ਗੀਤ – ਕੋਰੋਨਾ ਕਹਿਰ ਕਰਦਾ

ਤਰਲੋਚਨ ਸਿੰਘ (ਚੰਨ ਜੰਡਿਆਲਵੀ) ਯੂ.ਕੇ.

ਮੁੰਡਾ :- ਜਰਾ ਬਚ ਕੇ ਰਹੀਂ ਤੂੰ ਮੁਟਿਆਰੇ-ਕੋਰੋਨਾ ਬਾਹਰ ਕਹਿਰ ਕਰਦਾ !
ਕੁੜੀ :- ਤੂੰ ਵੀ ਬੈਠ ਚੰਨਾਂ ਚੜ੍ਹਕੇ ਚੁਬਾਰੇ-ਐਵੇਂ ਨਾ ਫਿਰੀ ਸੈਰ ਕਰਦਾ !

ਮੁੰਡਾ :- ਇਹ ਕੋਰੋਨਾ ਕੁਦਰਤ ਦੀ ਕਰੋਪੀ ਦੀ ਨਿਸ਼ਾਨੀ ਆਂ।
​ ​ ​ ​ ਇਨ੍ਹੇ ਵੇਖਣਾ ਨਹੀਂ ਇਹ ਮਰਦ ਜਾਂ ਜਨਾਨੀ ਆਂ।
​ ​ ​ ​ ਬੈਠੇ ਸੁੱਤਿਆਂ ਨੂੰ ਪੈ ਗਏ ਪੁਆੜੇ-ਕੋਰੋਨਾ ਬਾਹਰ ਕਹਿਰ ਕਰਦਾ !
​ ​ ​ ​ ਜਰਾ ਬਚ ਕੇ ਪਤਲੀਏ ਨਾਰੇ-ਕੋਰੋਨਾ ਬਾਹਰ ਕਹਿਰ ਕਰਦਾ !

ਕੁੜੀ :- ਆਵਾਜਾਈ ਠੱਪ ਹੋ ਗਈ ਸੜਕਾਂ ਸੁੰਨ-ਮ-ਮਸਾਨ ਨੇ।
​ ​ ​ ​ ਆਪਣੇ ਪੈਰੀਂ ਆਪ ਕੁਹਾੜਾ ਮਾਰਿਆ ਇਨਸਾਨ ਨੇ।
​ ​ ​ ​ ਲੋਕ ਡਾਊਨ ਹੋਇਆ ਘਰ ਘਰ ਸਾਰੇ-ਕੋਰੋਨਾ ਬਾਹਰ ਕਹਿਰ ਕਰਦਾ !
​ ​ ​ ​ ਤੂੰ ਵੀ ਬੈਠ ਹੁਣ ਚੜ੍ਹਕੇ ਚੁਬਾਰੇ-ਐਵੇਂ ਨਾ ਫਿਰੀਂ ਸੈਰ ਕਰਦਾ !

ਮੁੰਡਾ :- ਸਾਰਾ ਸਾਰਾ ਦਿਨ ਅਗੇ ਸ਼ੌਪਿੰਗ ਨਹੀਂ ਸੀ ਮੁੱਕਦੀ।
​ ​ ​ ​ ਹੈਲੋ ਹੈਲੋ ਕਹਿਣੋਂ ਤੇਰੀ ਜੀਭ ਨਹੀਂ ਸੀ ਰੁੱਕਦੀ।
​ ​ ​ ​ ਲੈਲੈ ਲੈਲੈ ਅੰਦਰ ਟੀ.ਵੀ ਦੇ ਨਜ਼ਾਰੇ-ਕੋਰੋਨਾ ਬਾਹਰ ਕਹਿਰ ਕਰਦਾ !
​ ​ ​ ​ ਜਰਾ ਬਚਕੇ ਰਹੀ ਤੂੰ ਮੁਟਿਆਰੇ-ਕੋਰੋਨਾ ਬਾਹਰ ਕਹਿਰ ਕਰਦਾ !

ਕੁੜੀ :- ਤੈਨੂੰ ਵੀ ਹੋਈਆਂ ਛੁੱਟੀਆਂ ਵੇ ਵੱਡਿਆਂ ਹਿਸਾਬੀਆ।
​ ​ ​ ​ ਘਰ ਭਾਂਡੇ ਟੀਂਡੇ ਮਾਂਜ ਕਪੜੇ ਧੋਵੇਂਗਾ ਨਵਾਬੀਆ।
​ ​ ​ ​ ‘ਚੰਨ ਜੰਡਿਆਲਵੀ’ਜੀ!ਜੱਸੀ ਸੱਚ ਪੁਕਾਰੇ-ਕੋਰੋਨਾ ਬਾਹਰ ਕਹਿਰ ਕਰਦਾ !
​ ​ ​ ​ ਤੂੰ ਵੀ ਬੈਠ ਘਰ ਚੜ੍ਹਕੇ ਚੁਬਾਰੇ-ਕੋਰੋਨਾ ਬਾਹਰ ਕਹਿਰ ਕਰਦਾ

​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ -ਸੰਪਰਕ :- +44 7847625753

​ ​ ​
​ ​ ​