14 ਜੂਨ ਤੋਂ ਈਡਨ ਪਾਰਕ ਦੇ ਵਿਚ ਰਗਬੀ ਦੀ ਸ਼ੁਰੂਆਤ ਨਾਲ ਸ਼ਹਿਰ ਦੀਆਂ ਰੌਣਕਾਂ ਵਿਚ ਹੋਵੇਗਾ ਵਾਧਾ
ਔਕਲੈਂਡ 11 ਜੂਨ (ਹਰਜਿੰਦਰ ਸਿੰਘ ਬਸਿਆਲਾ)
ਨਿਊਜ਼ੀਲੈਂਡ ਦੇ ਵਿਚ ਲਾਕਡਾਊਨ 9 ਜੂਨ ਤੋਂ ਖਤਮ ਹੋ ਚੁੱਕਾ ਹੈ ਲੋਕ ਜਿੱਥੇ ਆਮ ਜ਼ਿੰਦਗੀ ਦੀ ਪਟੜੀ ਉਤੇ ਚੜ੍ਹ ਗਏ ਹਨ ਉਥੇ ਖੇਡਾਂ ਨਾਲ ਪਿਆਰ ਰੱਖਣ ਵਾਲੇ ਵੀ ਖੇਡਾਂ ਦੀ ਉਡੀਕ ਵਿਚ ਸਨ। ਹੁਣ ਲਾਕਡਾਊਨ ਤੋਂ ਬਾਅਦ ਪਹਿਲੀ ਵਾਰ ਈਡਨ ਪਾਰਕ ਦੇ ਵਿਚ ਰਗਬੀ ਖੇਡ ਦਾ ਆਯੋਜਨ 14 ਜੂਨ ਨੂੰ ਹੋ ਰਿਹਾ ਹੈ। ਬਲੂਜ਼ ਅਤੇ ਹੂਰੀਕੇਨਜ ਟੀਮਾਂ ਦਰਮਿਆਨ ਇਹ ਮੁਕਾਬਲੇ ਹੋਣਗੇ। 30,000 ਦੇ ਕਰੀਬ ਖੇਡ ਪ੍ਰੇਮੀਆਂ ਦਾ ਇਸ ਮੌਕੇ ਪਹੁੰਚਣ ਦਾ ਅਨੁਮਾਨ ਹੈ। ਟਿਕਟਾਂ ਦੇ ਵਿਚ ਬੱਸਾਂ, ਟ੍ਰੇਨਾਂ ਅਤੇ ਫੇਰੀ ਦੇ ਵਿਚ ਇਨ੍ਹਾਂ ਮੈਚਾਂ ਦੇ ਖੇਡਣ ਜਾਣ ਲਈ ਵੱਖਰੀ ਟਿਕਟ ਨਹੀਂ ਲੈਣੀ ਪਏਗੀ।
