ਰੁੱਖ ਵੀ ਮਾਵਾਂ ਹੁੰਦੇ ਨੇ,
ਠੰਢੀਆਂ ਛਾਵਾਂ ਹੁੰਦੇ ਨੇ ।
ਰੁੱਖ ਹੁੰਦੇ ਨੇ ਪੁੱਤ ਵੀ,
ਰੁੱਖ ਬਾਹਵਾਂ ਹੁੰਦੇ ਨੇ ।।
ਕੁਦਰਤ ਦੀ ਸ਼ਾਨ ਨੇ ਰੁੱਖ,
ਰੁੱਖ ਰੱਬ ਦੀਆਂ ਦੁਆਵਾਂ ਹੁੰਦੇ ਨੇ ।
ਮਨੁੱਖ ਲਈ ਜੀਵਨ ਨੇ ਰੁੱਖ,
ਮਨੁੱਖ ਦੀਆਂ ਸਾਹਵਾਂ ਹੁੰਦੇ ਨੇ ।।
ਰੁੱਖਾਂ ਤੇ ਨੇ ਪੰਛੀਆਂ ਦੇ ਘਰ-ਬਾਰ ,
ਪੰਛੀਆਂ ਲਈ ਰੁੱਖ ਸਰਾਵਾਂ ਹੁੰਦੇ ਨੇ ।
ਕੁਦਰਤ ਦੇ ਨੇ ਧੀਆਂ ਪੁੱਤਰ ਰੁੱਖ,
ਕੁਦਰਤ ਨੇ ਪਾਲੇ ਨਾਲ ਚਾਵਾਂ ਹੁੰਦੇ ਨੇ ।।
ਰੰਗ ਬਖੇਰਦੇ ਨੇ ਹਰਿਆਲੀਆਂ ਦੇ ਰੁੱਖ ,
ਝੂਮਣ ਰੁੱਖ, ਵਗਦੀਆਂ ਹਵਾਵਾਂ ਹੁੰਦੇ ਨੇ ।
ਰੁੱਖ ਹੁੰਦੇ ਨੇ ਕੁਦਰਤ ਦੀ ਸੁੰਦਰਤਾ,
ਰੁੱਖ ਖੁਸ਼ਹਾਲੀਆਂ ਦਾ ਸਿਰਨਾਵਾਂ ਹੁੰਦੇ ਨੇ ।।
ਹੜ੍ਹ , ਸੋਕੇ, ਵਾਤਾਵਰਨ ਦੀ ਅਸ਼ੁੱਧਤਾ,
ਬੇਰਹਿਮੀ ਰੁੱਖਾਂ ਪ੍ਰਤੀ, ਬਦਲੇ ਸਜ਼ਾਵਾਂ ਹੁੰਦੇ ਨੇ ।
ਸੁੱਖਵਿੰਦਰਾ ਇੱਕ ਦੇ ਬਦਲੇ ਦੋ ਲਗਾਵੇ ਰੁੱਖ ,
ਮਨੁੱਖਤਾ ਦੇ ਭਵਿੱਖ ਦੀਆਂ, ਰੁੱਖ ਰਾਹਵਾਂ ਹੁੰਦੇ ਨੇ ।।
ਸੁੱਖਵਿੰਦਰ ਸਿੰਘ
ਬੋਦਲਾਂਵਾਲਾ