ਰਜਨੀ ਵਾਲੀਆ, ਕਪੂਰਥਲਾ
ਵਾਲੀਆ ਜਹਾਨ ਦਿਆ,
ਇੱਕ ਗੱਲ ਦੱਸ ਮੈਨੂੰ,
ਤੇਰੇ ਇਸ ਜੱਗ ਉੱਤੇ,
ਏਨੀਂ ਬੇਰੁਜ਼ਗਾਰੀ ਕਿਉਂ |
ਮੈਂ ਜਿੱਥੇ ਵੀ ਗਈ,
ਮੈਨੂੰ ਟੁੱਟਣਾਂ ਮਿਲਿੲੈ,
ਦੱਸ ਮੈਂ ਹਰ ਬਾਜੀ,
ਜਿੱਤਕੇ ਹਾਂ ਹਾਰੀ ਕਿਉਂ|
ਭੁੱਖਾ ਮਰਦੈ ਟੁੱਕਰ ਖਾਤਿਰ,
ਰੱਜਿਆ ਲੜ ਪਏ ਨੁੱਕਰ ਖਾਤਿਰ,
ਏਥੇ ਹਰ ਰਿਸ਼ਤੇ ਦਾ ਸੌਦਾ ਹੋਵੇ,
ਬਣੇਂ ਸਾਰੇ ਵਿਉਪਾਰੀ ਕਿਉਂ |
ਏਨੀ ਬੇਰੁਜ਼ਗਾਰੀ ਕਿਉਂ
ਕਦਰ ਕੋਈ ਨਈਂ ਕਰਦਾ ਏਥੇ,
ਕਿਸੇ ਲਈ ਕੋਈ ਨਹੀਂ ਮਰਦਾ ਏਥੇ,
ਬੇਸਮਝੇ ਏਥੇ ਚੌਧਰਾਂ ਮਾਰਨ,
ਬਣੀਂ ਦੁਨੀਆਂ ਬੇਕਿਰਦਾਰੀ ਕਿਉਂ |
ਏਨੀਂ ਬੇਰੁਜ਼ਗਾਰੀ ਕਿਉਂ
ਤੇਰੀ ਵੀ ਮੈਨੂੰ ਸਮਝ ਨਈਂ ਆਉਂਦੀ,
ਫੜ ਤੇਰੀ ਕੋਈ ਰਮਜ਼ ਨਈਂ ਆਉਂਦੀ,
ਬੁਰਿਆਂ ਤੋਂ ਤੂੰ ਮਖਮਲ ਵਾਰੇਂ,
ਚੰਗਿਆਂ ਲਈ ਖਾਰ ਖਿਲਾਰੀ ਕਿਉਂ |
ਏਨੀ ਬੇਰੁਜ਼ਗਾਰੀ ਕਿਉਂ
ਕੋਈ ਕਿਸੇ ਨੂੰ ਵੇਖ ਕੇ ਜਰ ਨਈਂ ਸਕਦਾ,
ਕੋਈ ਤੋਪਾ ਮੋਹ ਦਾ ਭਰ ਨਈਂ ਸਕਦਾ,
ਐਂਵੇ ਖੂਨ ਉਬਾਲੇ ਖਾਂਦਾ ਕਾਹਤੋਂ,
ਬਣੀਂ ਦੁਨੀਆਂ ਦੱਸ ਹਤਿਆਰੀ ਕਿਉਂ |
ਏਨੀਂ ਬੇਰੁਜ਼ਗਾਰੀ ਕਿਉਂ
ਪੜੇ-ਲਿਖੇ ਵੀ ਕਰਨ ਦਿਹਾੜੀ,
ਹਾਕਮ ਹੁਕਮ ਦੀ ਪੁੱਟਦਾ ਦਾਹੜੀ,
ਡਿਗਰੀ ਦਾ ਕਦੇ ਮੁੱਲ ਪਿਆ ਨਾ,
ਮਿਲੇ ਨੌਕਰੀ ਨਾ ਸਰਕਾਰੀ ਕਿਉਂ |
ਏਨੀਂ ਬੇਰੁਜ਼ਗਾਰੀ ਕਿਉਂ
ਇੱਕ ਤੇਰੇ ਨਾ ਵਿੱਚ ਬਰਕਤ ਰਹਿ ਗਈ,
ਕੁਦਰਤ ਦੇ ਹੱਥ ਹਰਕਤ ਰਹਿ ਗਈ,
ਤੂੰ ਤਾਂ ਏਂ ਹੌਲਾ ਫੁੱਲ ਵਰਗਾ ਵੇ,
ਫਿਰ ਦੁਨੀਆਂ ਏ ਦੱਸ ਭਾਰੀ ਕਿਉਂ |
ਏਨੀ ਬੇਰੁਜ਼ਗਾਰੀ ਕਿਉਂ
ਹਰ ਕੰਮ ਦੇ ਵਿੱਚ ਪੈਸਾ ਲਗਦਾ,
ਏਥੇ ਸਭ ਐਸਾ ਨਹੀਂ ਤੇ ਵੈਸਾ ਲਗਦਾ,
ਬਿਨ ਰਿਸ਼ਵਤ ਕੋਈ ਕੰਮ ਕਰਦਾ ਨਈਂ,
ਏਥੇ ਦੱਸ ਏਨੀਂ ਭਿ੍ਸ਼ਟਾਚਾਰੀ ਕਿਉ |
ਏਨੀ ਬੇਰੁਜ਼ਗਾਰੀ ਕਿਉਂ
ਮਜ਼ਦੂਰ ਦੇ ਘਰਨੂੰ ਕੁੰਡਾ ਹੈ ਨਈਂ,
ਮੌਲਾ ਉਸਦੇ ਮੁਹੱਲੇ ਗੁੰਡਾ ਹੈ ਨਈਂ,
ਹੁੰਦੇ ਚੌਧਰੀਆਂ ਘਰ ਪਲੰਘ ਪੰਘੂੜੇ,
ਚੌਧਰੀਆਂ ਚਾਂਦੀ ਜੜੀ ਹਰ ਬਾਰੀ ਕਿਉਂ |
ਏਨੀ ਬੇਰੁਜ਼ਗਾਰੀ ਕਿਉਂ
ਸਕੂਨ ਏ ਮਿਲ ਗਿਆ ਰੂਹ ਦਾ ਹਾਣੀ,
ਹਾਏ ਜਿਸ ਨੇ ਮੇਰੀ ਰਮਜ਼ ਪਛਣੀਂ,
ਜਿਸ ਨੂੰ ਰਜਨੀਂ ਦਾ ਪੀੜ੍ਹ ਫਬੇਂਦਾ,
ਤੇ ਉਸਦੇ ਮਨ ਭਾਵੇ ਕਿਲਕਾਰੀ ਕਿਉਂ |
ਏਨੀ ਬੇਰੁਜ਼ਗਾਰੀ ਕਿਉਂ
