ਰਜਨੀ ਵਾਲੀਆ, ਕਪੂਰਥਲਾ
ਅੱਜ ਫੇਰ ਤੇਰੇ ਇਸ਼ਕ ਦੇ ਜੰਗਲ ,
ਨੇਂ ਕੀਤੀ ਬੇਰੁਖੀ |
ਤੇਰੀ ਯਾਦ ਆਈ ਟੁੱਟ ਕੇ ਤੇ ਹੋ,
ਗਈ ਆਂ ਮੈਂ ਦੁਖੀ |
ਵਸਲ ਦੀ ਓ ਰਾਤ ਕਦ ਆਵੇਗੀ,
ਜਾਣੇਂ ਓ ਖੁਦਾ |
ਬੀਤ ਗਏ ਕਈ ਜਨਮ ਵੇ ਤੈਨੂੰ,
ਮੈਥੋਂ ਹੋਇਆਂ ਜੁਦਾ |
ਟੁੱਟਣਗੇ ਕਦ ਦੁੱਖ ਮੇਰੇ ਤੇ,
ਹੋਵਾਂਗੀ ਕਦ ਮੈਂ ਸੁਖੀ |
ਅੱਜ ਫੇਰ ਤੇਰੇ ਇਸ਼ਕ ਦੇ ਜੰਗਲ
ਮੈਂ ਤੇਰੇ ਅੰੰਦਰ ਜਨਮਾਂ ਤੋਂ ਹਾਂ,
ਮਘਦੀ ਪਈ ਵੇ |
ਸੁਣ ਫੱਕਰਾ ਤੇਰੀ ਕੁੱਲੀ ਵਿੱਚ ਹੀ,
ਜਗਦੀ ਪਈ ਹਾਂ |
ਮੈਂ ਹੀ ਤੇਰੀ ਹੋਂਦ ਹਾਂ,
ਮੈਂ ਹੀ ਹਾਂ ਤੇਰੀ ਧੁਖ-ਧੁਖੀ |
ਅੱਜ ਫੇਰ ਤੇਰੇ ਇਸ਼ਕ ਦੇ ਜੰਗਲ
ਤੂੰ ਔਗੁਣਾਂ ਭਰਿਆ ਤੇ ਮੈਂ ਤੇਰੀ,
ਦਿੱਖ ਤੇ ਮਰਗੀ ਵੇ ਕਿਉਂ |
ਤੇਰੇ ਨਾਂ ਦਾ ਚਿਰਾਗ ਦਿਲ ਚ ਜਗਾਇਆ,
ਤੇ ਰਜਨੀ ਹੌਕਾ ਭਰਗੀ ਵੇ ਕਿਉਂ |
ਤੇਰੀ ਝਲਕ ਲਈ ਸੱਜਣਾਂ,
ਮੇਰੀ ਰੂਹ ਏ ਭੁੱਖੀ |
ਅੱਗ ਫੇਰ ਤੇਰੇ ਇਸ਼ਕ ਦੇ ਜੰਗਲ
