗ ਲਾ ਦਿੱਤੀ |
ਮੈਂ ਪੀੜਾਂ ਪੀਣੀਆਂ ਸਿੱਖ ਬੈਠਾ,
ਤੇਰੇ ਪਿਆਰ ਨੇਂ ਪੀਣ ਸਿਖਾ ਦਿੱਤੀ |
ਮੇਰੀ ਕਿੰਨੀ ਰਹਿ ਗਈ ਮੈਂ ਜਾਣਾਂ,
ਪਰ ਮੈਂ ਤੈਨੂੰ ਦੱਸਣਾ ਨਹੀਂ |
ਇੱਕ ਪਲ ਵਿੱਚ ਸੌ ਵਾਰੀ ਜੀਅ ਲੈਣੈ,
ਫਿਰ ਮੈਂ ਕਦੇ ਵੀ ਹੱਸਣਾਂ ਨਹੀਂ |
ਟੁੱਟੇ ਪੱਤੇ ਵਾਂਗੂ ਰੁਲਿਆ ਮੈਂ,
ਮੈਨੂੰ ਨਾ ਕਿਸੇ ਪਨਾਂਹ ਦਿੱਤੀ |
ਮੈਂ ਪੀੜਾਂ ਪੀਣੀਆਂ ਸਿੱਖ ਬੈਠਾ,
ਤੇਰੇ ਪਿਆਰ ਨੇਂ ਪੀਣ ਸਿਖਾ ਦਿੱਤੀ |
ਦੁੱਖਭੰਜਨ ਕਦੇ ਏਦਾਂ ਕਰਦਾ ਨਾ,
ਪਰ ਇਹ ਉਸਦੀ ਮਜਬੂਰੀ ਸੀ |
ਉਹਦੇ ਸਾਹਵਾਂ ਦੀ ਗਿਣਤੀ ਮੁੱਕ,
ਗਈ ਉਹਦਾ ਜਾਣਾ ਬਹੁਤ ਜਰੂਰੀ ਸੀ |
ਮੈਂ ਸੌ ਬੰਦੇ ਨੂੰ ਨਾਂਹ ,
ਤੇ ਤੈਨੂੰ ਈ ਹਾਂ ਦਿੱਤੀ |
ਮੈਂ ਪੀੜਾਂ ਪੀਣੀਆਂ ਸਿੱਖ ਬੈਠਾ,
ਤੇਰੇ ਪਿਆਰ ਨੇਂ ਪੀਣ ਸਿਖਾ ਦਿੱਤੀ |
