ਕੋਈ ਆਖੇ ਰੱਬ ਨੇੜੇ ਰਹਿੰਦਾ
ਕੋਈ ਆਖੇ ਰਹਿੰਦਾ ਏ ਦੂਰ
ਮਨ ਅੰਦਰ ਨਾ ਝਾਤ ਮਾਰਦੇ
ਬੈਠੇ ਕਰੀ ਨੇ ਸਭ ਗ਼ਰੂਰ।
ਕੋਈ ਆਖੇ ਰੱਬ ਅੰਦਰ ਵੱਸਦਾ
ਗੱਲਾਂ ਕਰ, ਬੰਦੇ ਨੂੰ ਬੰਦਾ ਦੱਸਦਾ
ਉਹਦੇ ਚਿਹਰੇ ਝਲਕੇ ਨੂਰ
ਬੈਠੇ ਕਰੀ ਨੇ ਸਭ ਗ਼ਰੂਰ।
ਚੰਗਾ ਕੰਮ ਕੀਤਾ ਬੰਦੇ ਕੀਤਾ
ਰੱਬ ਨੇ ਕਹਿਣ ਲਹੂ ਹੈ ਪੀਤਾ
ਕਿਵੇਂ ਕਰੂਗਾ ਮੁਆਫ਼ ਹਜ਼ੂਰ
ਬੈਠੇ ਕਰੀ ਨੇ ਸਭ ਗ਼ਰੂਰ।
ਸੋਹਣੇ ਸਭ ਲਿਖਣ ਅਲਫਾਜ਼
ਵਾਹਿਗੁਰੂ , ਅੱਲ੍ਹਾ ਹੂ ਦੀ ਵਾਜ਼
ਸੁਖਚੈਨ , ਤੂੰ ਵੀ ਹੋ ਮਸ਼ਹੂਰ
ਬੈਠੇ ਕਰੀ ਨੇ ਸਭ ਗ਼ਰੂਰ।
ਧਰਮਾਂ ਦੇ ਵਿੱਚ ਵੰਡੀ ਦੁਨੀਆਂ
ਹੁਸਨਾਂ ਦੀ ਏ ਮੰਡੀ ਦੁਨੀਆਂ
ਠੱਠੀ ਭਾਈ ,ਰਹਿ ਤੂੰ ਦੂਰ
ਬੈਠੇ ਕਰੀ ਨੇ ਸਭ ਗ਼ਰੂਰ।
ਸੁਖਚੈਨ ਸਿੰਘ, ਠੱਠੀ ਭਾਈ,
8437932924
