ਇਟਲੀ (ਸਿੱਕੀ ਝੱਜੀ ਪਿੰਡ ਵਾਲਾ) ਕੁਝ ਬਣ ਕੇ ਦਿਖਾਉਣ ਦੇ ਮਨ ਦੇ ਚਾਵਾਂ ਨੂੰ ਜਦੋਂ ਰੱਬ ਭਾਗ ਲਾਉਂਦਾ ਤਾਂ ਮਾਪਿਆਂ ਦਾ ਸਿਰ ਮਾਣ ਨਾਲ ਉੱਚਾ ਹੋ ਜਾਂਦਾ। ਇਹੋ ਜਿਹੀ ਉੱਚੀ ਸੋਚ ਦਾ ਮਾਲਿਕ ਹੈ ਬਹੁਤ ਹੀ ਸੁਰੀਲਾ ਗਾਇਕ ‘ਸੁਖਜੀਤ ਖਹਿਰਾ’। ਪਿਤਾ ਸਰਦਾਰ ਜੋਗਿੰਦਰ ਸਿੰਘ ਤੇ ਮਾਤਾ ਗੁਰਬਖਸ਼ ਕੌਰ ਖਹਿਰਾ ਦੇ ਘਰ ਜਿਲਾ ਜਲੰਧਰ ਪਿੰਡ ਖਹਿਰਾ ਮਾਝਾ ਵਿਖੇ ਜਨਮ ਲਿਆ। ਮੁੱਢਲੀ ਸਿੱਖਿਆ ਸੁਖਜੀਤ ਨੇ ਖਾਲਸਾ ਹਾਈ ਸਕੂਲ ਖਹਿਰਾ ਮਾਝਾ ਤੋਂ ਪ੍ਰਾਪਤ ਕੀਤੀ। ਡੀ ਏ ਵੀ ਕਾਲਜ ਜਲੰਧਰ ਤੋਂ ਬੀ ਏ ਦੀ ਪੜਾਈ ਕਰਨ ਦੇ ਨਾਲ ਰੈਸਲਿੰਗ ਖੇਡਣ ਤੇ ਨਾਲ ਨਾਲ ਸੰਗੀਤ ਨਾਲ ਵੀ ਮੋਹ ਪੈ ਗਿਆ। ਡੀ ਏ ਵੀ ਕਾਲਜ ਹੁਸ਼ਿਆਰਪੁਰ ਤੋਂ ਐਮ ਏ ਦੀ ਪੜਾਈ ਕਰਦਿਆਂ ਸੰਗੀਤਕ ਮੁਕਾਬਲਿਆਂ ਚ ਵੀ ਹਿੱਸਾ ਲੈਣਾ ਸ਼ੁਰੂ ਕਰ ਦਿੱਤਾ। ਰੋਜੀ ਰੋਟੀ ਲਈ 1992 ਚ ਸੁਖਜੀਤ ਕਨੇਡਾ ਦੇ ਐਬਸਫੋਰਡ ਸ਼ਹਿਰ ਜਾ ਵਸਿਆ, ਜਿਥੇ ਅਣਥੱਕ ਮਿਹਨਤ ਕੀਤੀ ਉਸ ਦੇ ਨਾਲ ਆਪਣਾ ਗਾਉਣ ਦਾ ਸ਼ੌੰਕ ਕਦੇ ਮਨ ਚੋਂ ਮਿਟਣ ਨਾ ਦਿੱਤਾ। ਸੰਗੀਤ ਦੀ ਦੁਨੀਆਂ ਦੇ ਉੱਘੇ ਸੰਗੀਤਕਾਰ ‘ਅਤੁਲ ਸ਼ਰਮਾਂ’ ਜੀ ਨੂੰ 2003 ਚ ‘ਉਸਤਾਦ ਧਾਰਿਆ। ਗੀਤਕਾਰ ਜੀ ਬਚਨ ਖੁੱਡੇ ਵਾਲੇ ਦੇ ਲਿਖੇ ਗੀਤਾਂ ਦੀ ਪਹਿਲੀ ਕੈਸੇਟ “ਪਿੱਪਲੀ ਪੀਘਾਂ” ਜਿਸ ਦਾ ਟਾਈਟਲ ਗੀਤ ਦਾ ਵੀਡੀਓ ਆਰ ਸਵਾਮੀ ਜੀ ਨੇ ਕੀਤਾ ਸੀ ਇਹ ਗੀਤ ਉਨਾਂ ਦਿਨਾਂ ਚ ਈ ਟੀ ਸੀ ਪੰਜਾਬੀ ਤੇ ਕਈ ਦੇਰ ਟਾਪ ਟੈਨ ਚ ਚਲਦਾ ਰਿਹਾ। ਸਾਨੂੰ ਰੋਗ ਜੁਦਾਈਆਂ ਦੇ ਨਾ ਦਿੰਦੇ ਸੋਣ ਨੀ” ਗੀਤ ਨੂੰ ਸਰੋਤਿਆਂ ਦਾ ਬਹੁਤ ਪਿਆਰ ਮਿਲਿਆ। “ਉਹੀ ਨਜ਼ਾਰਾ” ਅਤੇ ਟਰੱਕ ਡਰਾਇਵਰ ਵੀਰਾਂ ਲਈ ਗਾਏ ਗੀਤ ਜਿਉਂਦਾ ਰਹਿ ਡਰਾਇਵਰਾ ਕਨੇਡਾ ਵਾਲਿਆ ਤੇਰੇ ਸਿਰ ਤੇ ਹੀ ਜੱਟੀ ਐਸ਼ ਕਰਦੀ, ਨੇ ਹਰ ਪਾਸੇ ਸੁਖਜੀਤ ਦੀ ਸਾਫ ਸੁਥਰੀ ਗਾਇਕੀ ਦੀ ਕਾਮਯਾਬੀ ਦੇ ਝੰਡੇ ਗੱਡੇ। ਸੁਖਜੀਤ ਖੈਰਾ ਨੇ ਗੱਲਬਾਤ ਦੌਰਾਨ ਦੱਸਿਆ ਉਹੋ ਨਜਾਰਾ ਗੀਤ ਜੋ ਕਿ ਪ੍ਰਸਿੱਧ ਗੀਤਕਾਰ ‘ਜੀ ਬਚਨ ਖੁੱਡੇ ਵਾਲੇ ਨੇ’ ਕਲਮਬੰਧ ਕੀਤਾ ਹੈ ਬਚਪਨ ਦੀ ਝਾਤ ਦਿਵਾਉਂਦੇ ਇਸ ਗੀਤ ਨੂੰ ਵੀ ਸਰੋਤਿਆਂ ਨੇ ਬੇਹੱਦ ਪਿਆਰ ਬਖਸ਼ਿਆ। ਨਵੇਂ ਗੀਤ “ਖਬਰਾਂ ਲਹੌਰ ਦੀਆਂ” ਨੂੰ ਲਹਿੰਦੇ ਤੇ ਚੜਦੇ ਪੰਜਾਬ ਦੇ ਸਰੋਤਿਆਂ ਦੇ ਨਾਲ ਪ੍ਰਦੇਸਾਂ ਚ ਵਸਦੇ ਸਰੋਤਿਆਂ ਨੇ ਵੀ ਇਸ ਗੀਤ ਨੂੰ ਪਸੰਦ ਕੀਤਾ ਜਿਸ ਨੂੰ ਮਨਜੀਤ ਸਿੰਘ ਫਗਵਾੜਾ ਨੇ ਕਮਲਬੱਧ ਕੀਤਾ ਹੈ। ਸੰਗੀਤਕਾਰ ਡੀ ਗੇਮ ਦੇ ਸੰਗੀਤ ਚ ਸ਼ਿੰਗਾਰੇ ਇਸ ਗੀਤ ਨੂੰ ਜੱਸੀ ਹੁੰਦਲ ਬੀਕਾਨੇਰੀ ਵਲੋਂ ਦਿਲ ਟੁੰਬਮੀਆਂ ਲੋਕੇਸ਼ਨਾ ਤੇ ਫਿਲਮਾਇਆ ਗਿਆ ਹੈ। ਹਰ ਵਾਰ ਸੁਖਜੀਤ ਦੀ ਇਹੀ ਕੋਸ਼ਿਸ਼ ਹੁੰਦੀ ਕਿ ਚੰਗਾ ਗੀਤ ਹੀ ਦਰਸ਼ਕਾਂ ਦੀ ਝੋਲੀ ਪਾਇਆ ਜਾਵੇ ਜੋ ਪਰਿਵਾਰ ਨਾਲ ਬੈਠ ਕੇ ਵੇਖਿਆ ਸੁਣਿਆ ਜਾ ਸਕੇ। ਮਾਂ ਬੋਲੀ ਦਾ ਇਹ ਚਮਕਦਾ ਸਿਤਾਰਾ ਦਿਨ ਦੁਗਣੀ ਰਾਤ ਚੋਗੁਣੀ ਤਰੱਕੀ ਕਰੇ।
