–ਕਣਕ ਦੀ ਖ਼ਰੀਦ ਤੋਂ ਵੱਟਿਆ ਪਾਸਾ
ਬਰਨਾਲਾ ( ਰਾਜਿੰਦਰ ਵਰਮਾ )
ਜਿਲ•ਾ ਬਰਨਾਲਾ ਦੇ ਡਿਪਟੀ ਕਮਿਸ਼ਨਰ ਤੇਜ ਪ੍ਰਤਾਪ ਸਿੰਘ ਫੂਲਕਾ ਨੇ ਅੱਜ ਦਾਣਾ ਮੰਡੀ ਭਦੌੜ ਦਾ ਦੌਰਾ ਕਰਕੇ ਕਿਸਾਨਾਂ, ਆੜਤੀਆਂ ਅਤੇ ਮਜ਼ਦੂਰਾਂ ਦੇ ਦੁੱਖ ਸੁਨਣ ਦੀ ਬਜਾਏ ਆਪਣਾ ਧਿਆਨ ਸਿਰਫ਼ ਕਰੋਨਾ ਤੇ ਕੇਂਦਰਿਤ ਕਰਕੇ ਮਜ਼ਦੂਰਾਂ ਨੂੰ ਸੁਝਾਅ ਦੇਣ ਤੱਕ ਹੀ ਸੀਮਤ ਰਿਹਾ ਤੇ ਉਨ•ਾਂ ਕਣਕ ਦੀ ਖ਼ਰੀਦ ਤੋਂ ਪਾਸਾ ਹੀ ਵੱਟਿਆ।
ਡਿਪਟੀ ਕਮਿਸ਼ਨਰ ਤੇਜਪ੍ਰਤਾਪ ਸਿੰਘ ਫੂਲਕਾ ਨੇ ਅੱਜ ਕਣਕ ਦਾ ਝਾੜ ਲਗਾ ਰਹੇ ਮਜ਼ਦੂਰਾਂ ਨੂੰ ਪੱਖਾ ਲਗਾਉਣ ਸਮੇਂ ਆਪਸੀ ਦੂਰੀ ਬਣਾ ਕੇ ਰੱਖਣ, ਮੂੰਹ ਤੇ ਮਾਸਕ ਪਾ ਕੇ ਰੱਖਣ ਅਤੇ ਅੱਧੇ ਘੰਟੇ ਬਾਦ ਹੱਥ ਧੋਣ ਲਈ ਕਿਹਾ ਤਾਂ ਜੋ ਕਰੋਨਾ ਵਾਇਰਸ ਤੋਂ ਬਚਿਆ ਜਾ ਸਕੇ। ਉਨ•ਾਂ ਆੜਤੀਆਂ ਨੂੰ ਕਿਹਾ ਕਿ ਸੈਨੇਟਾਈਰ ਫੜ ਵਿੱਚ ਜਿੱਥੇ ਪੱਖਾ ਲੱਗ ਰਿਹਾ ਹੈ ਉੱਥੇ ਮਜ਼ਦੂਰਾਂ ਕੋਲ ਹੋਣਾ ਚਾਹੀਦਾ ਹੈ। ਇਸ ਮੌਕੇ ਮਾਰਕੀਟ ਕਮੇਟੀ ਭਦੌੜ ਦੇ ਸਕੱਤਰ ਗੁਰਲਾਭ ਸਿੰਘ, ਲੇਖਾਕਾਰ ਸੁਰਿੰਦਰ ਸਿੰਘ, ਇੰਸਪੈਕਟਰ ਅਮਿਤ ਕੁਮਾਰ ਪਨਗਰੇਨ, ਅਜੈ ਕੁਮਾਰ, ਸੁਰਿੰਦਰਪਾਲ ਗਰਗ, ਅਰੁਣ ਸਿੰਗਲਾ, ਜਵਾਹਰ ਲਾਲ, ਕਾਂਗਰਸੀ ਆਗੂ ਗੁਰਪ੍ਰੀਤ ਸਿੰਘ ਗਿੱਲ, ਕੇਵਲ ਸਿੰਘ ਮਝੈਲ, ਮੁਨੀਸ਼ ਗਰਗ, ਰਾਜਿੰਦਰਪਾਲ ਗਾਧੀ ਗਰਗ, ਜੋਗਿੰਦਰ ਪਰਵਾਨਾ ਆਦਿ ਹਾਜ਼ਰ ਸਨ। ਡੀਸੀ ਬਰਨਾਲਾ ਦੇ ਚਲੇ ਜਾਣ ਤੋਂ ਡੇਢ ਘੰਟਾ ਬਾਦ ਦਾਣਾ ਮੰਡੀ ਭਦੌੜ ਵਿੱਚ ਮਾਰਕਫੈਡ, ਵੇਅਰਹਾਊਸ ਅਤੇ ਪਨਗਰੇਨ ਨੇ 6600 ਕੁਇੰਟਲ ਕਣਕ ਦੀ ਖ਼ਰੀਦ ਕੀਤੀ।
