ਗਲਾਸਗੋ/ਲੰਡਨ (ਮਨਦੀਪ ਖੁਰਮੀ ਹਿੰਮਤਪੁਰਾ)
ਸ਼ਨੀਵਾਰ ਨੂੰ ਲੰਡਨ ਵਿਚ “ਬਲੈਕ ਲਾਈਵਜ਼ ਮੈਟਰ” ਦੇ ਪ੍ਰਦਰਸ਼ਨ ਵਿੱਚ ਪੁਲਿਸ ਦੀ ਪ੍ਰਦਰਸ਼ਨਕਾਰੀਆਂ ਨਾਲ ਹੋਈ ਝੜਪ ਤੋਂ ਬਾਅਦ ਦਸ ਅਧਿਕਾਰੀ ਜ਼ਖਮੀ ਹੋ ਗਏ। ਹਜ਼ਾਰਾਂ ਸ਼ਾਂਤਮਈ ਕਾਰਕੁੰਨਾਂ ਨੇ ਜਾਰਜ ਫਲਾਇਡ ਲਈ ਇਨਸਾਫ ਦੀ ਮੰਗ ਅਤੇ ਨਸਲਵਾਦ ਨੂੰ ਖਤਮ ਕਰਨ ਲਈ ਰਾਜਧਾਨੀ ਸ਼ਹਿਰ ਵਿੱਚ ਮਾਰਚ ਕੀਤਾ। ਇਸ ਸੰਬੰਧ ਵਿੱਚ ਤੜਕੇ ਤੜਕੇ ਡਾਊਨਿੰਗ ਸਟ੍ਰੀਟ ਦੇ ਬਾਹਰ ਤਣਾਅ ਵਧ ਗਿਆ ਸੀ, ਜਿਸ ਕਰਕੇ 14 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਅਤੇ ਘਟਨਾ ਤੋਂ ਬਾਅਦ ਘੋੜਿਆਂ ‘ਤੇ ਸਵਾਰ ਮੈੱਟ ਪੁਲਿਸ ਅਧਿਕਾਰੀਆਂ ਨੇ ਪ੍ਰਦਰਸ਼ਨਕਾਰੀਆਂ ਨੂੰ ਪਿੱਛੇ ਧੱਕਣ ਲਈ ਸ਼ਾਮ 6 ਵਜੇ ਵ੍ਹਾਈਟਹਾਲ’ ‘ਤੇ ਸਰਗਰਮੀ ਕੀਤੀ।
ਲੋਕਾਂ ਦੁਆਰਾ ਪੁਲਿਸ ‘ਤੇ ਬੋਤਲਾਂ ਅਤੇ ਹੋਰ ਚੀਜ਼ਾਂ ਸੁੱਟੀਆਂ ਗਈਆਂ ਸਨ। ਇਸ ਦੌਰਾਨ ਇਕ ਅਧਿਕਾਰੀ ਨੂੰ ਉਸ ਦੇ ਘੋੜੇ ਤੋਂ ਡਿੱਗਣ ਤੋਂ ਬਾਅਦ ਹਸਪਤਾਲ ਲਿਜਾਇਆ ਗਿਆ। ਫੋਰਸ ਨੇ ਕਿਹਾ ਕਿ ਇਸ ਪ੍ਰਦਰਸ਼ਨ ਦੌਰਾਨ 10 ਅਧਿਕਾਰੀ ਜ਼ਖਮੀ ਹੋ ਗਏ ।
