ਗੁਰਿੰਦਰਜੀਤ ਨੀਟਾ ਮਾਛੀਕੇ / ਕੁਲਵੰਤ ਧਾਲੀਆਂ
ਫਰਿਜ਼ਨੋ (ਕੈਲੀਫੋਰਨੀਆਂ), 4 ਨਵੰਬਰ 2020
ਟ੍ਰਾਂਸਜੈਂਡਰ ਲੋਕਾਂ ਨੂੰ ਅਜੋਕੇ ਸਮੇਂ ਵਿੱਚ ਸਵੀਕਾਰਿਆ ਜਾ ਰਿਹਾ ਹੈ। ਉਹਨਾਂ ਨਾਲ ਹੁੰਦੇ ਭੇਦਭਾਵ ਦੂਰ ਹੋ ਗਏ ਹਨ। ਜਿਸਦੀ ਮਿਸ਼ਾਲ ਅਮਰੀਕਾ ਵਿੱਚ ਕਾਇਮ ਹੋਈ ਹੈ ਜਿੱਥੇ ਦੇਸ਼ ਨੂੰ ਪਹਿਲੀ ਟ੍ਰਾਂਸਜੈਂਡਰ ਸਟੇਟ ਸੈਨੇਟਰ ਮਿਲੀ ਹੈ। ਸਾਰਾਹ ਮੈਕਬ੍ਰਾਈਡ ਨੇ ਡੈਲਾਵੇਅਰ ਸਟੇਟ ਸੈਨੇਟ ਦੀ ਦੌੜ ਵਿਚ ਜਿੱਤ ਦਾ ਐਲਾਨ ਕਰਦਿਆਂ, ਦੇਸ਼ ਦੀ ਪਹਿਲੀ ਟ੍ਰਾਂਸਜੈਂਡਰ ਸਟੇਟ ਸੈਨੇਟਰ ਵਜੋਂ ਇਤਿਹਾਸ ਸਿਰਜਿਆ ਹੈ। ਇਸ ਡੈਮੋਕਰੇਟਿਕ ਉਮੀਦਵਾਰ ਨੇ ਰਿਪਬਲੀਕਨ ਸਟੀਵ ਵਾਸ਼ਿੰਗਟਨ ਨੂੰ ਹਰਾਇਆ ਹੈ। ਮੈਕਬ੍ਰਾਈਡ ਨੇ ਮੰਗਲਵਾਰ ਰਾਤ ਨੂੰ ਟਵੀਟ ਕਰਦਿਆਂ ਸਟੇਟ ਦਾ ਧੰਨਵਾਦ ਕੀਤਾ। ਮੈਕਬ੍ਰਾਈਡ ਨੇ ਪਿਛਲੇ ਸਾਲ ਡੈਲਾਵੇਅਰ ਵਿਚ ਰਾਜ ਸੈਨੇਟ ਲਈ ਆਪਣੀ ਮੁਹਿੰਮ ਦੀ ਸ਼ੁਰੂਆਤ ਕੀਤੀ ਸੀ।। ਇਸ 28 ਸਾਲਾ ਟ੍ਰਾਂਸਜੈਂਡਰ ਨੇ ਮਨੁੱਖੀ ਅਧਿਕਾਰਾਂ ਦੀ ਮੁਹਿੰਮ ਦੇ ਕੌਮੀ ਪ੍ਰੈਸ ਸਕੱਤਰ, ਦੇਸ਼ ਦੇ ਸਭ ਤੋਂ ਵੱਡੇ ਐਡਵੋਕੇਸੀ ਗਰੁੱਪ ਅਤੇ ਰਾਜਨੀਤਿਕ ਲਾਬਿੰਗ ਸੰਗਠਨ ਵਜੋਂ ਸੇਵਾ ਨਿਭਾਈ ਹੈ। ਉਸਦੀ ਮੁਹਿੰਮ ਨੇ ਡੇਲਾਵੇਅਰ ਵਿੱਚ ਕਈ ਉੱਚ- ਸ਼ਖਸੀਅਤਾਂ ਦਾ ਸਮਰਥਨ ਪ੍ਰਾਪਤ ਕੀਤਾ, ਜਿਨ੍ਹਾਂ ਵਿੱਚ ਜੋਏ ਬਾਈਡੇਨ ਦਾ ਪਰਿਵਾਰ, ਸੈਨੇਟਰ ਕ੍ਰਿਸ ਕੂਨਸ ਅਤੇ ਪ੍ਰਤੀਨਿਧੀ ਲੀਜ਼ਾ ਬਲੰਟ ਰੋਚੈਸਟਰ ਆਦਿ ਸ਼ਾਮਿਲ ਹਨ, ਜਿਨ੍ਹਾਂ ਨੇ ਮੈਕਬ੍ਰਾਈਡ ਨੂੰ ਇੱਕ “ਅਣਥੱਕ ਐਡਵੋਕੇਟ ਅਤੇ ਟਰੈਬਲਬਲੇਜ਼ਰ” ਵੀ ਕਿਹਾ ਹੈ। ਸਤੰਬਰ ਵਿਚ ਆਪਣੀ ਮੁੱਢਲੀ ਦੌੜ ਜਿੱਤਣ ਤੋਂ ਬਾਅਦ ਉਹ ਉਤਸ਼ਾਹਿਤ ਸੀ। ਇੱਕ ਰਿਪੋਰਟ ਅਨੁਸਾਰ ਮੈਕਬ੍ਰਾਈਡ ਦੇ ਪਲੇਟਫਾਰਮ ਵਿੱਚ ਕਾਫੀ ਮੁੱਦੇ ਸ਼ਾਮਿਲ ਹਨ ਜਿਵੇਂ ਕਿ ਚੰਗੀ ਤਨਖਾਹ , ਪਰਿਵਾਰ ਅਤੇ ਡਾਕਟਰੀ ਛੁੱਟੀ, ਪਬਲਿਕ ਸਕੂਲਾਂ ਨੂੰ ਮਜ਼ਬੂਤ ਕਰਨਾਂ ਅਤੇ ਅਪਰਾਧਿਕ ਨਿਆਂ ਪ੍ਰਣਾਲੀ ਵਿਚ ਸੁਧਾਰ ਕਰਨੇ ਆਦਿ। ਇਸ ਤੋਂ ਇਲਾਵਾ ਮੈਕਬ੍ਰਾਈਡ ਨੇ ਰਾਸ਼ਟਰਪਤੀ ਬਰਾਕ ਓਬਾਮਾ ਦੇ ਪ੍ਰਸ਼ਾਸਨ ਦੌਰਾਨ ਵ੍ਹਾਈਟ ਹਾਊਸ ਵਿਚ ਦਾਖਲਾ ਲਿਆ ਅਤੇ ਬਾਅਦ ਵਿਚ ਸਾਬਕਾ ਗਵਰਨਰ ਜੈਕ ਮਾਰਕੇਲ ਅਤੇ ਮਰਹੂਮਸਾਬਕਾ ਅਟਾਰਨੀ ਜਨਰਲ ਬੀਓ ਬਾਈਡੇਨ ਜੋ ਕਿ ਡੈਮੋਕਰੇਟਿਕ ਰਾਸ਼ਟਰਪਤੀ ਅਹੁਦੇ ਦੇ ਉਮੀਦਵਾਰ ਜੋਏ ਬਾਈਡੇਨ ਦੇ ਬੇਟੇ ਸਨ, ਦੀਆਂ ਮੁਹਿੰਮਾਂ ‘ਤੇ ਕੰਮ ਕੀਤਾ। ਉਸਨੇ ਅਮੇਰਿਕਨ ਯੂਨੀਵਰਸਿਟੀ ਵਿੱਚ ਵਿਦਿਆਰਥੀ ਸੰਗਠਨ ਦੇ ਪ੍ਰਧਾਨ ਵਜੋਂ ਵੀ ਸੇਵਾਵਾਂ ਨਿਭਾਈਆਂ ਹਨ।
