ਕਲਮ ਐਂਡ ਆਰਟ ਯੂਕੇ ਦੀ ਜ਼ੂਮ ਮੀਟਿੰਗ ਕੀਤੀ ਗਈ, ਇਸ ਵਿੱਚ ਮੁੱਖ ਵਿਸ਼ਾ ਨਸਲਵਾਦ ਰਿਹਾ। ਦਲਜਿੰਦਰ ਬੁੱਟਰ ਨੇ ਇਸ ਬਾਰੇ ਗੁਰਬਾਣੀ ਦੇ ਹਵਾਲੇ ਨਾਲ ਵਿਸਥਾਰ ਸਹਿਤ ਵਿਚਾਰ ਰੱਖੇ। ਇਸ ਵਿਸ਼ੇ ਨੂੰ ਅੱਗੇ ਤੋਰਦੀ ਡਾ. ਅਮਰ ਜਿੳਤੀ ਨੇ ਆਪਣੀ ਸੱਜਰੀ ਨਜ਼ਮ ‘ਕੁਕੂਨਸ’ ਜੌਰਜ ਫਲੌਰਿਡ ਨੂੰ ਸਮਰਪਿਤ ਪੜ੍ਹ ਕੇ ਸੁਣਾਈ। ਕੁਲਦੀਪ ਕਿਟੀ ਬਲ ਨੇ ਆਪਣੀਆਂ ਨਜ਼ਮਾਂ ਉਹਨਾਂ ਦੀਆਂ ਗਵਾਚ ਕੇ ਲੱਭੀਆਂ ਡਾਇਰੀਆਂ ਵਿੱਚੋਂ ਪੜ੍ਹੀਆਂ ਅਤੇ ਇਸ ਸੰਦਰਭ ਵਿੱਚ ਇਸ ਪਹੇਲੀ ਦੀ ਸਾਰੀ ਗਲਬਾਤ ਸਾਂਝੀ ਕੀਤੀ। ਗੁਰਮੇਲ ਸੰਘਾ ਨੇ ਬੜੇ ਯਤਨ ਨਾਲ ਮੀਟਿੰਗ ਵਿੱਚ ਹਿੱਸਾ ਲਿਆ ਅਤੇ ਆਪਣੀਆਂ ਨਜ਼ਮਾਂ ਸਾਂਝੀਆਂ ਕੀਤੀਆਂ। ਭਿੰਦਰ ਜਲਾਲਾਬਾਦੀ ਨੇ ਇਸ ਮੀਟਿੰਗ ਵਿੱਚ ਹੋ ਚੁੱਕੀ ਵਿਚਾਰ ਚਰਚਾ ਅਤੇ ਪੜ੍ਹੀਆਂ ਗਈਆਂ ਨਜ਼ਮਾਂ ਦਾ ਸਾਰੰਸ਼ ਪੇਸ਼ ਕਰਨ ਦੇ ਨਾਲ ਨਾਲ ਆਪਣੀਆਂ ਨਜ਼ਮਾਂ ਵੀ ਪੇਸ਼ ਕੀਤੀਆਂ। ਜਿਹੜੇ ਮੈਂਬਰ ਇਸ ਮੀਟਿੰਗ ਵਿੱਚ ਕਿਸੇ ਕਾਰਣ ਸ਼ਾਮਲ ਨਹੀਂ ਹੋ ਸਕੇ, ਉਹਨਾਂ ਦੇ ਸੁਨੇਹੇ ਸਾਂਝੇ ਕੀਤੇ ਗਏ।
ਰਿਪੋਰਟ- ਡਾ. ਅਮਰ ਜਿਉਤੀ
