ਕੰਜ਼ਰਵੇਟਿਵ ਨੇਤਾ ਬੈਡੇਨੋਚ ਵੱਲੋਂ ਕ੍ਰਿਸ ਫਿਲਪ ਸ਼ੈਡੋ ਗ੍ਰਹਿ ਸਕੱਤਰ ਨਿਯੁਕਤ

ਲੰਡਨ-ਬ੍ਰਿਟਿਸ਼ ਦੀ ਕੰਜ਼ਰਵੇਟਿਵ ਪਾਰਟੀ ਦੀ ਨੇਤਾ ਬੈਡਨੇਚ ਨੇ ਕ੍ਰਿਸ ਫਿਲਪ ਨੂੰ ਸ਼ੈਡੋ ਹੋਮ ਸੈਕਟਰੀ ਨਿਯੁਕਤ ਕੀਤਾ ਹੈ। ਜਾਣਕਾਰੀ ਮੁਤਾਬਕ ਬੈਡਨੇਚ ਦੀ ਇਸ ਅਗਵਾਈ ਦਾ ਸਾਬਕਾ ਗ੍ਰਹਿ ਦਫਤਰ ਮੰਤਰੀ ਨੇ ਸਮਰਥਨ ਕੀਤਾ। ਜ਼ਿਕਰਯੋਗ ਹੈ ਕਿ ਬੀਤੇ ਦਿਨੀਂ ਬੈਡੇਨੋਚ ਨੇ ਆਪਣੇ ਤਿੰਨ ਸਾਬਕਾ ਲੀਡਰਸ਼ਿਪ ਵਿਰੋਧੀ ਸੀਨੀਅਰ ਭੂਮਿਕਾਵਾਂ ਦੀ ਪੇਸ਼ਕਸ਼ ਕੀਤੀ ਸੀ ਜਿਨ੍ਹਾਂ ਵਿੱਚ ਰਾਬਰਟ ਜੇਨਰਿਕ, ਜਿਸ ਨੂੰ ਫਾਈਨਲ ਰਾਊਂਡ ਵਿੱਚ ਹਰਾਇਆ ਗਿਆ ਸੀ, ਸ਼ੈਡੋ ਨਿਆਂ ਸਕੱਤਰ ਵਜੋਂ ਕੰਮ ਕਰਨਗੇ, ਜਦੋਂ ਕਿ ਮੇਲ ਸਟਰਾਈਡ ਸ਼ੈਡੋ ਚਾਂਸਲਰ ਅਤੇ ਡੇਮ ਪ੍ਰੀਤੀ ਪਟੇਲ ਸ਼ੈਡੋ ਵਿਦੇਸ਼ ਸਕੱਤਰ ਹੋਣਗੇ। ਬੈਡੇਨੋਚ ਨੇ ਮੰਗਲਵਾਰ ਸਵੇਰੇ ਆਪਣੀ ਪਹਿਲੀ ਮੀਟਿੰਗ ਤੋਂ ਪਹਿਲਾਂ ਆਪਣੀ ਪੂਰੀ ਸ਼ੈਡੋ ਕੈਬਨਿਟ ਟੀਮ ਦਾ ਨਾਮ ਦਿੱਤਾ ਹੈ। ਦੱਸ ਦਈਏ ਕਿ ਐਡ ਆਰਗਰ ਸਾਬਕਾ ਨਿਆਂ ਅਤੇ ਸਿਹਤ ਮੰਤਰੀ, ਨੂੰ ਸ਼ੈਡੋ ਸਿਹਤ ਅਤੇ ਸਮਾਜਿਕ ਦੇਖਭਾਲ ਸਕੱਤਰ ਬਣਾਇਆ ਗਿਆ ਹੈ, ਜਦੋਂ ਕਿ ਕਲੇਰ ਕੌਟੀਨਹੋ ਊਰਜਾ ਸੁਰੱਖਿਆ ਅਤੇ ਸ਼ੁੱਧ ਜ਼ੀਰੋ ਲਈ ਸ਼ੈਡੋ ਸੈਕਟਰੀ ਆਫ਼ ਸਟੇਟ ਦੇ ਤੌਰ ’ਤੇ ਆਪਣੀ ਨੌਕਰੀ ਨੂੰ ਬਰਕਰਾਰ ਰੱਖੇਗੀ। ਦੱਸਣਯੋਗ ਹੈ ਕਿ ਫਿਲਪ ਪਹਿਲੀ ਵਾਰ 2015 ਵਿੱਚ ਕ੍ਰੋਏਡਨ ਸਾਊਥ ਲਈ ਐਮਪੀ ਵਜੋਂ ਚੁਣਿਆ ਗਿਆ ਸੀ ਅਤੇ ਸੰਸਦ ਵਿੱਚ ਸ਼ਾਮਲ ਹੋਣ ਤੋਂ ਪਹਿਲਾਂ ਵਿੱਤ ਅਤੇ ਯਾਤਰਾ ਵਿੱਚ ਕਾਰੋਬਾਰ ਸਥਾਪਤ ਕੀਤੇ ਸਨ। ਇਸ ਤੋਂ ਇਲਾਵਾ ਸਾਬਕਾ ਪ੍ਰਧਾਨ ਮੰਤਰੀ ਰਿਸ਼ੀ ਸੁਨਕ ਦੇ ਅਧੀਨ ਗ੍ਰਹਿ ਦਫਤਰ ਵਿੱਚ ਇੱਕ ਜੂਨੀਅਰ ਮੰਤਰੀ ਵਜੋਂ ਸੇਵਾ ਕਰਨ ਦੇ ਨਾਲ, ਉਸਨੇ ਪਹਿਲਾਂ ਕਈ ਹੋਰ ਸਰਕਾਰੀ ਭੂਮਿਕਾਵਾਂ ਨਿਭਾਈਆਂ ਹਨ ਜਿਨ੍ਹਾਂ ਵਿੱਚ ਲੀਜ਼ ਟਰਸ ਦੇ ਅਧੀਨ ਖਜ਼ਾਨਾ ਦੇ ਮੁੱਖ ਸਕੱਤਰ ਵਜੋਂ ਥੋੜ੍ਹੇ ਸਮੇਂ ਲਈ ਸੇਵਾ ਕਰਨੀ ਸ਼ਾਮਲ ਹੈ।