“ ਹੈਪੀ ਚੌਧਰੀ” (ਟੋਰਾਂਟੋ ਕਨੇਡਾ)
ਤਨਜ਼ਾਂ ਕਸੀਆਂ ਢੇਰ, ਜ਼ਮਾਨੇ ਮੇਰੇ ‘ਤੇ,
ਅੱਕ ਹਾਰ ਫਿਰ, ਆਪਾ ਲੱਭਣ ਤੁਰਿਆ ਮੈਂ,
ਮੇਰੇ ਲਈ ਜੋ ਰਿਸ਼ਤੇ, ਪਾਕ ਪਵਿੱਤਰ ਸੀ ,
ਵੇਖ ਬਜ਼ਾਰੀਂ ਵਿਕਦੇ, ਖਾਲ਼ੀ ਮੁੜਿਆ ਮੈਂ ,
ਗੁੱਝੀਆਂ ਚਾਲਾਂ ਚੱਲ ਗਏ, ਰਹਿ ਕੇ ਸ਼ਾਂਤ ਜਿਹੇ ,
“ਚੰਟਾਂ” ਹੱਥੋਂ ਹਰ ਗਿਆ, ਪੜ੍ਹਿਆ ਗੁੜ੍ਹਿਆ ਮੈਂ,
ਬੇਰੁਖ਼ੀਆਂ ਹੀ ਮਿਲੀਆਂ, ਸੋਹਣੇ ਸੱਜਣਾਂ ਤੋਂ,
ਕਿਣਕਾ ਕਿਣਕਾ, ਰੇਤ ਵਾਗਰਾਂ ਭੁਰਿਆ ਮੈਂ ,
ਲੱਖ ਲੱਖ ਝਾਤਾਂ ਪਾ ਤੱਕਿਆ, ਮੈ ਗਲਮੇਂ ਵਿੱਚ ,
ਜ਼ਿੰਦਗੀ ਬੈਠੀ ਸਹਿਮੀ ਜਿਹੀ, ਤੱਕ ਝੁਰਿਆ ਮੈਂ,
ਹੱਦ ਐ “ਹੈਪੀ” ਜਿਹੇ ਕਾਫਰ ਵੀ, ਹਾਜ਼ਰ ਸਨ,
ਇਖਲਾਕਾਂ ਦਾ ਮੇਲਾ ਤੱਕ, ਜਦ ਮੁੜਿਆ ਮੈਂ..!
