‘ਧੀਆਂ’

ਅਮਨਦੀਪ ਕੌਰ ਜਲੰਧਰੀ

ਧੀਆਂ ਦੇ ਦੁੱਖ ਡਾਹਢੇ ਵੇ ਰੱਬਾ,
ਧੀ ਦੇਵੀਂ ਤਾਂ ਸੁੱਖ ਝੋਲ਼ੀ ਪਾਈਂ |
ਡਾਰੋਂ ਵਿੱਛੜੀਆਂ ਇਹਨਾਂ ਕੂੰਜਾਂ ਦੇ,
ਸੱਧਰਾਂ ਦੇ ਸੋਹਣੇ ਫ਼ੁੱਲ ਖਿੜ੍ਹਾਈਂ |

ਬਚਪਨ ਲੰਘ ਜਦ ਆਊ ਜਵਾਨੀ,
ਗਾਉਂਦੀ ਫਿਰੂ ਜਦ ਹੋ ਮਸਤਾਨੀ |
ਭੇੜੀਆਂ ਦੇ ਕਿਤੇ ਹੱਥ ਨਾ ਲਵਾਈਂ |
ਧੀਆਂ ਦੇ ਦੁੱਖ…………. |

ਪੜ੍ਹ-ਲਿਖ ਉੱਚੀਆਂ ਮੰਜ਼ਿਲਾਂ ਪਾਵਣ,
ਲੋਕ ਧੀਆਂ ਤੋਂ ਸਦਾ ਸਦਕੇ ਜਾਵਣ |
ਬਾਪੂ ਦੀ ਪੱਗ ਦਾ ਸਦਾ ਮਾਣ ਵਧਾਈ |
ਧੀਆਂ ਦੇ ਦੁੱਖ………….. |

ਸੁਹਰੇ ਘਰ ਜਾ ਸੁੱਖੀ ਵੱਸਣ ਇਹ,
ਨਵੇਂ ਰਾਹਾਂ ‘ਤੇ ਜਦ ਪੈਰ ਰੱਖਣ ਇਹ,
ਮਾਪਿਆਂ ਦੇ ਦਿਲਾਂ ਨੂੰ ਠੇਸ ਨਾ ਲਾਈਂ |
ਧੀਆਂ ਦੇ ਦੁੱਖ…………… |

‘ਜਲੰਧਰੀ’ ਕਰੇ ਦੁਆ ਐ ਰੱਬਾ,
ਵੰਸ਼ ਦੀ ਖ਼ਾਤਿਰ ਪੁੱਤਰ ਕਿਉਂ ਲੱਭਾ?
ਧੀ ਨੂੰ ਵੀ ਸਰਵਣ ਪੁੱਤ ਕਹਾਈਂ |
ਧੀਆਂ ਦੇ ਦੁੱਖ ਡਾਹਢੇ ਵੇ ਰੱਬਾ,
ਧੀ ਦੇਵੀਂ ਤਾਂ ਸੁੱਖ ਝੋਲ਼ੀ ਪਾਈਂ |
ਡਾਰੋਂ ਵਿਛੜੀਆਂ ਇਹਨਾਂ ਕੂੰਜਾਂ ਦੇ,
ਸੱਧਰਾਂ ਦੇ ਸੋਹਣੇ ਫ਼ੁੱਲ ਖਿੜ੍ਹਾਈਂ |

         ਅਮਨਦੀਪ ਕੌਰ ਜਲੰਧਰੀ
          88720-40085