ਗਲਾਸਗੋ (ਮਨਦੀਪ ਖੁਰਮੀ ਹਿੰਮਤਪੁਰਾ, ਅਮਰ ਮੀਨੀਆਂ)
ਵਿਗਿਆਨੀਆ ਦਾ ਦਾਅਵਾ ਹੈ ਕਿ ਜੇਕਰ ਸਕਾਟਲੈਂਡ ਦੋ ਹਫਤੇ ਪਹਿਲਾਂ ਤਾਲਾਬੰਦੀ ਵਿਚ ਚਲਾ ਜਾਂਦਾ ਤਾਂ ਲਗਭਗ ਦੋ ਹਜ਼ਾਰ ਕੋਰੋਨਵਾਇਰਸ ਮੌਤਾਂ ਨੂੰ ਰੋਕਿਆ ਜਾ ਸਕਦਾ ਸੀ। ਐਡਿਨਬਰਾ ਯੂਨੀਵਰਸਿਟੀ ਦੇ ਐਪੀਡੈਮੋਲੋਜਿਸਟ ਦਾ ਦਾਅਵਾ ਹੈ ਕਿ ਸਕਾਟਲੈਂਡ ਵਿੱਚ ਮੌਤ ਦੀ ਦਰ ਪਹਿਲਾਂ ਕਾਰਵਾਈ ਕਰਕੇ 80 ਪ੍ਰਤੀਸ਼ਤ ਤੱਕ ਘਟਾਈ ਜਾ ਸਕਦੀ ਸੀ। ਸ਼ੁਰੂਆਤੀ ਦਖਲ ਅੰਦਾਜ਼ੀ ਨਾਲ ਪਿਛਲੇ ਹਫ਼ਤੇ ਐਨਆਰਐਸ ਦੁਆਰਾ ਦਿੱਤੀ ਰਿਪੋਰਟ ਅਨੁਸਾਰ 2795 ਮੌਤਾਂ ਦੱਸੀਆਂ ਗਈਆਂ ਹਨ। ਜੇਕਰ ਸਮੇਂ ਸਿਰ ਸਹੀ ਕਾਰਵਾਈ ਕੀਤੀ ਜਾਂਦੀ ਤਾਂ ਇਹ ਗਿਣਤੀ 600 ਤੋਂ ਘੱਟ ਹੋ ਸਕਦੀ ਸੀ। ਸਕਾਟਲੈਂਡ ਵਿੱਚ ਪਹਿਲਾ ਤੋਂ ਦਰਜ ਕੇਸਾਂ ਵਿੱਚ ਪਹਿਲਾਂ ਫਰਵਰੀ ਵਿੱਚ ਐਡਿਨਬਰਗ ਵਿੱਚ ਵਾਇਰਸ ਫੈਲਣ ਦਾ ਖੁਲਾਸਾ ਹੋਇਆ ਸੀ, ਪਰ ਇਹ ਲੋਕਾਂ ਸਾਹਮਣੇ ਨਹੀਂ ਆਇਆ ਸੀ। ਘੱਟੋ ਘੱਟ ਫਰਵਰੀ ਦੇ ਅਖੀਰ ਤੋਂ ਸਕਾਟਲੈਂਡ ਵਿੱਚ ਇਹ ਜਾਣਨ ਦੇ ਬਾਵਜੂਦ, ਸਕਾਟਲੈਂਡ ਨੇ 16 ਮਾਰਚ ਤਕ ਵੱਡੇ ਇਕੱਠਾਂ ਜਾਂ 25 ਮਾਰਚ ਤਕ ਕੋਈ ਲਾਕਡਾਊਨ ਨਹੀਂ ਕੀਤਾ। ਸਕੌਟਲੈਂਡ ਦਾ ਸਲਾਹਕਾਰ ਪੈਨਲ, ਜਿਸ ਵਿਚ ਐਡਿਨਬਰਾ ਯੂਨੀਵਰਸਿਟੀ ਵਿਚ ਪਬਲਿਕ ਹੈਲਥ ਦੀ ਚੇਅਰ ਪ੍ਰੋਫੈਸਰ ਦੇਵੀ ਸਰੀਧਰਨੇ ਕਿਹਾ ਕਿ ਸਾਨੂੰ ਫਰਵਰੀ ਦੇ ਅੱਧ ਵਿਚ ਇਹ ਕੰਮ ਕਰਨਾ ਚਾਹੀਦਾ ਸੀ। ਅਸੀਂ ਵੇਖ ਸਕਦੇ ਸੀ ਕਿ ਇਹ ਕੋਈ ਆਮ ਵਾਇਰਸ ਨਹੀਂ ਸੀ ਜਿਸ ਕਰਕੇ ਵਧੇਰੇ ਜਾਨਾਂ ਗਈਆਂ ਹਨ।
