ਟੁੱਟੇ ਹੋਏ ਤਾਰੇ

ਦੁੱਖਭੰਜਨ ਰੰਧਾਵਾ
0351920036369

ਤੇਰੇ ਬਿਨਾਂ ਜਿੰਦੇ ਸਾਡੇ ਹੁੰਦੇ ਨਹੀਂ ਗੁਜ਼ਾਰੇ,
ਤੇਰੀ ਨਜ਼ਰ ਚ ਆਪਾਂ ਬਸ ਟੁੱਟੇ ਹੋਏ ਤਾਰੇ,
ਤੇਰੇ ਬਿਨਾਂ ਜਿੰਦੇ ਸਾਡੇ ਹੁੰਦੇ ਨਹੀਂ ਗੁਜ਼ਾਰੇ |

ਹਾਏ ਸਾਡੀ ਨਜਰੇ ਸੱਜਣ ਸਾਨੂੰ ਲੱਖ ਵਰਗੇ,
ਤੇ ਸਾਨੂੰ ਅੱਜ ਪਤਾ ਲੱਗਾ ਅਸੀਂ ਕੱਖ ਵਰਗੇ,
ਲਗਦੇ ਨੇ ਜੀਹਦੇ ਰੱਬ ਵਰਗੇ ਸਹਾਰੇ |
ਜਿੰਦੇ ਤੇਰੇ ਬਿਨਾਂ ਸਾਡੇ ਹੁੰਦੇ ਨਹੀਂ ਗੁਜ਼ਾਰੇ,

ਸਾਨੂੰ ਜਾਣਦਾ ਏ ਕੱਖ ਸਾਡਾ ਸੱਜਣ ਪਿਆਰਾ,
ਉਹਦੀ ਏ ਬੇਰੁਖੀ ਸਾਨੂੰ ਭੋਰਾ ਨਈਂ ਗਵਾਰਾ,
ਜਦੋਂ ਵੇਖਦਾ ਏ ਰੁੱਖਾ ਓਦੋਂ ਜਿੰਦ ਬਾਜੀ ਹਾਰੇ |
ਤੇਰੇ ਬਿਨਾਂ ਜਿੰਦੇ ਸਾਡੇ ਹੁੰਦੇ ਨਹੀਂ ਗੁਜ਼ਾਰੇ,

ਤੇਰੀ ਹਾਲਾਸੇ਼ਰੀ ਨਾਲ ਮੈਂ ਤਾਰੀ ਤਰ ਲਈ,
ਤੇਰੇ ਕਰਕੇ ਮੈਂ ਅੰਬਰੀਂ ਉਡਾਰੀ ਭਰ ਲਈ,
ਨੀ ਮੈਂ ਤੇਰੇ ਬਿਨਾਂ ਦੱਸ ਕਿਵੇਂ ਲੱਭ ਲਊਂ ਕਿਨਾਰੇ |
ਤੇਰੇ ਬਿਨਾਂ ਜਿੰਦੇ ਸਾਡੇ ਹੁੰਦੇ ਨਹੀਂ ਗੁਜ਼ਾਰੇ,

ਜਿੱਦਾਂ ਸੌਣ ਦੇ ਮਹੀਨੇਂ ਮੋਰ ਰੋ-ਰੋ ਨੱਚਦਾ,
ਓਦਾਂ ਦਿਲ ਮੇਰਾ ਡਾਢਾ ਭੱਠ ਪੈ-ਪੈ ਮੱਚਦਾ,
ਤੇਰੇ ਨਾਲ ਹੋਵੇ ਗੱਲ ਨਾ ਤਾਂ ਲਗਦੇ ਕਸਾਰੇ |
ਤੇਰੇ ਬਿਨਾਂ ਜਿੰਦੇ ਸਾਡੇ ਹੁੰਦੇ ਨਹੀਂ ਗੁਜ਼ਾਰੇ,

ਰੂਹ ਲੈ ਕੇ ਪੰਡ ਸਾਹਾਂ ਦੀ ਨੂੰ ਰੋਲਦੀ ਫਿਰੂ,
ਪੰਡ ਹੋਣੀਂ ਬੜੀ ਭਾਰੀ ਥਾਂ-ਥਾਂ ਡੋਲਦੀ ਫਿਰੂ,
ਜਿਹੜੇ ਰਾਹੀਂ ਪੈਣਾ ਮੈਂ ਹੋਣੇਂ ਗੋਡੇ-ਗੋਡੇ ਗਾਰੇ |
ਤੇਰੇ ਬਿਨਾਂ ਜਿੰਦੇ ਸਾਡੇ ਹੁੰਦੇ ਨਹੀਂ ਗੁਜ਼ਾਰੇ,

ਜਦੋਂ ਤੇਰੀ ਰੁਸਵਾਈ ਸਾਡੇ ਵਿਹੜੇ ਪੈਰ ਪਾਏ,
ਨੀ ਪਿੱਟੀਏ ਕਿ ਰੋਈਏ ਸਾਨੂੰ ਸਮਝ ਨਾ ਆਏ,
ਚਾਰੇ ਕੰਧਾਂ ਸਣੇਂ ਸਾਡੇ ਜਿੰਦੇ ਮੱਚ ਗਏ ਚੁਬਾਰੇ |
ਤੇਰੇ ਬਿਨਾਂ ਜਿੰਦੇ ਸਾਡੇ ਹੁੰਦੇ ਨਹੀਂ ਗੁਜ਼ਾਰੇ,

ਤੇਰੇ-ਮੇਰੇ ਰਿਸ਼ਤੇ ਦਾ ਭੇਦ ਖੁੱਲ ਜਾਣਾਂ ਸਾਰਾ,
ਬਣ ਗਿਆ ਜਦੋਂ ਮਰਕੇ ਮੈਂ ਅੰਬਰਾਂ ਦਾ ਤਾਰਾ,
ਬੈਠਾ ਗਮਾਂ ਦੀ ਮੈਂ ਪੀਂਘੇ ਦਿੱਤੇ ਹੌਕਿਅਾਂ ਹੁਲਾਰੇ |
ਤੇਰੇ ਬਿਨਾਂ ਜਿੰਦੇ ਸਾਡੇ ਹੁੰਦੇ ਨਹੀਂ ਗੁਜ਼ਾਰੇ,

ਮੈਨੂੰ ਜਾਪਦੀ ਏਂ ਨੇਰੇ ਵਿੱਚ ਜਗਦੀ ਕੋਈ ਲੋਅ,
ਮਰਿਆ ਜੀਅ ਉੱਠਿਆ ਤੇਰਾ ਮਿਲਿਆ ਜਾਂ ਮੋਹ,
ਦੁੱਖਭੰਜਨ ਨੂੰ ਮਿਲਦੇ ਨਾ ਹੁਣ ਬਹੁਤ ਸਾਰੇ |
ਤੇਰੇ ਬਿਨਾਂ ਜਿੰਦੇ ਸਾਡੇ ਹੁੰਦੇ ਨਹੀਂ ਗੁਜ਼ਾਰੇ,