ਸ਼ਬਦ ਅੰਮੀ ਦਾ ਲਾਡਲਾ ਜਾਇਆ,
ਤ੍ਰੈਲੋਚਨ ਲੋਚੀ |
ਜੀਹਨੇ ਲਿਖ-ਲਿਖ ਗ਼ਜ਼ਲਾਂ ਮਾਣ ਦਵਾਇਆ,
ਤ੍ਰੈਲੋਚਨ ਲੋਚੀ |
ਗ਼ਜ਼ਲਾਂ ਬੈਠਾ ਲੋਚੀ-ਲੋਚ ਰਿਹਾ ਹੈ,
ਫਿਰ ਅੱਜ ਕੁਝ ਵੱਖਰਾ ਸੋਚ ਰਿਹਾ ਹੈ,
ਬੌਣਿਆਂ ਦਾ ਜੀਹਨੇ ਕੱਦ ਵਧਾਇਆ,
ਤ੍ਰੈਲੋਚਨ ਲੋਚੀ |
ਸ਼ਬਦ ਅੰਮੀ ਦਾ ਲਾਡਲਾ ਜਾਇਆ,
ਤ੍ਰੈਲੋਚਨ ਲੋਚੀ |
ਲੋਚੀ ਨੇਂ ਸ਼ਬਦਾਂ ਦਾ ਕਿਲਾ ਬਣਾ ਕੇ,
ਉੱਤੇ ਸੁਰਾਂ ਦੇ ਰੰਗ ਦਾ ਰੰਗ ਚੜਾ ਕੇ,
ਬੰਨਿਆ ਰੰਗ ਮਹਿਫਲ ਵਿੱਚ ਗਾਇਆ,
ਤ੍ਰੈਲੋਚਨ ਲੋਚੀ |
ਜੀਹਨੇ ਲਿਖ-ਲਿਖ ਗ਼ਜ਼ਲਾਂ ਮਾਣ ਦਵਾਇਆ,
ਤ੍ਰੈਲੋਚਨ ਲੋਚੀ |
ਲੋਚੀ ਹਊਮੈਂ ਤੇ ਮੈਂ-ਮੈਂ ਤੋਂ ਦੂਰ ਬੜਾ ਏ,
ਲੋਚੀ ਏਸੇ ਲਈ ਮਸ਼ਹੂਰ ਬੜਾ ਏ,
ਜਿਸ ਨੇ ਕਿਹਾ ਉਸਦੇ ਕੰਮ ਆਇਆ |
ਤ੍ਰੈਲੋਚਨ ਲੋਚੀ |
ਜੀਹਨੇ ਲਿਖ-ਲਿਖ ਗ਼ਜ਼ਲਾਂ ਮਾਣ ਦਵਾਇਆ,
ਤ੍ਰੈਲੋਚਨ ਲੋਚੀ |
ਮਾਂ ਸੁਰਜੀਤ ਕੌਰ ਨੇਂ ਲੋਰੀ ਦਿੱਤੀ,
ਲੋਚੀ ਨੂੰ ਮਾਂ ਬੋਲੀ ਨੇ ਮਸ਼ਹੂਰੀ ਦਿੱਤੀ,
ਕਲਮ ਨੂੰ ਅੱਖਰ ਆਣ ਮਿਲਾਇਆ |
ਜੀਹਨੇ ਲਿਖ-ਲਿਖ ਗ਼ਜ਼ਲਾਂ ਮਾਣ ਦਵਾਇਆ,
ਤ੍ਰੈਲੋਚਨ ਲੋਚੀ |
ਸ.ਗੁਰਬਚਨ ਸਿੰਘ ਦਾ ਪੁੱਤਰ ਸੇ਼ਰ,
ਮਿਲੀ ਸਿਖਿਆ ਵਿੱਚ ਨਾ ਤੇਰ ਨਾ ਮੇਰ,
ਮਿਲਕੇ ਚੱਲਣ ਦਾ ਵੱਲ ਹੀ ਪਾਇਆ |
ਜੀਹਨੇ ਲਿਖ-ਲਿਖ ਗ਼ਜ਼ਲਾਂ ਮਾਣ ਦਵਾਇਆ,
ਤ੍ਰੈਲੋਚਨ ਲੋਚੀ |
ਆੜੀ ਸੁੱਖਮੰਦਰ, ਵਰਿੰਦਰ, ਸੋਮ ਪ੍ਰਕਾਸ਼,ਬਿੱਟਾ,
ਹੱਸੇ-ਖੇਡੇ ਲੜੇ ਤੇ ਰੋਏ ਨਾ ਨਿਕਲਿਆ ਸਿੱਟਾ ,
ਸੀਗਾ ਖੇਡ-ਖੇਡ ਵਿੱਚ ਸਭ ਅਜ਼ਮਾਇਆ |
ਜੀਹਨੇ ਲਿਖ-ਲਿਖ ਗ਼ਜ਼ਲਾਂ ਮਾਣ ਦਵਾਇਆ,
ਤ੍ਰੈਲੋਚਨ ਲੋਚੀ |
ਹਮਸਫਰ ਸ਼ਰਨਜੀਤ ਨੇਂ ਸਬਰ ਚ ਤਾਰੀ ਲਾਈ,
ਨੇਕ ਸੁਭਾ ਨੂੰ ਤਾਈਓਂ ਤਾਂ ਮਿਲਦੀ ਵਡਿਆਈ,
ਸੁਖਮਨਜੋਤ ਧੀ ਤੇ ਸਰਗੁਨਬੀਰ ਪੁੱਤ ਪਾਇਆ |
ਜੀਹਨੇ ਲਿਖ-ਲਿਖ ਗ਼ਜ਼ਲਾਂ ਮਾਣ ਦਵਾਇਆ,
ਤ੍ਰੈਲੋਚਨ ਲੋਚੀ |
ਦੁੱਖਭੰਜਨਾ ਲੋਚੀ ਜਦੋਂ ਸ਼ਬਦ ਸਵਾਰੇ,
ਜਦੋਂ ਗਾਵੇ ਸੁਰ ਜਾਏ ਵਾਰੇ-ਵਾਰੇ,
ਮਹਿਫਲ ਨੂੰ ਸੁਰ ਨਾਲ ਸਜਾਇਆ |
ਜੀਹਨੇ ਲਿਖ-ਲਿਖ ਗ਼ਜ਼ਲਾਂ ਮਾਣ ਦਵਾਇਆ,
ਤ੍ਰੈਲੋਚਨ ਲੋਚੀ |
