ਗਲਾਸਗੋ (ਮਨਦੀਪ ਖੁਰਮੀ ਹਿੰਮਤਪੁਰਾ)ਗਲਾਸਗੋ ਸਥਿਤ ਇੱਕ ਫਰਮ ਨੂੰ ਵੱਖ ਵੱਖ ਉਤਪਾਦਾਂ ਤੇ ਸਕੀਮਾਂ ਸਬੰਧੀ 5 ਲੱਖ ਤੋਂ ਵੱਧ ਮਾਰਕੀਟਿੰਗ ਕਾਲਾਂ ਕਰਕੇ ਲੋਕਾਂ ਨੂੰ ਪ੍ਰੇਸ਼ਾਨ ਲਈ 150,000 ਪੌੰਡ ਦਾ ਜੁਰਮਾਨਾ ਲਗਾਇਆ ਗਿਆ ਹੈ। ਸਕਾਟਲੈਂਡ ਦੇ ਸੂਚਨਾ ਕਮਿਸ਼ਨਰ ਦਫਤਰ (ਆਈ ਸੀ ਓ) ਨੇ ਜਾਣਕਾਰੀ ਦਿੱਤੀ ਕਿ ਅਗਸਤ 2019 ਅਤੇ ਮਾਰਚ 2020 ਦਰਮਿਆਨ ਕੀਤੀਆਂ ਅਣਚਾਹੀਆਂ ਕਾਲਾਂ ਬਾਰੇ ਡਾਇਲ ਏ ਡੀਲ ਸਕਾਟਲੈਂਡ ਲਿਮਟਿਡ (ਡੀ ਡੀ ਐਸ ਐਲ) ਦੇ ਖਿਲਾਫ ਸੈਂਕੜੇ ਸ਼ਿਕਾਇਤਾਂ ਪ੍ਰਾਪਤ ਹੋਈਆਂ। ਇਹ ਕਾਲਾਂ ਗੈਰ-ਮੌਜੂਦ ਗ੍ਰੀਨ ਡੀਲ ਊਰਜਾ ਬਚਾਉਣ ਦੀਆਂ ਯੋਜਨਾਵਾਂ ਬਾਰੇ ਸਨ, ਜਿਨ੍ਹਾਂ ਵਿੱਚ ਬਾਇਲਰ ਅਤੇ ਖਿੜਕੀਆਂਬਦਲਾਉਣ, ਲੌਫਟ ਇਨਸੂਲੇਸ਼ਨ ਅਤੇ ਘਰ ਸੁਧਾਰ ਗ੍ਰਾਂਟ ਸ਼ਾਮਲ ਸਨ।ਕੰਪਨੀ ਵੱਲੋਂ ਇਹ ਕਾਲਾਂ ਉਨ੍ਹਾਂ ਨੰਬਰਾਂ ‘ਤੇ ਕੀਤੀਆਂ ਗਈਆਂ ਜੋ ਟੈਲੀਫੋਨ ਪ੍ਰੈਫਰੈਂਸ ਸਰਵਿਸ (ਟੀ ਪੀ ਐਸ) ਨਾਲ ਰਜਿਸਟਰਡ ਸਨ। ਜਿੱਥੇ ਲੋਕਾਂ ਨੇ ਅਜਿਹੀਆਂ ਕਾਲਾਂ ਨੂੰ ਪ੍ਰਾਪਤ ਕਰਨ ਦੀ ਇਜਾਜ਼ਤ ਨਹੀਂ ਦਿੱਤੀ ਹੁੰਦੀ। ਇਸ ਲਈ ਇਹ ਕਾਲਾਂ ਗੈਰਕਾਨੂੰਨੀ ਸਨ। ਆਈ ਸੀ ਓ ਅਨੁਸਾਰ ਟੀ ਪੀ ਐਸ ਗਾਹਕਾਂ ਦੁਆਰਾ 500 ਤੋਂ ਵੱਧ ਸ਼ਿਕਾਇਤਾਂ ਪ੍ਰਾਪਤ ਹੋਈਆਂ, ਜੋ ਹੁਣ ਤੱਕ ਪ੍ਰਾਪਤ ਹੋਈਆਂ ਸਭ ਤੋਂ ਜ਼ਿਆਦਾ ਸੰਖਿਆਵਾਂ ਵਿੱਚੋਂ ਇੱਕ ਹੈ। ਡੀ ਡੀ ਐਸ ਐਲ ਨੂੰ ਜੁਰਮਾਨਾ ਕਰਨ ਦੇ ਨਾਲ, ਆਈ ਸੀ ਓ ਨੇ ਕੰਪਨੀ ਨੂੰ ਹੋਰ ਅਣਚਾਹੀਆਂ ਮਾਰਕੀਟਿੰਗ ਕਾਲਾਂ ਕਰਨ ਤੋਂ ਰੋਕਣ ਦਾ ਨੋਟਿਸ ਵੀ ਜਾਰੀ ਕੀਤਾ ਹੈ।
