ਆਸਟਰੇਲੀਆ (ਹਰਜੀਤ ਲਸਾੜਾ, ਬ੍ਰਿਸਬੇਨ 15 ਫਰਵਰੀ) ਆਸਟਰੇਲੀਆ ਦੇ ਸ਼ਹਿਰ ਬ੍ਰਿਸਬੇਨ ਤੋਂ ਉੱਘੇ ਸਮਾਜ ਸੇਵੀ, ਲੇਖਕ, ਇਪਸਾ ਦੇ ਵਿਸ਼ੇਸ਼ ਸਕੱਤਰ ਅਤੇ ਆਸਟਰੇਲੀਅਨ ਸਿੱਖ ਖੇਡਾਂ ਦੇ ਸੱਭਿਆਚਾਰਕ ਕੋਆਰਡੀਨੇਟਰ ਮਨਜੀਤ ਬੋਪਾਰਾਏ ਨੂੰ ਉਸ ਵੇਲੇ ਭਾਰੀ ਸਦਮਾ ਲੱਗਾ, ਜਦੋਂ ਉਹਨਾਂ ਦੇ ਮਾਤਾ ਜੀ ਸ੍ਰੀਮਤੀ ਸੁਰਜੀਤ ਕੌਰ (87 ਸਾਲ) ਸੰਖੇਪ ਬਿਮਾਰੀ ਤੋਂ ਬਾਅਦ ਬ੍ਰਿਸਬੇਨ ਵਿਖੇ ਆਪਣਾ ਜੀਵਨ ਸਫ਼ਰ ਪੂਰਾ ਕਰਦੇ ਹੋਏ ਸਦੀਵੀ ਵਿਛੋੜਾ ਦੇ ਗਏ। ਪਿਛੋਕੜ ਤੋਂ ਪਿੰਡ ਘੁਡਾਣੀ ਕਲਾਂ ਜ਼ਿਲ੍ਹਾ ਲੁਧਿਆਣਾ ਨਾਲ ਸੰਬੰਧਿਤ ਮਾਤਾ ਜੀ ਦਾ ਅੰਤਿਮ ਸੰਸਕਾਰ ਸ਼ੁੱਕਰਵਾਰ, 18 ਫਰਵਰੀ ਦੁਪਹਿਰ ਦੋ ਵਜੇ ਮਾਊਂਟ ਥੌਮਸਨ ਮੈਮੋਰੀਅਲ ਗਾਰਡਨ ਅਤੇ ਸ਼ਮਸ਼ਾਨਘਾਟ (329 ਨਰਸਰੀ ਰੋਡ, ਹਾਲੈਂਡ ਪਾਰਕ) ਵਿਖੇ ਹੋਵੇਗਾ ਅਤੇ ਨਮਿਤ ਅੰਤਿਮ ਅਰਦਾਸ ਤਿੰਨ ਵਜੇ ਗੁਰੂ ਨਾਨਕ ਸਿੱਖ ਟੈਂਪਲ ਇਨਾਲਾ ਵਿਖੇ ਹੋਵੇਗੀ। ਦੱਸਣਯੋਗ ਹੈ ਕਿ ਉਹਨਾਂ ਦੇ ਪਤੀ ਸ. ਦਲਬੀਰ ਸਿੰਘ ਬੋਪਾਰਾਏ ਵੀ ਇਤਿਹਾਸ ਦੇ ਖੋਜੀ ਅਤੇ ਲੇਖਕ ਹਨ। ਸਮੁੱਚੇ ਵਿਸ਼ਵ ਤੋਂ ਨਾਮਵਰ ਸ਼ਖ਼ਸੀਅਤਾਂ ਸੁੱਖੀ ਬਾਠ ਕੈਨੇਡਾ, ਪ੍ਰੋ. ਗੁਰਭਜਨ ਗਿੱਲ, ਸਰਬਜੀਤ ਸਿੰਘ ਢਿੱਲੋਂ, ਅਮਰਜੀਤ ਮਾਹਲ, ਅਵਨਿੰਦਰ ਲਾਲੀ, ਬਿਕਰਮਜੀਤ ਮੱਟਰਾਂ, ਪ੍ਰਭਜੋਤ ਸਿੰਘ ਸੰਧੂ, ਰੌਕੀ ਭੁੱਲਰ, ਬਿਕਰਮਜੀਤ ਚੰਦੀ, ਪਿੰਕੀ ਸਿੰਘ, ਪ੍ਰਣਾਮ ਹੇਅਰ, ਹੈਪੀ ਧਾਮੀ, ਪਾਲ ਰਾਊਕੇ, ਸਰਬਜੀਤ ਸੋਹੀ, ਬਿਕਰਮਜੀਤ ਬਾਈ, ਜਰਨੈਲ ਬਾਸੀ, ਹਰਦਿਆਲ ਬਿਨਿੰਗ, ਰਘਬੀਰ ਸਰਾਏ, ਪਰਮਜੀਤ ਸਰਾਏ, ਦਲਵੀਰ ਹਲਵਾਰਵੀ, ਸੁਰਜੀਤ ਸੰਧੂ, ਮਲਵਿੰਦਰ ਪੰਧੇਰ, ਦੀਪਇੰਦਰ ਸਿੰਘ, ਜਸਪਾਲ ਸਿੰਘ ਸੰਧੂ, ਡਾ. ਬਰਨਾਰਡ ਮਲਿਕ, ਰੁਪਿੰਦਰ ਸੋਜ਼, ਮਾਸਟਰ ਪਰਮਿੰਦਰ ਸਿੰਘ, ਮੇਘ ਰਾਜ ਮਿੱਤਰ, ਬਲਦੇਵ ਨਿੱਜਰ, ਰਛਪਾਲ ਹੇਅਰ, ਸਤਵਿੰਦਰ ਟੀਨੂੰ, ਨਰੇਸ਼ ਮਹਿਰੋਕ, ਜਗਤਾਰ ਸਿੰਘ ਖਰੌੜ ਆਦਿ ਵੱਲੋਂ ਇਸ ਦੁਖਿਤ ਸਮੇਂ ਵਿੱਚ ਬੋਪਾਰਾਏ ਪਰਿਵਾਰ ਨਾਲ ਹਮਦਰਦੀ ਪ੍ਰਗਟਾਈ।
