ਰਜਨੀ ਵਾਲੀਆ, ਕਪੂਰਥਲਾ
ਕੀ ਸੋਚਾਂ ਮੈਂ ਤੇਰੇ ਬਾਰੇ,
ਜਿੰਦਗੀਏ ਨੀ ਲਾ ਨਾ ਲਾਰੇ |
ਦਿਨ ਕਦ ਆਉਣਾ ਕਰਮਾ ਵਾਲਾ,
ਹੋਣੇ ਨੇ ਜਦ ਦਰਸ ਦੀਦਾਰੇ |
ਮੇਰੇ ਲਈ ਕੋਈ ਦੁਨੀਆਂ ਛੱਡੇ,
ਜਿਉਂ ਰਾਂਝੇ ਛੱਡੇ ਤਖਤ ਹਜ਼ਾਰੇ |
ਓਨਾਂ ਮੈਨੂੰ ਕੋਈ ਨੀ ਪਿਆਰਾ,
ਜਿੰਨੇ ਮੈਨੂੰ ਓ ਨੇ ਪਿਆਰੇ |
ਤੈਨੂੰ ਗਲੀ ਚੋਂ ਜਾਂਦਾ ਦੇਖਣ ਨੂੰ,
ਮੈਂ ਰੋਜ਼ ਸੁਕਾਵਾਂ ਵਾਲ ਚੁਬਾਰੇ |
ਕਾਹਤੋਂ ਢੇਰੀ ਢਾ ਕੇ ਬਹਿ ਗਿਓਂ,
ਮੇਰੀ ਵੀ ਅੱਖੋਂ ਵਗਗੇ ਖਾਰੇ |
ਤੇਰੇ ਮੇਰੇ ਵਿੱਚ ਜੋ ਵੀ ਹੈ ,
ਉਸ ਵਿੱਚ ਹੋਣੇਂ ਨਈਂ ਬਟਵਾਰੇ |
ਖੁਸ਼ ਰਹਿਣਾ ਤੇ ਰੱਖਣਾ ਤੈਨੂੰ,
ਮਨ ਨਈਂ ਕਰਨੇਂ ਆਪਾਂ ਭਾਰੇ |
ਤੇਰੇ ਹੰਝੂਆਂ ਦੇ ਨਾਲ ਢਹਿ ਗਏ,
ਸੱਜਣਾਂ ਵੇ ਸਾਡੇ ਕੱਚੇ ਢਾਰੇ |
ਵੇ ਤੇਰੇ ਲਈ ਰਾਤਾਂ ਨੂੰ ਚਮਕਣ,
ਰਜਨੀ ਦੀ ਚੁੰਨੀ ਦੇ ਸਿਤਾਰੇ |
