ਪਰਥ, 27 ਅਕਤੂਬਰ (ਸਤਿੰਦਰ ਸਿੰਘ ਸਿੱਧੂ)
ਫ਼ਸਟ ਮਿਨਿਸਟਰ ਨਿਕੋਲਾ ਸਟਰਜਨ ਨੇ ਅੱਜ ਸੰਸਦ ਵਿੱਚ 2 ਨਵੰਬਰ ਤੋਂ ਲਾਗੂ ਹੋਣ ਵਾਲੇ ਨਵੇਂ ਤਾਲਾਬੰਦੀ ਬਾਰੇ ਕਿਹਾ ਹੈ ਕਿ ਸਕਾਟਲੈਂਡ ਦੀ ਕੇਂਦਰੀ ਪੱਟੀ ਤੋਂ ਬਾਹਰ ਦਾ ਬਹੁਤਾ ਹਿੱਸਾ ਨਵੀਆਂ ਪਾਬੰਦੀਆਂ ਦੇ ਤੀਜੇ ਪੱਧਰ ਵਿੱਚ ਹੋਵੇਗਾ। ਸ੍ਰੀਮਤੀ ਸਟਰਜਨ ਨੇ ਇਹ ਵੀ ਕਿਹਾ ਹੈ ਕਿ ਇਹ ਅਜੇ ਅੰਤਮ ਫੈਸਲੇ ਨਹੀਂ ਹਨ। ਹਾਲਾਂਕਿ ਕੋਰੋਨਾ ਵਾਇਰਸ ਦੇ ਮਾਮਲਿਆਂ ਵਿੱਚ ਵਾਧਾ ਹੋਣ ਤੋਂ ਬਾਅਦ ਡੰਡੀ ਦਾ ਪੱਧਰ 3 ਵਿੱਚ ਰਹਿਣ ਦੀ ਸੰਭਾਵਨਾ ਹੈ ਜਦਕਿ ਪਰਥ ਅਤੇ ਕਿਨਰੋਸ ਪੱਧਰ 2 ਵਿੱਚ ਹੋਵੇਗਾ ।
ਕੇਂਦਰੀ ਪੱਟੀ ਦੇ ਖੇਤਰ ਜੋ ਇਸ ਸਮੇਂ ਸਭ ਤੋਂ ਸਖਤ ਪਾਬੰਦੀਆਂ ਅਧੀਨ ਹਨ, ਸੰਭਾਵਤ ਤੌਰ ‘ਤੇ ਸ਼ੁਰੂਆਤ ਵਿੱਚ ਤੀਜੇ ਪੱਧਰ ‘ਤੇ ਹੋਣ ਦੀ ਸੰਭਾਵਨਾ ਹੈ। ਜਦਕਿ ਦੇਸ਼ ਦੇ ਬਾਕੀ ਹਿੱਸਿਆਂ ਵਿੱਚ ਪੱਧਰ ਦੋ ਤੋਂ ਸ਼ੁਰੂ ਹੋਣ ਦੀ ਸੰਭਾਵਨਾ ਹੈ।
