ਹੈਪੀ ਚੌਧਰੀ (ਟੋਰਾਂਟੋ ਕਨੇਡਾ)
ਸੁਰਖ਼ ਦੰਦਾਸੇ ,ਵੈਰ ਕਮਾਵਣ ,
ਖੰਭਾਂ ਤੋਂ ਡਾਰਾਂ, ਬਣ ਜਾਵਣ ,
ਸ਼ਰਮ ਹਯਾ ਦੇ, ਪਰਦੇ ਕਰਲੈ ,
ਸਭ ਦੇ ਸਾਹਵੇਂ, ਹੱਸਿਆ ਨਾ ਕਰ ,
ਓਏ..ਦੋ ਮੂੰਹੇਂ ਸੱਜਣਾਂ ਦੇ ਕਾਰੇ ,
ਪਰ੍ਹਿਆ ਦੇ ਵਿੱਚ, ਦੱਸਿਆ ਨਾ ਕਰ..!
ਕੁਝ ਇਕ ਨਾਲ਼ , ਬਣਾ ਕੇ ਰਖ ਛੱਡ ,
ਉਤਲੇ ਮਨੋਂ ਈ, ਵਰਾ ਕੇ ਰੱਖ ਛੱਡ ,
ਹਾੜਾ…ਉਏ ਇਕੱਲਾ ਰਹਿ ਜਾਵੇਂਗਾ,
ਹਰ ਦੇ ਨਮਦੇ ਕਸਿਆ ਨਾ ਕਰ.!
ਓਏ…ਨਾ ਸ਼ੁਕਰੇ ਸੱਜਣਾਂ ਦੀਆਂ ਬਾਤਾਂ ,
ਪਰ੍ਹਿਆ ਦੇ ਵਿੱਚ, ਦੱਸਿਆ ਨਾ ਕਰ..!
ਚਿਹਰੇ ਉਪਰ, ਚਿਹਰਾ ਕੱਸ ਲੈ ,
ਹਾਂ ਵਿੱਚ ਹਾਂ ਹਾਂ ਕਹਿ, ਤੇ ਹੱਸ ਲੈ ,
ਵੱਡੇ ਬਾਬੇ ਤਾਂ ਐਵੇਂ ਈ ਕਹਿ ਗਏ ,
ਕਿ ਸੱਚ ਬੋਲਣ ਤੋਂ ਨੱਸਿਆ ਨਾ ਕਰ.!
ਓਏ ..ਦੋ ਮੂੰਹੇਂ ਸੱਜਣਾਂ ਦੀਆਂ ਬਾਤਾਂ ,
ਪਰ੍ਹਿਆ ਦੇ ਵਿੱਚ ਦੱਸਿਆ ਨਾ ਕਰ..!
“ਹੈਪੀ” ਮੂੰਹ ਤੇ ਗੱਲ ਕਹਿ ਜਾਨੈਂ ,
ਕਈਆਂ ਦੇ ਦਿਲ ਤੋਂ ਲਹਿ ਜਾਨੈਂ ,
ਦਿਲ ਦਾ ਜੇਕਰ ਮਾਸ ਬਚਾਉਣਾ ,
ਗਿਰਝਾਂ ਦੇ ਵੱਲ, ਨੱਸਿਆ ਨਾ ਕਰ.!
ਓਏ..ਦੋ ਮੂੰਹੇਂ ਸੱਜਣਾਂ ਦੇ ਕਾਰੇ ,
ਪਰ੍ਹਿਆ ਦੇ ਵਿੱਚ ਦੱਸਿਆ ਨਾ ਕਰ..!
