ਰਜਨੀ ਵਾਲੀਆ, ਕਪੂਰਥਲਾ
ਤੇਰੇ ਉੱਤੇ ਰੱਬ ਜਿੰਨਾਂ ਸਾਨੂੰ ਇਤਬਾਰ ਏ,
ਸੱਚ ਜਾਣੀ ਦਿਲੋ ਬਸ ਤੇਰੇ ਨਾਲ ਪਿਆਰ ਏ |
ਜੇ ਤੇਰਾ ਦਿਲ ਦੁਖਿਐ ਸਾਡਾ ਵੀ ਤਾਂ ਦੁਖੇਗਾ,
ਸਾਡੇ ਪੈਰੀਂ ਰੋੜ ਨੇ ਜੇ ਤੇਰੇ ਪੈਰੀਂ ਖਾਰ ਏ |
ਤੂੰ ਮੇਰੀ ਰੂਹ ਵਿੱਚ ਕੈਦ ਹੋ ਕੇ ਰਹਿਣਾ ਵੇ,
ਤੈਨੂੰ ਰਿਹਾਈ ਨਈਂ ਦੇਣੀਂ ਮੇਰਾ ਵਿਚਾਰ ਏ |
ਇੱਕ ਗੱਲ ਕਰਕੇ ਤੂੰ ਠੰਡ ਸੀਨੇ ਪਾ ਦੇਵੇਂ,
ਅੱਗ ਚ ਲਪੇਟਿਆ ਏ ਓਦਾਂ ਸੰਸਾਰ ਏ |
ਜਾਣੈ ਦੂਰ ਤੱਕ ਤੇਰੇ ਨਾਲ ਛੱਡ ਵੀ ਨਈ ਸਕਦੀ,
ਮੇਰੀ ਅੰਬਰਾਂ ਦੇ ਉੱਤੇ ਤੇਰੇ ਕਰਕੇ ਉਡਾਰ ਏ |
ਮੇਰੇ ਦਿਲ ਵਿੱਚ ਮਾਹੀ ਉੱਠਦੀਆਂ ਲਹਿਰਾਂ ਦਾ,
ਤੂੰ ਹੀ ਏ ਵਾਲੀ ਤੇ ਤੂੰ ਹੀ ਹੱਕਦਾਰ ਏ |
ਮਜਬੂਰ ਹਾਂ ਫਿਲਹਾਲ ਆਪੋ-ਆਪਣੀ ਜਗਾ ਤੇ, ਜੋ ਤੇਰੇ ਵਿੱਚ ਹੈ ਓ ਮੇਰੇ ਵਿੱਚ ਬੈਠਾ ਕਰਤਾਰ ਏ |
ਤੇਰੀ ਹਰ ਗੱਲ ਦਾ ਜਵਾਬ ਕੋਲ ਰਜਨੀ ਦੇ,
ਇੱਕ ਬੰਦਾ ਬਹੁਤ ਟੁੱਟਿਆ ਬੜਾ ਅਵਾਜ਼ਾਰ ਏ |
