ਦੁੱਖਭੰਜਨ ਸਿੰਘ ਰੰਧਾਵਾ
0351920036369
ਤੇਰੇ ਹਾਸੇ ਨਾਲ ਹਾਸਾ,
ਤੇਰੇ ਰੋਣ ਨਾਲ ਰੋਣੇਂ |
ਤੇਰੇ ਜਾਗਣੇਂ ਨਾ ਜਾਗਾ,
ਤੇਰੇ ਸੌਣ ਨਾਲ ਸੌਣੇਂ |
ਦਿਲ ਦੇ ਖੇਤਾਂ ਵਿੱਚ ਆਵੇ,
ਪੀੜ ਰੋਜ਼ ਦੇਣ ਛੱਟਾ |
ਜਾਵੇ ਉੱਡਦਾ ਹਵਾਈਂ,
ਸਾਡੇ ਸਾਹਵਾਂ ਦਾ ਘੱਟਾ |
ਤੇਰੇ ਦਮ ਦੇ ਸਰੂਰ ਅਸਾਂ,
ਆਪ ਹੀ ਕਮਾਉਣੇਂ |
ਤੇਰੇ ਹਾਸੇ ਨਾਲ ਹਾਸਾ
ਸਾਡੇ ਦਿਲ ਦੀ ਜੇ ਕਿਤੇ,
ਖੁੱਲੀ ਰਹਿ ਗਈ ਹੋਵੇ ਬਾਰੀ |
ਤੂੰ ਤਖਤ ਸਾਂਭ ਲਿਆ ਆ ਕੇ,
ਤੇਰੀ ਹੋ ਗਈ ਸਰਦਾਰੀ |
ਸਾਨੂੰ ਮਿਲ ਗਏ ਓ ਯਾਰ,
ਜਿਹੜੇ ਸਾਡੇ ਮਨ ਭਾਉਣੇਂ |
ਤੇਰੇ ਹਾਸੇ ਨਾਲ ਹਾਸਾ
ਸਾਨੂੰ ਲਗਦੀਆਂ ਏਦਾਂ
ਜਿੱਦਾਂ ਸਾਹਵਾਂ ਨੇਂ ਪਰਾਈਆਂ |
ਮੇਰੇ ਹੌਕਿਆਂ ਦੇ ਟਿੱਲਿਆਂ,
ਤੇ ਮੱਚੀਆਂ ਦਹਾਈਆਂ |
ਲਾ ਤਾਂ ਲਈਆਂ ਹੱਸ-ਹੱਸ,
ਨਾ ਪੈਣ ਪਛਤਾਉਂਣੇ |
ਤੇਰੇ ਹਾਸੇ ਵਿੱਚ ਹਾਸਾ
ਰੋ-ਰੋ ਕੇ ਮੇਰੇ ਯਾਰਾ,
ਸੁੱਕ ਚੱਲੇ ਦੀਦੇ |
ਸਾਨੂੰ ਓਹੀ ਜਾਣਦਾ ਏ,
ਰੰਗੇ-ਰੰਗ ਵਿੱਚ ਜੀਹਦੇ |
ਹੰਝੂ ਚੋਈ ਜਾਣ ਅਸਾਂ,
ਹਾਰ ਨੇਂ ਪਰੋਣੇਂ |
ਤੇਰੇ ਹਾਸੇ ਵਿੱਚ ਹਾਸਾ
ਮੈਨੂ਼ੰ ਲੋੜ ਜਦੋਂ ਪੈ ਗਈ,
ਤੂੰ ਹੋਵੀਂ ਦੁੱਖਾਂ ਚ ਸਹਾਈ |
ਤੂੰ ਮੇਰਾ ਇਸ਼ਕ ਹਕੀਕੀ,
ਤੂੰ ਮੇਰੀ ਰੂਹ ਦੀ ਕਮਾਈ |
ਤੂੰ ਹੀ ਤਾਂ ਓਦੋਂ ਮੇਰੇ,
ਦੁੱਖ ਨੇਂ ਵੰਢਾਉਣੇ |
ਤੇਰੇ ਹਾਸੇ ਵਿੱਚ ਹਾਸਾ
ਦੁੱਖਭੰਜਨ ਨੇ ਤੇਰੇ,
ਪਿੱਛੇ ਰੋਲੇ ਬੜੇ ਕੱਖ |
ਓਨੂੰ ਲੋੜ ਬਸ ਤੇਰੀ,
ਸਹਿਣੇਂ ਪੈਣ ਦੁੱਖ ਲੱਖ |
ਤੇਰੇ ਸਾਥ ਬਾਜੋਂ ਦੱਸ,
ਕਾਹਦੇ ਨੇ ਜੀਉਣੇਂ |
ਤੇਰੇ ਹਾਸੇ ਵਿੱਚ ਹਾਸਾ
