ਰਜਨੀ ਵਾਲੀਆ
ਸਾਗਰ ਜਿੰਨੇਂ ਗਹਿਰੇ ਲਗਦੇ,
ਓਨੇ ਜਿੰਦ ਤੇ ਪਹਿਰੇ ਲਗਦੇ |
ਸਾਗਰ ਜਿੰਨੇਂ ਗਹਿਰੇ ਲਗਦੇ,
ਟੀਸਾਂ ਸਹਿਣ ਨੂੰ ਸਾਨੂੰ ਮਿਲੀਆਂ,
ਨੈਣੀਂ ਹੰਝੂਆਂ ਦੀਆਂ ਕਲੀਆਂ ਖਿਲੀਆਂ,
ਪੀੜਾਂ ਵਿੱਚ ਸਾਹ ਠਹਿਰੇ ਲਗਦੇ |
ਸਾਗਰ ਜਿੰਨੇਂ ਗਹਿਰੇ ਲਗਦੇ,
ਸਾਡੀਆਂ ਆਸਾਂ ਤੇ ਸਾਡੀਆਂ ਰੀਝਾਂ,
ਜੀਅ ਕਰਦੈ ਕਰ ਅੱਥਰੂ ਪੀ ਜਾਂ,
ਵਗ ਗਏ ਸਭ ਨਹਿਰੇ ਲਗਦੇ |
ਸਾਗਰ ਜਿੰਨੇਂ ਗਹਿਰੇ ਲਗਦੇ,
ਵੇ ਤੇਰੀ ਬੇਰੁਖੀ ਦੇ ਜੋ ਤੀਰ ਜ਼ਾਲਮਾਂ,
ਇਉਂ ਜਾਪਣ ਜਿਉਂ ਸ਼ਮਸੀ਼ਰ ਜ਼ਾਲਮਾਂ,
ਹੁਣ ਸਾਨੂੰ ਸਿਖਰ ਦੁਪਹਿਰੇ ਲਗਦੇ |
ਸਾਗਰ ਜਿੰਨੇਂ ਗਹਿਰੇ ਲਗਦੇ,
ਵੇ ਬੇਰੁਖੀਆਂ ਤੇਰੀਆਂ ਦੇ ਕਰਕੇ,
ਕੱਖ ਵੀ ਨਹੀਂ ਮਿਲਿਆ ਮਰ-ਮਰਕੇ,
ਮੇਰੇ ਦਿਲ ਅੰਦਰ ਦੁਸਹਿਰੇ ਲਗਦੇ |
ਸਾਗਰ ਜਿੰਨੇਂ ਗਹਿਰੇ ਲਗਦੇ,
ਆਪਣਿਆਂ ਵਾਲੀ ਗੱਲ ਨਹੀਂ ਤੇਰੀ,
ਰਿਹਾ ਕਰਦਾ ਮੇਰੇ ਨਾਲ ਹੇਰਾ-ਫੇਰੀ,
ਹੁਣ ਤਾਂ ਸੱਭੇ ਗੈਰ ਏ ਲਗਦੇ |
ਸਾਗਰ ਜਿੰਨੇਂ ਗਹਿਰੇ ਲਗਦੇ,
ਰਜਨੀਏ ਸਾਰ ਜਮਾਨਾ ਨਈਂ ਲੈਂਦਾ,
ਚੰਦਰਾ ਦੁੱਖ ਆ-ਆ ਨੇੜੇ ਬਹਿੰਦਾ,
ਹੰਝੂ ਵਗਦੇ ਨੇ ਤਾਂ ਜ਼ਹਿਰ ਏ ਲਗਦੇ |
ਸਾਗਰ ਜਿੰਨੇਂ ਗਹਿਰੇ ਲਗਦੇ,
