ਦੁੱਖਭੰਜਨ ਰੰਧਾਵਾ
0351920036369
ਓ ਯਾਰਾ ਤੇਰੀ ਵਡਿਆਈ,
ਜਿੰਨੀ ਕਰ ਲਵਾਂ ਥੋੜੀ ਏ |
ਅੱਜ ਖੁਸੀ਼ ਨੇ ਮੁਹਾਰ,
ਮੇਰੇ ਘਰ ਵੱਲ ਮੋੜੀ ਏ |
ਨਾਤਿਆ ਤੋਂ ਨਾਤਾ ਸਾਡਾ,
ਪੱਕਾ ਮੇਰੇ ਮਹਿਰਮਾਂ |
ਬੇਗਮ ਹਾਂ ਮੈਂ ਤੇ ਤੂੰ,
ਯੱਕਾ ਮੇਰੇ ਮਹਿਰਮਾ |
ਤੇਰੀ ਮੇਰੀ ਯਾਰਾ ਏ,
ਬਣੀਂ ਕੀਵੇਂ ਜੋੜੀ ਏ |
ਅੱਜ ਖੁਸੀ਼ ਨੇ ਮੁਹਾਰ
ਫੁੱਲਾਂ ਵਾਂਗੂ ਟਹਿਕਨਾ ਏਂ,
ਹੱਸਦਾ ਏਂ ਸੋਹਣਾਂ ਤੂੰ |
ਉਚਾਰਨਾ ਏ ਸ਼ਬਦ ਜਿਹੜਾ,
ਦੱਸਨਾ ਏ ਸੋਹਣਾ ਤੂੰ |
ਆਪਣੀ ਮੈਂ ਜਾਨ ਤੇਰੀ,
ਜਾਨ ਚ ਨਿਚੋੜੀ ਏ |
ਅੱਜ ਖੁਸੀ਼ ਨੇਂ ਮੁਹਾਰ
ਤੂੰ ਹੀਰਿਆਂ ਦਾ ਹਾਰ,
ਤੇ ਮੈਂ ਵਿੱਚੋਂ ਲੰਘੀ ਤਾਰ ਵੇ |
ਭਾਵੇਂ ਹਾਂ ਮੈਂ ਮਾੜਾ ਪਰ,
ਛੱਡੀਂ ਨਾ ਤੂੰ ਯਾਰ ਵੇ |
ਬੰਦਾ ਤੇਰੇ ਬਿਨਾ ਜੀ਼ਰੋ,
ਤੇਰੇ ਨਾਲ ਹੀ ਕਰੋੜੀ ਏ |
ਅੱਜ ਖੁਸੀ਼ ਨੇ ਮੁਹਾਰ
ਬੋ ਹੋਈ ਪਤੰਗ ਜਿਆ,
ਮੁਕੱਦਰਾਂ ਦਾ ਹੋ ਗਿਆ |
ਦਰ-ਦਰ ਦਾ ਮੰਗਤਾ,
ਸਿਕੰਦਰਾਂ ਦਾ ਹੋ ਗਿਆ |
ਖੁਸੀ਼ ਮੇਰੇ ਵਿਹੜੇ ਅੱਜ,
ਆਈ ਦੌੜੀ-ਦੌੜੀ ਏ |
ਅੱਜ ਖੁਸੀ਼ ਨੇਂ ਮਹਾਰ
ਅਸੀਂ ਆਉਂਦੇ ਹਾਂ ਫਕੀਰਾਂ,
ਵਿੱਚ ਸਾਡੇ ਪੈਣ ਰੌਲੇ ਨੀ |
ਸਾਨੂੰ ਕੋਈ ਗੌਲਦਾ ਨਈਂ,
ਰਈਏ ਅਣਗੌਲੇ ਨੀਂ |
ਫੇਰ ਕੋਈ ਇਲਾਹੀ ਜੋਤ,
ਸੀਨੜੇ ਚ ਬਹੁੜੀ ਏ |
ਅੱਜ ਖੁਸੀ਼ ਨੇਂ ਮੁਹਾਰ
ਤੂੰ ਚੌਧਰੀ ਦੇ ਮਹੀਲੀਂ ਲੱਗੀ,
ਸੋਨੇ ਦੀ ਛਤੀਰ ਜਿਹਾ |
ਮੈਂ ਸਿਵਿਆਂ ਦੇ ਰਾਹੀਂ ਵਿਛੀ,
ਚੰਦਰੀ ਕਰੀਰ ਜਿਹਾ |
ਤੂ਼ੰ ਤਾਰਾ ਅੰਬਰਾਂ ਦਾ,
ਬੰਦਾ ਬਸ ਰੋੜੀ ਏ |
ਅੱਜ ਖੁਸੀ਼ ਨੇ ਮੁਹਾਰ
ਅਸੀਂ ਜਿੰਨੂ ਪਾ ਲਿਆ ਏ,
ਓ ਸੁਪਨਾ ਹੈ ਸਾਰਿਆ ਦਾ |
ਚੰਨ ਦੀ ਚਾਹਤ ਪਹਿਲੀ,
ਤੇ ਸੁਪਨਾਂ ਓ ਤਾਰਿਆਂ ਦਾ |
ਕਈਆਂ ਨੂੰ ਏਈਓ ਗੱਲ,
ਲੱਗਣੀਂ ਤਾਂ ਕੌੜੀ ਏ |
ਅੱਜ ਖੁਸੀ਼ ਨੇ ਮੁਹਾਰ
ਹੋਇਆ ਏ ਜੇ ਏਨਾਂ ਨੇੜੇ,
ਤਾਂ ਦੂਰ ਕਦੇ ਜਾਵੀਂ ਨਾ |
ਸਹਿ ਨਈਓ ਹੋਣਾ ਹੁਣ,
ਵਿਛੋੜਾ ਕਦੇ ਪਾਵੀਂ ਨਾ |
ਛੱਡ ਦੁੱਖਭੰਜਨਾਂ ਤੂੰ ਲੋਕਾਂ
ਦੀ ਸੋਚ ਬੜੀ ਸੌੜੀ ਏ |
ਅੱਜ ਖੁਸੀ਼ ਨੇ ਮੁਹਾਰ,
ਮੇਰੇ ਘਰ ਵੱਲ ਮੋੜੀ ਏ |
