ਦੁੱਖਭੰਜਨ ਰੰਧਾਵਾ
0351920036369
ਤੂੰ ਹੁਣ ਕਿੰਨਾਂ ਚਿਰ ਲੈਣੇ ਨੇਂ,
ਇਮਤਿਾਨ ਮਾਲਕਾ |
ਸੁਣ ਨੇੜੇ ਹੋ ਕੇ ਪਾ ਦੇ ਜੱਟਾਂ,
ਵਿੱਚ ਜਾਨ ਮਾਲਕਾ |
ਤੂੰ ਹੁਣ ਕਿੰਨਾਂ ਚਿਰ ਲੈਣੇ ਨੇਂ,
ਇਮਤਿਹਾਨ ਮਾਲਕਾ |
ਮੋਦੀ,ਅਡਾਨੀ ਤੇ ਅੰਬਾਨੀ,
ਤਿੰਨੇ ਚੋਰ ਰਲ ਗਏ |
ਇਹਨਾਂ ਢਹਿੰਦੀ ਕਲਾ ਵਿੱਚ,
ਜਾਣਾ ਕਰੋ ਗੌਰ ਰਲ ਗਏ |
ਜੱਟ ਦੇਊ ਨਾ ਜ਼ਮੀਨ ਤੋਰੂ,
ਜਾਪਾਨ ਮਾਲਕਾ |
ਤੂੰ ਹੁਣ ਕਿੰਨਾਂ ਚਿਰ ਲੈਣੇ ਨੇਂ,
ਇਮਤਿਹਾਨ ਮਾਲਕਾ |
ਕੁਝ ਪੁੱਤ ਮਾਵਾਂ ਦੇ ਤੇ ਕੁਝ,
ਘਰਾਂ ਦੇ ਸੀ ਮੋਹਰੀ |
ਚੰਗਾ ਭਲਾ ਸੀ ਆਰਾਮ ਚੈਨ,
ਹੋ ਗਿਆ ਕਿਉਂ ਚੋਰੀ |
ਜੋ ਦੇ ਗਏ ਜਾਨਾਂ ਓ ਹੋਏ,
ਮਹਾਨ ਮਾਲਕਾ |
ਤੂੰ ਹੁਣ ਕਿੰਨਾਂ ਚਿਰ ਲੈਣੇ ਨੇਂ,
ਇਮਤਿਹਾਨ ਮਾਲਕਾ |
ਜਿਹੜਾ ਬੋਲਿਆ ਨਹੀਂ ਸੀ ਕਦੇ,
ਬੁਲਾ ਕੇ ਦਿੱਤਾ ਰੱਖ |
ਓ ਹੈ ਸੱਚੜਾ ਤੇ ਸੁੱਚਾ ਉਹਦਾ,
ਲੈਂਦੇ ਨੇ ਸਾਰੇ ਪੱਖ |
ਸੱਚੀਂ ਅੰਨਦਾਤਾ ਭਗਵਾਨ ਹੈ,
ਕਿਰਸਾਨ ਮਾਲਕਾ |
ਤੂੰ ਹੁਣ ਕਿੰਨਾਂ ਚਿਰ ਲੈਣੇ ਨੇਂ,
ਇਮਤਿਹਾਨ ਮਾਲਕਾ |
ਦਿੱਲੀਏ ਤੈਨੂੰ ਸਬਕ ਸਿਖਾਉਣਾ,
ਇਹ ਯਾਦ ਗੱਲ ਰੱਖੀਂ |
ਸਭ ਤੇਰੇ ਕੱਢ ਦੇਣੇ ਸ਼ੱਕ,
ਤੂੰ ਯਾਦ ਹਰ ਪਲ ਰੱਖੀਂ |
ਹੁਣ ਇਸਨੂੰ ਧੂਹਵਾਂਗੇ ਬੁਰਾ,
ਅਰਮਾਨ ਮਾਲਕਾ |
ਤੂੰ ਹੁਣ ਕਿੰਨਾਂ ਚਿਰ ਲੈਣੇ ਨੇਂ,
ਇਮਤਿਹਾਨ ਮਾਲਕਾ |
ਅੱਜ ਸਿੱਧਾ-ਸਾਧਾ ਜੱਟ ,
ਅੱਤਵਾਦੀ ਕਹਿੰਦੀ ਫਿਰੇ |
ਹੈ ਰਾਖਾ ਇੱਜਤਾਂ ਦਾ ਜਿਹੜਾ,
ਵੱਖਵਾਦੀ ਕਹਿੰਦੀ ਫਿਰੇ |
ਹੁਣ ਇਸਦੀ ਮਿੱਟੀ ਚ ਮਿਲਾ,
ਦੇਣੀ ਏ ਸ਼ਾਨ ਮਾਲਕਾ |
ਤੂੰ ਹੁਣ ਕਿੰਨਾਂ ਚਿਰ ਲੈਣੇ ਨੇਂ,
ਇਮਤਿਹਾਨ ਮਾਲਕਾ |
ਅਸਾਂ ਹੱਕ ਖੋਹਕੇ ਲੈਣੇ ਨੇਂ,
ਤਾਂ ਪੰਜਾਬ ਮੁੜਨਾ |
ਓ ਭਾਵੇਂ ਦੁੱਖ ਪੈਣ ਸਹਿਣੇਂ,
ਤਾਂ ਪੰਜਾਬ ਮੁੜਨਾ |
ਕਰ ਬੈਠੇ ਅਸੀਂ ਆਪੇ ਨਾ,
ਜੁਬਾਨ ਮਾਲਕਾ |
ਤੂੰ ਹੁਣ ਕਿੰਨਾਂ ਚਿਰ ਲੈਣੇ ਨੇਂ,
ਇਮਤਿਹਾਨ ਮਾਲਕਾ
ਦਿੱਲੀ ਬਣ ਗਿਆ ਫੱਕਰਾਂ,
ਟਰਾਲੀਆਂ ਦਾ ਸ਼ਹਿਰ |
ਹਿੰਦੂ ਸਿੱਖ ਇੱਕ ਹੋਇਆ,
ਕੋਈ ਲਗਦਾ ਨਈਂ ਗੈਰ |
ਲੈ ਕੇ ਤੁਰੇ ਅਸੀਂ ਘਰੋਂ ਹੀ,
ਸਾਮਾਨ ਮਾਲਕਾ |
ਤੂੰ ਹੁਣ ਕਿੰਨਾਂ ਚਿਰ ਲੈਣੇ ਨੇਂ,
ਇਮਤਿਹਾਨ ਮਾਲਕਾ
ਦੁੱਖਭੰਜਨਾਂ ਤੰਗਲੀ,ਕਹੀਆਂ,
ਤੇ ਦਾਤੀ,ਰੰਬੇ ਨਾਲ |
ਦਿੱਲੀ ਹੱਥ ਜੋੜਕੇ ਹੱਕ ,
ਦੇਊਗੀ ਬੰਨਾਂਗੇ ਖੰਭੇ ਨਾਲ |
ਜੱਟਾਂ ਨੂੰ ਹੌਂਸਲਾ ਦੇ ਤਾਕਤਾਂ,
ਹੋਵੇ ਹੈਰਾਨ ਮਾਲਕਾ |
ਤੂੰ ਹੁਣ ਕਿੰਨਾਂ ਚਿਰ ਲੈਣੇ ਨੇਂ,
ਇਮਤਿਹਾਨ ਮਾਲਕਾ
