ਜੋ ਖਰਚੇ ਆਪਾਂ ਕਰ ਰਹੇ ਹਾਂ
ਕੀ ਉਹ ਲੋਕ ਦਿਖਾਵਾ ਤਾਂ ਨਹੀਂ?
ਚਾਰ ਦਿਨਾਂ ਦੀ ਬੱਲੇ ਬੱਲੇ
ਪਿੱਛੋਂ ਫਿਰ ਪਛਤਾਵਾ ਤਾਂ ਨਹੀਂ?
ਲੋਕੀਂ ਮੈਨੂੰ ਕੀ ਆਖਣਗੇ
ਮਨ ਦਾ ਕਿਤੇ ਡਰਾਵਾ ਤਾਂ ਨਹੀਂ?
ਅੰਦਰੋਂ ਅੰਦਰੀ ਕੁੰਲਜੇ ਪਏ ਹਾਂ
ਬਾਹਰੋਂ ਵਾਹਵਾ ਵਾਹਵਾ ਤਾਂ ਨਹੀਂ?
ਨਾਂ ਨੂੰਹ ਦੇ ਨਾਂ ਧੀ ਦੇ ਲੇਖੇ
ਕਿਸੇ ਦਾ ਮਨ ਪਰਚਾਵਾ ਤਾਂ ਨਹੀਂ?
ਸਰਮਾਏਦਾਰੀ ਸਿਸਟਮ ਵਲੋਂ
ਕੀਤਾ ਕੋਈ ਛਲਾਵਾ ਤਾਂ ਨਹੀਂ ?
ਹੁਣ ਤਾਂ ਬਹਿ ਕੇ ਸੋਚ ਵਿਚਾਰੋ
ਮਿਹਨਤਕਸ਼ ਕਿਰਤੀ ਕਿਰਦਾਰੋ
ਭਵਿੱਖ ਦੀਆਂ ਲੋੜਾਂ ਨੂੰ ਦੇ ਦਿੱਤਾ
ਆਪਾਂ ਕਿਤੇ ਬੇਦਾਵਾ ਤਾਂ ਨਹੀਂ ?
ਅੱਡੀਆਂ ਚੱਕ ਕੇ ਫਾਹਾ ਲੈਣਾਂ
“ਫੌਜੀਆ” ਹਾਉਂਕਾ ਹਾਵਾ ਤਾਂ ਨਹੀਂ?
