ਐ ਮੇਰੇ ਮਾਲਕ ਰੌਸ਼ਨ ਕਰਦੇ,
ਅੱਜ ਤੋਂ ਮੇਰੇ ਅੰਦਰ ਨੂੰ।
ਮਸਜਿਦ, ਗਿਰਜਾ ਗੂਰੂਦਵਾਰਾ,
ਸੀਸ ਝੁਕਾਵਾਂ ਮੰਦਰ ਨੂੰ।
ਹੁਣ ਨਾ ਗਲਾਂ ਚ ਟਾਇਰ,
ਪਾ ਕੇ ਬੰਦੇ ਸਾੜੇ ਜਾਵਣਗੇ।
ਮਨ ਸ਼ੀਸ਼ੇ ਜਿਆ ਸਾਫ ਹੋ,
ਜਾਣੈਂ ਖੂਨ ਨੀ ਲੱਗਣਾਂ ਖੰਜਰ ਨੂੰ।
ਕਾਸ਼ ਨਾ ਉੱਤਰੇ ਕਿਸੇ ਵੀ ਧੀ,
ਦੇ ਸਿਰ ਦੇ ਉੱਤੋਂ ਦੁਪੱਟਾ ਹੁਣ।
ਪਤ ਰੁਲਦੀ ਨੀ ਵੇਖਣੀਂ ਚਾਹੁੰਦੇ,
ਨਈਂ ਵੇਖਣਾਂ ਚਾਹੁੰਦੇ ਮੰਜ਼ਰ ਨੂੰ।
ਸਭਦੇ ਜ਼ਹਿਨ ਦੇ ਵਿੱਚੋਂ ਕੱਢ,
ਕੇ ਸੁੱਟਦੇ ਤੂੰ ਹੰਕਾਰ ਦਾ ਕੰਢਾ।
ਅੱਜ ਮੈਂ ਸੀਸ ਨਿਵਾਉਣ,
ਹੈ ਦਿੱਤਾ ਆਖ ਕਲੰਦਰ ਨੂੰ।
ਕਰ ਮੇਰੇ ਮੌਲਾ ਐਸੀ ਬਾਰਿਸ਼,
ਧਰਤੀ ਦਾ ਕੋਨਾਂ ਕੋਨਾਂ ਭਿੱਜਜੇ।
ਆਪਣੇ ਹਿੱਸੇ ਦਾ ਪਾਣੀ ਮਿਲ ਜੇ,
ਧਰਤੀ ਹਰ ਇੱਕ ਬੰਜਰ ਨੂੰ।
ਭੁੱਲਿਆ ਨਹੀਂ ਨਨਕਾਣਾ ਹਾਲੇ,
ਤੇ ਭੁੱਲਿਆ ਨਈਂ ਕਰਤਾਰਪੁਰਾ।
ਦੁੱਖਭੰਜਨ ਅੱਜ ਵੀ ਟੇਕੇ ਮੱਥੇ,
ਗੂਰੂ ਨਾਨਕ ਦੇ ਲੰਗਰ ਨੂੰ।
ਦੁੱਖਭੰਜਨ ਰੰਧਾਵਾ
ਸੰਪਰਕ ਸੂਤਰ
0351920036369
0919855884418
ਕੈਂਪਿੰਗ ਵਿਲਾ ਪਾਰਕ
ਜੰਬੂਜ਼ੀਰਾ ਦੋ ਮਾਰ
ਪੁਰਤਗਾਲ
