ਗਲਾਸਗੋ/ਲੰਡਨ (ਮਨਦੀਪ ਖੁਰਮੀ ਹਿੰਮਤਪੁਰਾ)
ਇੰਗਲੈਂਡ ਵਿੱਚ ਦੰਦਾਂ ਦੇ ਇਲਾਜ ਲਈ ਸਰਜਰੀਆਂ ਤੇ ਕਲੀਨਿਕਾਂ ਨੂੰ 8 ਜੂਨ ਤੋਂ ਦੁਬਾਰਾ ਖੋਲ੍ਹਣ ਦੀ ਆਗਿਆ ਦਿੱਤੀ ਜਾਏਗੀ ਬਸ਼ਰਤੇ ਉਨ੍ਹਾਂ ਕੋਲ ਸੁਰੱਖਿਆ ਦੇ ਕਾਫ਼ੀ ਉਪਾਅ ਹੋਣੇ ਚਾਹੀਦੇ ਹਨ। 25 ਮਾਰਚ ਨੂੰ ਲਾਕਡਾਊਨ ਕਰਕੇ ਡੈਂਟਲ ਸਰਜਰੀਆਂ ਤੇ ਕਲੀਨਿਕਾਂ ‘ਤੇ ਵੀ ਪਾਬੰਦੀ ਲਗਾ ਦਿੱਤੀ ਗਈ ਸੀ, ਸਿਰਫ ਐਮਰਜੈਂਸੀ ਇਲਾਜ ਹੀ ਜਾਰੀ ਸੀ। ਪਰ ਹੁਣ ਇਸ ਦੇ ਸੰਬੰਧ ਵਿੱਚ ਇੰਗਲੈਂਡ ਦੇ ਮੁੱਖ ਡੈਂਟਲ ਅਧਿਕਾਰੀ ਸਾਰਾ ਹਰਲੀ ਨੇ ਕਿਹਾ ਕਿ ਦੰਦਾਂ ਦੇ ਸਭ ਤਰਾ੍ਂ ਦੇ ਇਲਾਜ ਸੋਮਵਾਰ, 8 ਜੂਨ ਤੋਂ ਸ਼ੁਰੂ ਹੋਣਗੇ ਪਰ ਫਿਰ ਵੀ ਸੇਵਾਵਾਂ ਦਾ ਮੁਲਾਂਕਣ ਕੀਤਾ ਜਾਵੇਗਾ ਕਿ ਉਨ੍ਹਾਂ ਕੋਲ ਲੋੜੀਂਦੇ ਆਈਪੀਸੀ ਅਤੇ ਪੀਪੀਈ ਦੇ ਜਰੂਰੀ ਪ੍ਰਬੰਧ ਹਨ ਜਾਂ ਨਹੀ।
