ਰਜਨੀ ਵਾਲੀਆ
ਨੀਯਤ ਰੱਖੋ ਸਾਫ ਤੇ ਰੱਬ,
ਵੀ ਦੇਂਦਾ ਰਹਿੰਦਾ ਰੋਟੀ |
ਉਸ ਤੋਂ ਖੋਹ ਲੈਂਦਾ ਏ ਦੇ ਕੇ,
ਜਿਸਦੀ ਨੀਯਤ ਹੋਵੇ ਖੋਟੀ |
ਨੀਯਤ ਰੱਖੋ ਸਾਫ ਤੇ ਰੱਬ,
ਵੀ ਦੇਂਦਾ ਰਹਿੰਦਾ ਰੋਟੀ |
ਰੋਟੀ ਦੇ ਨਾਲ ਮਿਹਨਤ ਜੁੜਦੀ,
ਤੇ ਮਿਹਨਤ ਨਾਲ ਮੁਰਾਦ |
ਜਿਹੜੇ ਖਾਵਣ ਹੱਕ- ਹਲਾਲੀ,
ਉਹ ਰਹਿੰਦੇ ਸਦਾ ਆਬਾਦ |
ਸੋਚ ਨੂੰ ਸਦਾ ਹੀ ਵੱਡਿਆਂ ਰੱਖੀਏ,
ਕਰੀਏ ਨਾ ਕਦੇ ਛੋਟੀ |
ਨੀਯਤ ਰੱਖੋ ਸਾਫ ਤੇ ਰੱਬ,
ਵੀ ਦੇਂਦਾ ਰਹਿੰਦਾ ਰੋਟੀ |
ਜੇ ਮੁਸ਼ਕਿਲ ਨਾਲ ਆਡਾ ਲਗ,
ਜਾਏ ਫੇਰ ਪਿਛਾਂਹ ਨਾ ਤੱਕੋ |
ਹਿੰਮਤ ਕਰਕੇ ਮੰਜਿਲ ਪਾ ਲਓ,
ਕਦੇ ਮਾੜੀ ਨਾ ਨੀਯਤ ਰੱਖੋ |
ਬੇਹਿੰਮਤੇ ਕਦੇ ਸਰ ਨਹੀਂ ਕਰਦੇ,
ਔਖੀ ਤੋਂ ਔਖੀ ਚੋਟੀ |
ਨੀਯਤ ਰੱਖੋ ਸਾਫ ਤੇ ਰੱਬ,
ਵੀ ਦੇਂਦਾ ਰਹਿੰਦਾ ਰੋਟੀ |
ਕਦੇ ਵੀ ਟੀਕਾ ਅਤੇ ਤੰਬਾਕੂ,
ਬੈਠੀਏ ਨਾ ਕਿਤੇ ਖਾ ਕੇ |
ਰੱਖੀਏ ਸਦਾ ਸਰੀਰ ਜੋਸੀ਼ਲਾ,
ਤੇ ਮਨ ਨੂੰ ਰੱਖੀਏ ਸਮਝਾ ਕੇ |
ਚੋਰਾਂ ਤੇ ਬੇਈਮਾਨਾਂ ਦੇ ਨਾਲ,
ਰੱਖੀਏ ਨਾ ਕਦੇ ਜੋਟੀ |
ਨੀਯਤ ਰੱਖੋ ਸਾਫ ਤੇ ਰੱਬ,
ਵੀ ਦੇਂਦਾ ਰਹਿੰਦਾ ਰੋਟੀ |
ਲੀਡਰ ਖਾਂਦੇ ਚਾਰਾ ਖਾਦਾਂ,
ਤੇ ਖਾ ਜਾਂਦੇ ਨੇ ਹਰ ਸੈ਼ਅ |
ਖਾ ਜਾਂਦੇ ਜੋ ਸਕੂਨ ਲੁਕਾਈ,
ਦਾ ਸਕਦੇ ਨਈਂ ਓ ਰਹਿ |
ਕਦੇ ਹਰਾਮਦੀ ਖਾਈਏ ਨਾ,
ਭਾਵੇਂ ਲਹਿ ਜਾਏ ਬੋਟੀ-ਬੋਟੀ |
ਨੀਯਤ ਰੱਖੋ ਸਾਫ ਤੇ ਰੱਬ,
ਵੀ ਦੇਂਦਾ ਰਹਿੰਦਾ ਰੋਟੀ |
ਮਿਹਨਤ ਕਰਕੇ ਖਾਣ ਦਾ ਆਦੀ,
ਸਦਾ ਹੀ ਸਕੂਨ ਹੰਢਾਉਂਦਾ ਏ |
ਬੇਗੈਰਤ ਤੇ ਜਾ਼ਲਮ ਬੰਦਾ ਸਦਾ,
ਆਪਣੀ ਹੀ ਅਊਧ ਘਟਾਉਂਦਾ ਏ |
ਰੱਬ ਦਾ ਬੰਦਾ ਸਰ ਕਰ ਜਾਂਦਾ,
ਭਾਵੇਂ ਹੋਵੇ ਕੋਈ ਕਸੌਟੀ |
ਨੀਯਤ ਰੱਖੋ ਸਾਫ ਤੇ ਰੱਬ,
ਵੀ ਦੇਂਦਾ ਰਹਿੰਦਾ ਰੋਟੀ |
ਰਜਨੀ ਜਦੋਂ ਵੀ ਖਾਂਦੀ ਏ,
ਬੱਸ ਵਾੜ ਖੇਤ ਨੂੰ ਖਾਵੇ |
ਨੀਯਤ ਵਾਲਾ ਜਿੱਤਦਾ ਬਾਜੀ,
ਸਦਾ ਬੇਨਿਯਤਾ ਹਰ ਜਾਵੇ |
ਤਾਪਮਾਨ ਨੂੰ ਜ਼ਹਿਨ ਚ ਰੱਖੀਏ,
ਨੀ ਪਾਈਏ ਜੇਕਰ ਕੋਟੀ |
ਨੀਯਤ ਰੱਖੋ ਸਾਫ ਤੇ ਰੱਬ,
ਵੀ ਦੇਂਦਾ ਰਹਿੰਦਾ ਰੋਟੀ |
