ਕਪੂਰਥਲਾ (ਪੰਜ ਦਰਿਆ ਬਿਊਰੋ)
ਅੱਜ ਪੇਰੇਂਟਸ ਐਸੋਸੀਏਸ਼ਨ ਕਪੂਰਥਲਾ ਦਾ ਇੱਕ ਵਫਦ ਮਾਣਯੋਗ ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਗੁਰਦੀਪ ਗਿੱਲ ਜੀ ਨੂੰ ਮਿਲਿਆ । ਜਿਹਨਾਂ ਨੇ ਪ੍ਰਾਈਵੇਟ ਸਕੂਲਾਂ ਦੇ ਤਾਨਾਸ਼ਾਹੀ ਰਵਈਏ ਤੇ ਮਾਣਯੋਗ ਹਾਈਕੋਰਟ ਦੇ ਨਿਯਮਾਂ ਨੂੰ ਛਿੱਕੇ ਟੰਗ ਕੇ ਸਕੂਲਾਂ ਦੀਆਂ ਆਪਹੁਦਰੀਆਂ ਤੇ ਰੋਕ ਲਾਉਣ ਲਈ ਲਿਖਤੀ ਮੰਗ ਪੱਤਰ ਸੌਪਿਆ । ਇਸ ਮੌਕੇ ਵਿਸ਼ਾਲ ਬਹਿਲ , ਮਨਵਰਜੀਤ ਸਿੰਘ , ਅਮਨਦੀਪ ਸਿੰਘ , ਗੁਰਪ੍ਰੀਤ ਸੋਨਾ , ਜਸਵੀਰ ਕੌਰ , ਰਜਨੀ ਵਾਲੀਆ , ਜਸਪ੍ਰੀਤ ਕੌਰ , ਪਰੈਟੀ ਸਿੰਘ ,ਸਨੀ ਬਹਿਲ , ਗੀਤਾ ਆਦਿ ਮੈਂਬਰ ਹਾਜਰ ਹੋਏ । ਮਾਣਯੋਗ ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਜੀ ਨੇ ਭਰੋਸਾ ਦਿਵਾਇਆ ਕਿ ਕਿਸੇ ਵੀ ਸਕੂਲ ਦੀ ਕੋਈ ਵਧੀਕੀ ਬਰਦਾਸ਼ਤ ਨਹੀਂ ਕੀਤੀ ਜਾਵੇਗੀ । ਉਹ ਇਨਸਾਫ਼ ਦਿਵਾਉਣ ਲਈ ਵਚਨਬੱਧ ਹਨ।
