ਦੁੱਖਭੰਜਨ
0351920036369
ਨੀ ਮੈਂ ਏਦਾਂ ਨਾ ਟੁੱਟਾਂ ,
ਕਿ ਚਕਨਾਚੂਰ ਹੋ ਜਾਵਾਂ |
ਜੇ ਟੁੱਟਾਂ ਵੀ ਤੇ ਜੁੜ ਜਾਵਾਂ,
ਨਾ ਤੈਥੋਂ ਦੂਰ ਹੋ ਜਾਵਾਂ |
ਨੀ ਮੈਂ ਏਦਾਂ ਨਾ ਟੁੱਟਾਂ ,
ਕਿ ਚਕਨਾਚੂਰ ਹੋ ਜਾਵਾਂ |
ਮੈਂ ਏਦਾਂ ਪੀੜ ਪੀ ਜਾਵਾਂ,
ਕਿ ਪੀਣੀ ਛੱਡ ਦਿਆਂ ਦਾਰੂ |
ਤੂੰ ਏਨਾਂ ਦੇ ਨਸ਼ਾ ਮੈਨੂੰ,
ਦਿਲੋਂ ਮੈਂ ਕੱਢ ਦਿਆਂ ਦਾਰੂ |
ਤੂੰ ਮੇਰਾ ਨੂਰ ਬਣ ਜਾਵੇਂ,
ਮੈਂ ਤੇਰਾ ਨੂਰ ਹੋ ਜਾਵਾਂ |
ਨੀ ਮੈਂ ਏਦਾਂ ਨਾ ਟੁੱਟਾਂ ,
ਕਿ ਚਕਨਾਚੂਰ ਹੋ ਜਾਵਾਂ |
ਮੈਂ ਤੇਰੇ ਦਰ ਦਾ ਕੂਕਰ ਨੀ,
ਤੇਰੀ ਹਾਂ ਵਿੱਚ ਹੀ ਹਾਂ ਮੇਰੀ |
ਤੇਰੀ ਧੜਕਨ ਚ ਧੜਕਾਂ ਮੈਂ,
ਤੂੰ ਧੁੱਪ ਵੀ ਤੇ ਛਾਂ ਮੇਰੀ |
ਓ ਪਲ ਆਵੇ ਘੜੀ ਆਵੇ,
ਤੈਨੂੰ ਮਨਜੂਰ ਹੋ ਜਾਵਾਂ |
ਨੀ ਮੈਂ ਏਦਾਂ ਨਾ ਟੁੱਟਾਂ ,
ਕਿ ਚਕਨਾਚੂਰ ਹੋ ਜਾਵਾਂ |
ਮੈਂ ਤੇਰੀ ਭੱਠ੍ਹ ਪਿਆ ਕੋਲਾ,
ਜਿੰਨੇਂ ਸਵਾਹ ਹੀ ਹੋਣਾ ਏ |
ਮੈਂ ਕੱਚਾ ਘੜਾ ਝਨਾ ਵਾਲਾ,
ਜਿੰਨੇਂ ਤਬਾਹ ਹੀ ਹੋਣਾ ਏ |
ਤੇਰੇ ਕਦਮੀਂ ਜ਼ਰਿਆਂ ਵਰਗਾ,
ਨਾਂ ਮੈਂ ਗਰੂਰ ਹੋ ਜਾਵਾਂ |
ਨੀ ਮੈਂ ਏਦਾਂ ਨਾ ਟੁੱਟਾਂ ,
ਕਿ ਚਕਨਾਚੂਰ ਹੋ ਜਾਵਾਂ |
ਮੈਂ ਲੱਭਦਾ ਹਾਂ ਆਪਣੇ ਲਈ ਰਾਹ,
ਕਿਉਂ ਮੈਨੂੰ ਰਾਹ ਨਹੀਂ ਲੱਭਦੇ |
ਮੈਂ ਭਾਲਾਂ ਜਿਉਣ ਲਈ ਸਾਹਵਾਂ,
ਕਿਉਂ ਮੈਨੂੰ ਸਾਹ ਨਈਂ ਲੱਭਦੇ |
ਤੂੰ ਮੇਰਾ ਸਕੂਨ ਬਣਜਾ ਨੀ,
ਤੇਰਾ ਮੈਂ ਸਰੂਰ ਹੋ ਜਾਵਾਂ |
ਨੀ ਮੈਂ ਏਦਾਂ ਨਾ ਟੁੱਟਾਂ ,
ਕਿ ਚਕਨਾਚੂਰ ਹੋ ਜਾਵਾਂ |
ਮੈਂ ਦੁਖ ਜਾਵਾਂ ਜਿੱਥੋਂ ਵੀ ਨੀ,
ਮੈਨੂੰ ਬਸ ਪੀੜ ਹੀ ਹੋਵੇ |
ਮੈਂ ਹੱਸਾਂ ਕੇਸਦੇ ਕਰਕੇ,
ਮੇਰੀ ਅੱਖ ਹੰਝ ਭਰ ਰੋਵੇ |
ਮੈਂ ਕਦੀ ਤੇਰਾ ਗੁੱਸਾ ਬਣ ਜਾਵਾਂ,
ਕਦੀ ਤੇਰੀ ਘੂਰ ਹੋ ਜਾਵਾਂ |
ਨੀ ਮੈਂ ਏਦਾਂ ਨਾ ਟੁੱਟਾਂ ,
ਕਿ ਚਕਨਾਚੂਰ ਹੋ ਜਾਵਾਂ |
ਦੁੱਖਭੰਜਨ ਦੇਖਦਾ ਰਹਿੰਦੈ,
ਤੇਰੇ ਵੱਲ ਟਿਕਟਿਕੀ ਲਾ ਕੇ |
ਨੀ ਏਨਾਂ ਭਰ ਗਿਆ ਏ ਓ,
ਡੁੱਲਦਾ ਏ ਥਾਂ-ਥਾਂ ਤੇ ਜਾ ਕੇ |
ਨੀ ਐਸਾ ਜ਼ਖਮ ਨਾ ਬਣ ਜਾਵਾਂ,
ਕਿਤੇ ਨਾਸੂਰ ਹੋ ਜਾਵਾਂ |
ਨੀ ਮੈਂ ਏਦਾਂ ਨਾ ਟੁੱਟਾਂ ,
ਕਿ ਚਕਨਾਚੂਰ ਹੋ ਜਾਵਾਂ |
