ਦੁੱਖਭੰਜਨ ਰੰਧਾਵਾ
0351920036369
ਨੀ ਮੈਥੋਂ ਗਲਤੀ ਹੋ ਗਈ ਏ,
ਮੈਂ ਤੇਰੇ ਨਾਲ ਲਾ ਬੈਠਾ ਹਾਂ |
ਮੈਨੂੰ ਖੁਦ ਨੂੰ ਪਤਾ ਨਹੀਂ ਲੱਗਿਆ,
ਮੈਂ ਕਿਹੜੇ ਹਾਲ ਲਾ ਬੈਠਾ ਹਾਂ |
ਨੀ ਮੈਥੋਂ ਗਲਤੀ ਹੋ ਗਈ ਏ,
ਮੈਂ ਤੇਰੇ ਨਾਲ ਲਾ ਬੈਠਾ ਹਾਂ |
ਮੈਨੂੰ ਏਦਾਂ ਕਿਉਂ ਲਗਦੈ,
ਜਿੱਦਾਂ ਹਰਦਾ ਜਾਨਾ ਵਾਂ |
ਮੈਨੂੰ ਏਦਾਂ ਕਿਉਂ ਲਗਦੈ,
ਜਿੱਦਾਂ ਮਰਦਾ ਜਾਨਾ ਵਾਂ |
ਮੈਂ ਬਿਨਾ ਕੁੰਡੀ ਦੇ ਅੜੀਏ,
ਮੱਛੀ ਲਈ ਜਾਲ ਲਾ ਬੈਠਾ ਹਾਂ |
ਨੀ ਮੈਥੋਂ ਗਲਤੀ ਹੋ ਗਈ ਏ,
ਮੈਂ ਤੇਰੇ ਨਾਲ ਲਾ ਬੈਠਾ ਹਾਂ |
ਮੈਨੂੰ ਸਮਝਾ ਦੇ ਕਿਉਂ ਮੇਰੀ,
ਗੱਲ ਨੂੰ ਹੁੰਗਾਰਾ ਨਹੀਂ |
ਮੈਨੂੰ ਸਮਝਾ ਦੇ ਕਿਉਂ ਮੇਰੀ,
ਤੱਕਣੀਂ ਨੂੰ ਇਸ਼ਾਰਾ ਨਹੀਂ |
ਪਤਾ ਮੈਨੂੰ ਵੀ ਨਹੀਂ ਕਿਉਂ,
ਖਿਆਲ ਲਾ ਬੈਠਾ ਹਾਂ |
ਨੀ ਮੈਥੋਂ ਗਲਤੀ ਹੋ ਗਈ ਏ,
ਮੈਂ ਤੇਰੇ ਨਾਲ ਲਾ ਬੈਠਾ ਹਾਂ |
ਮੈਂ ਹੈਰਾਨ ਬੜਾ ਹੋਇਆ,
ਤੂੰ ਸਵਾਲ ਜਦੋਂ ਕੀਤੇ |
ਮੈਂ ਹੈਰਾਨ ਬੜਾ ਹੋਇਆ,
ਤੂੰ ਮੇਰੇ ਨਾਲ ਜਦੋਂ ਕੀਤੇ |
ਜਿੱਥੋਂ ਜਵਾਬ ਨਹੀਂ ਮਿਲਣੇਂ,
ਉਥੇ ਸਵਾਲ ਲਾ ਬੈਠਾ ਹਾਂ |
ਨੀ ਮੈਥੋਂ ਗਲਤੀ ਹੋ ਗਈ ਏ,
ਮੈਂ ਤੇਰੇ ਨਾਲ ਲਾ ਬੈਠਾ ਹਾਂ |
ਮੈਂ ਏਦਾਂ ਟੁੱਟਿਆ ਕੱਚ ਵਾਂਗੂ,
ਨੀ ਮੈਂ ਚੂਰ-ਚੂਰ ਹੋਇਆ |
ਨੀ ਮੈਂ ਆਪਣਿਆਂ ਤੋਂ ਹੀ,
ਹਾਂ ਦੂਰ- ਦੂਰ ਹੋਇਆ |
ਮੈ ਦਿਲ ਆਪਣੇ ਦਾ ਹੀ,
ਮਹਿਲ ਢਾਹ ਬੈਠਾ ਹਾਂ |
ਨੀ ਮੈਥੋਂ ਗਲਤੀ ਹੋ ਗਈ ਏ,
ਮੈਂ ਤੇਰੇ ਨਾਲ ਲਾ ਬੈਠਾ ਹਾਂ |
ਦੁੱਖਭੰਜਨ ਟੁੱਟਿਆ ਜੇ ਤੂੰ ਵੀ,
ਟੁੱਟ ਕੇ ਰਹਿ ਜਾਏਂਗੀ |
ਨੀ ਜਿੱਦਾਂ ਸਾਹ ਛੁੱਟ ਜਾਂਦੇ ਨੇ,
ਤੂੰ ਵੀ ਛੁੱਟ ਜਾਵੇਂਗੀ |
ਮੈਂ ਪੱਥਰ ਤੇ ਲੀਕ ਵਾਂਗੂ,
ਤੈਨੂੰ ਦਿਲ ਤੇ ਵਾਹ ਬੈਠਾ ਹਾਂ |
ਨੀ ਮੈਥੋਂ ਗਲਤੀ ਹੋ ਗਈ ਏ,
ਮੈਂ ਤੇਰੇ ਨਾਲ ਲਾ ਬੈਠਾ ਹਾਂ |
