ਗਲਾਸਗੋ/ਲੰਡਨ (ਮਨਦੀਪ ਖੁਰਮੀ ਹਿੰਮਤਪੁਰਾ)
ਯੂਕੇ ਵਿੱਚ ਸੁਪਰ ਮਾਰਕੀਟ ਚੇਨ ਟੈਸਕੋ ਨੂੰ ਉਸ ਦੇ ਤਿੰਨ ਸਟੋਰਾਂ ‘ਤੇ ਲੰਘੀ ਹੋਈ ਤਰੀਕ ਵਾਲਾ ਪੁਰਾਣਾ ਭੋਜਨ ਵੇਚਣ ‘ਤੇ 7.56 ਮਿਲੀਅਨ ਪੌਂਡ ਦਾ ਜ਼ੁਰਮਾਨਾ ਲਗਾਇਆ ਗਿਆ ਹੈ। ਇਸ ਸੁਪਰ ਮਾਰਕੀਟ ਚੇਨ ਨੂੰ ਬਰਮਿੰਘਮ ਮੈਜਿਸਟ੍ਰੇਟ ਦੀ ਅਦਾਲਤ ਵਿੱਚ ਇੱਕ ਜੱਜ ਨੇ ਇਹ ਜ਼ੁਰਮਾਨਾ ਦਿੱਤਾ ਕੀਤਾ ਅਤੇ ਨਾਲ ਹੀ ਉਸ ਨੂੰ ਮੁਕੱਦਮਾ ਕੀਮਤ 95,500 ਪੌਂਡ ਦਾ ਭੁਗਤਾਨ ਕਰਨ ਦਾ ਵੀ ਆਦੇਸ਼ ਦਿੱਤਾ ਗਿਆ ਸੀ। ਬਰਮਿੰਘਮ ਸਿਟੀ ਕੌਂਸਲ ਨੇ ਕਿਹਾ ਕਿ ਕਰਿਆਨੇ ਦੀ ਕੰਪਨੀ ਨੂੰ 170 ਪੌਂਡ ਦਾ ਇੱਕ ਪੀੜਤ ਸਰਚਾਰਜ ਵੀ ਅਦਾ ਕਰਨਾ ਪੈਣਾ ਹੈ। ਟੇਸਕੋ ਦੁਆਰਾ ਸਾਲ 2016 ਅਤੇ 2017 ਦੇ ਵਿਚਕਾਰ ਭੋਜਨ ਸੁਰੱਖਿਆ ਅਤੇ ਸਫਾਈ ਨਿਯਮਾਂ ਦੀ 22 ਵਾਰ ਉਲੰਘਣਾ ਕਰਨ ਤੋਂ ਬਾਅਦ ਜੁਰਮਾਨਾ ਸੌਂਪਿਆ ਗਿਆ ਹੈ। ਸਥਾਨਕ ਅਥਾਰਟੀ ਵੱਲੋਂ ਤਾਰੀਖ ਤੋਂ ਪਹਿਲਾਂ ਖਾਣਾ ਵੇਚਣ ਦੀਆਂ ਸ਼ਿਕਾਇਤਾਂ ਮਿਲਣ ਤੋਂ ਬਾਅਦ ਸਿਟੀ ਕੌਂਸਲ ਦੇ ਵਾਤਾਵਰਣ ਸਿਹਤ ਵਿਭਾਗ ਵੱਲੋਂ ਇਸਦੀ ਜਾਂਚ ਸ਼ੁਰੂ ਕੀਤੀ ਗਈ ਸੀ ਅਤੇ ਫੂਡ ਇੰਸਪੈਕਟਰਾਂ ਨੇ ਬਰਮਿੰਘਮ ਵਿੱਚ ਕੰਪਨੀ ਦੇ ਤਿੰਨ ਸਥਾਨਾਂ ਦਾ ਦੌਰਾ ਕੀਤਾ। ਉਨ੍ਹਾਂ ਨੂੰ ਦੋ ਟੈਸਕੋ ਐਕਸਪ੍ਰੈਸ ਸਟੋਰਾਂ ‘ਤੇ ਵੇਚੀਆਂ ਜਾਣ ਵਾਲੀਆਂ ਪੁਰਾਣੀਆਂ ਚੀਜ਼ਾਂ ਮਿਲੀਆਂ, ਜਿਹਨਾਂ ਵਿੱਚੋਂ ਇਕ ਸ਼ਹਿਰ ਦੇ ਕੇਂਦਰ ਵਿੱਚ ਕੈਰਜ਼ ਲੇਨ ‘ਚ ਅਤੇ ਦੂਜੀ ਬਰਮਿੰਘਮ ਦੇ ਬੌਰਨਵਿਲੇ ਖੇਤਰ ਵਿੱਚ 175 ਲਿੰਡੇਨ ਰੋਡ’ ਤੇ ਸੀ। ਟੈਸਕੋ ਦੇ ਇੱਕ ਬੁਲਾਰੇ ਨੇ ਸਾਲ 2016/17 ਵਿੱਚ ਤਿੰਨ ਸਟੋਰਾਂ ਵਿੱਚ ਪੁਰਾਣੇ ਉਤਪਾਦਾਂ ਦੀ ਵਿਕਰੀ ਲਈ ਅਫਸੋਸ ਪ੍ਰਗਟ ਕੀਤਾ ਹੈ।
