ਦੁੱਖਭੰਜਨ ਰੰਧਾਵਾ
035192003636
ਮੈਂ ਪਾ ਲਾਂ ਕੋਈ ਦੁੱਖ ਮੇਰੀ ਵਧੇ ਹੋਰ ਭੁੱਖ,
ਮੈਨੂੰ ਸੁੱਕ ਕੇ ਤਵੀਤ ਜਿਹਾ ਹੋ ਲੈਣ ਦੇ,
ਨੀ ਰੱਜ-ਰੱਜ ਰੋਣੈਂ ਮੈਨੂੰ ਰੋ ਲੈਣ ਦੇ |
ਹੁਣ ਤਾਂ ਚੁਭਦੇ ਨੇ ਰੋੜ ਪੈਰਾਂ ਵਿੱਚ ਮਰਜਾਣੇਂ,
ਸਾਹਾਂ ਖੇਡ ਐਸੀ ਖੇਡੀ ਏ ਹੁਣ ਬਾਜੀ ਹਰ ਜਾਣੇਂ,
ਚੋਂਦੈ ਜਿਹੜਾ ਹੰਝੂ ਅੱਜ ਚੋ ਲੈਣ ਦੇ |
ਨੀ ਰੱਜ-ਰੱਜ ਰੋਣੈਂ ਮੈਨੂੰ ਰੋ ਲੈਣ ਦੇ |
ਕਦੀ ਥੰਮਾਂ ਨਾਲ ਵੱਜਾਂ ਕਦੀ ਵੱਜਾਂ ਕੌਲਿਆਂ ਨਾ,
ਕਦੀ ਚੁੱਪ ਸਿਰ ਪਾੜੇ ਕਦੀ ਵੱਜਾਂ ਰੌਲਿਆਂ ਨਾ,
ਨੀਂ ਅੱਜ ਟੁੱਟੇ ਕੱਚ ਤੇ ਖਲੋ ਲੈਣ ਦੇ |
ਨੀ ਰੱਜ-ਰੱਜ ਰੋਣੈਂ ਮੈਨੂੰ ਰੋ ਲੈਣ ਦੇ |
ਮੈਂ ਕੀਤੇ ਨੇਂ ਗੁਨਾਂਹ ਤਾਂ ਹੀ ਸਜ਼ਾ ਪਾ ਲਈ ਏ,
ਆਪਣੇਂ ਹੀ ਹੱਥੀਂ ਆਪਣੀਂ ਬਿਧ ਬਣਾ ਲਈ ਏ,
ਦੇਹ ਆਪਣੀਂ ਨੂੰ ਅੱਗ ਨਾਲ ਧੋ ਲੈਣ ਦੇ |
ਨੀ ਰੱਜ-ਰੱਜ ਰੋਣੈਂ ਮੈਨੂੰ ਰੋ ਲੈਣ ਦੇ |
ਕਿੱਥੇ ਤੇਰੇ ਓ ਵਾਅਦੇ ਕਿੱਥੇ ਤੇਰੀਆਂ ਓ ਗੱਲਾਂ,
ਨਈਂ ਛੱਡਦੀ ਵੇ ਤੈਨੂੰ ਹੁਣ ਜੱਗ ਛੱਡ ਚੱਲਾਂ,
ਮੈਨੂੰ ਆਪਣਾਂ ਤੇ ਪੱਖ ਕਰ ਛੋ ਲੈਣਦੇ |
ਨੀ ਰੱਜ-ਰੱਜ ਰੋਣੈਂ ਮੈਨੂੰ ਰੋ ਲੈਣ ਦੇ |
ਹਾਏ ਕੀੜੇ ਪੈਣ ਮੈਨੂੰ ਜੇ ਮੈਂ ਝੂਠ ਜ਼ਰਾ ਬੋਲਾਂ,
ਮੈਂ ਬੰਦਾ ਪੱਕਾ ਬਚਨਾ ਦਾ ਕਹੀ ਤੋਂ ਨਾ ਡੋਲਾਂ,
ਦਿਲ ਆਖਦਾ ਏ ਮੈਨੂੰ ਕਰ ਓ ਲੈਣ ਦੇ |
ਨੀ ਰੱਜ-ਰੱਜ ਰੋਣੈਂ ਮੈਨੂੰ ਰੋ ਲੈਣ ਦੇ |
ਜਦੋਂ ਰੂਹ ਹੋਈ ਆਜਾਦ ਮੈਨੂੰ ਲੈਣਗੇ ਲਪੇਟ,
ਮੇਰਾ ਸਲਾਮ ਆਖਰੀ ਏ ਮੇਰੀ ਕਰੀਂ ਨਾ ਤੂੰ ਵੇਟ,
ਤਾਰਿਆਂ ਚ ਖੁਦ ਨੂੰ ਲੁਕੋ ਲੈਣਦੇ |
ਨੀ ਰੱਜ-ਰੱਜ ਰੋਣੈਂ ਮੈਨੂੰ ਰੋ ਲੈਣ ਦੇ |
ਹੁਣ ਦੁੱਖਭੰਜਨ ਨੇਂ ਆਉਣਾ ਨਹੀਂ ਦੁਬਾਰਾ ਨੀ,
ਮਿਲਿਆ ਜਿਹੜਾ ਕਰਦਾ ਰਿਹਾ ਕਿਨਾਰਾ ਨੀ,
ਤੂੰ ਵੀ ਕਿਹਾ ਉਹਨਾਂ ਚ ਖਲੋ ਲੈਣਦੇ |
ਨੀ ਰੱਜ-ਰੱਜ ਰੋਣੈਂ ਮੈਨੂੰ ਰੋ ਲੈਣ ਦੇ |
